وظائف بجامعة الملك عبدالعزيز- فرع خليص-الكامل-شمال جدة(عسفان)

[المحبـــوب]

بنات مين فني احياء حيوان ودي نتقابل ونعرف بعض لمؤازة بعضنا في المقابله

[قريب المنال]

اهلين حبيبتي انا فني احياء علم حيوان أن شاء الله نتقابل على خير لو عندك اي إفادة ياليت تضيفيها وانا كمان لو اطلعت على شي ممكن يفيدنا راح أضيف وياليت كمان باقي البنات يشاركونا

[المحبـــوب]

المشاركة الأصلية كتبت بواسطة قريب المنال اهلين حبيبتي انا فني احياء علم حيوان أن شاء الله نتقابل على خير لو عندك اي إفادة ياليت تضيفيها وانا كمان لو اطلعت على شي ممكن يفيدنا راح أضيف وياليت كمان باقي البنات يشاركونا

هلا قلبي
والله انا مااعرف شيء دايما اختبر بس عمر ماوصلت حد المقابله
ماادري كيف
اذا في احد يعرف طريقة المقابله وش يصير فيها يخبرنا ويساعدنا

[raaan_5]

السلام عليكم اخواتي واخواني الله يجزاكم الجنه ويحقق امنياتكم
ياليت اللي عنده خبره او خلفيه عن طبيعة مقابلة وظيفة (فنية مختبر حاسب الي) يشرح لنا او يعطينا نبذه عنها هل الاسئله عامه وتتركز على
شخصية المتقدمه وردودها ام عن التخصص ام عن مهام الوظيفه ؟
ارجوكم ساعدوني :(

[المحبـــوب]

طيب خلاص احنا انقبلنا والا لسا بعد المقابله

[الشيمآء]

المشاركة الأصلية كتبت بواسطة روان الصحفي ألف مبروك للمرشحين وبالتوفيق لكل المتقدمين محد يدري الخيره فين اللي دخلو مقابلات ياريت يفيدون الباقين ونتعاون مع بعض وبالتوفيق يارب

المشاركة الأصلية كتبت بواسطة قريب المنال السلام عليكم ورحمة الله وبركاته أنا كمان وصلني مسج لمقابلة فني مختبر احياء علم حيوان فرع خليص ياليت اللي عنده اي فكره ويقدر يساعدنا الله يجزاه خير واسال الله التوفيق للجميع

المشاركة الأصلية كتبت بواسطة آنأإ~ وصلني أنا كمان مقابلة شخصية لاحياء حيوان ... احد عنده خلفية عن المقابلة والاسئلة التي تطرح ؟!

المشاركة الأصلية كتبت بواسطة raaan_5 السلام عليكم اخواتي واخواني الله يجزاكم الجنه ويحقق امنياتكم ياليت اللي عنده خبره او خلفيه عن طبيعة مقابلة وظيفة (فنية مختبر حاسب الي) يشرح لنا او يعطينا نبذه عنها هل الاسئله عامه وتتركز على شخصية المتقدمه وردودها ام عن التخصص ام عن مهام الوظيفه ؟ ارجوكم ساعدوني :(

وعليكم السلام ورحمة الله وبركاته ~

مبارك تجاوزكم الاختبار
بالنسبة للمقابلة فعادةً تكون أسئلة عامة لتقييم المتقدم،
يعني توقعوا الأسئلة التالية: عرفي بنفسك؟ نقاط القوة والضعف؟ ليش نقبلك؟ هل تشوفي نفسك قائدة؟ ممكن يسألوا عن آخر خبر سمعتيه أو كتاب قرأتيه
لكن هذا ما يمنع إنه ممكن اللجنة تكتفي بأسئلة تخصصية كـ تجربتي هنا!

]:[ تجــــآرب المُقــآبـلة الشخصيــة | Personal Interview Experiences
شوفوا رد الأخت سفيرة الأحلام في الموضوع أعلاه

المشاركة الأصلية كتبت بواسطة المحبـــوب طيب خلاص احنا انقبلنا والا لسا بعد المقابله

لا لسا، بعد المقابلة!
الله يكتب لكم القبول يارب

بالتوفيق للجميع .

[قريب المنال]

شكرا عزيزتي.. وجزاك الله خير

[المحبـــوب]

بالتوفيق للجميع اليوم
والله يكتب لنا الخير فيها يارب
نلتقي اليوم باذن الله
فني مختبر احياء علم حيوان

[الشيمآء]

الله يفتح عليكم ويسهل أموركم

[روان الصحفي]

السلام عليكم مساء الخير..
احم اليوم كان عندي مقابلة وظيفة فنية مختبر كيمياء بجامعة الملك عبدالعزيز فرع خليص وحابه اقولكم ايش صار معي
حضرت من الساعه 8 والمقابلة كانت 9 جلست في البوابة لين سمحو لنا ندخل وبعدها انطلقنا مع موظفة الامن الى مبنى2 كلنا بنات الكيمياء والحاسب وبعدها جلسنا في قاعة ووزعو علينا ارقام وجلسنا ننتظر وبعدها اخذوا الخمس الارقام الاولى ( انا كنت رقم 4 وصحبتي 5 ) وعلى غرفة انتظار ثانية جلسنا وبعدها بدأو بالترتيب الى ان جاء دوري على الساعه 10 ونص دخلت على اللجنة الاولى ف مكتب وكيلة الكليه ومعها وحدة تانيه تقييم من الشكل والمظهر والانفعالات وكدا اظن لانها كانت تطالع فيني وتكتب اما الوكيلة سألتني عن اسمي ووين ساكنة ومعدلي واخدت وثيقتي وعن اذا عندي خبرات او لا فقط وطلعت ثم بعدها قالو لسى انتظري حتدخلي لجنة المقابلة بس تخرج صاحبة رقم3 وانتظرت تقريبا 10 دقائق واخيرا جاء دوري توكلت على الله ودخلت كانو خمس استاذات ثنتين مصريتين والثلاث الباقين سعوديات سلمت وجلست واقفه بعدها قالو لي تفضلي جلست سألو عن اسمي وطلبو اوراقي وقالو لي اسحبي ظرف من دا الصندوق واقرأي الاسئلة وجاوبي سميت بالله واخدت وفتحته كانو ثلاث اسئلة وكل سؤال بفقرتين زي كدا :
السؤال الاول :
ما الأكسدة والإختزال؟
لماذا لا نستخدم حمض الهيدروكلوريك كوسط حمضي في معايرات تفاعلات الاكسدة والاختزال في وجود برمنجات البوتاسيوم؟
السؤال الثاني
اذا انسكب سائل البروم على البشرة كيف نسعف المصاب ؟ نغسله بالماء وندلك البشرة جيدا بالجلسيرين ههههههه لحسن حظي كانت الاجابة مكتوبه وبكل صدق قلت لهم ف تفاجأو قالو طيب نسألك سؤال غيره : لو انسكب حمض على البشرة كيف تتصرفي ؟
الفقرة التانيه لنفس السؤال دا كان عن :
صورتين من صور السيفتي : الاولى كان لونها اخضر وكانت صورة لنقطة تجمع وللاسف ماجاوبت عليها مرا راحت عن بالي
والتانيه كان لونها احمر وفيها عود ثقاب والحمدالله جاوبتها
السؤال الثالث : كان ثقافة عامة
كم مساحة المملكة؟
كم عدد احزاب القران ؟
والحمدالله جاوبتها بعدها جلست تسألني ليه ماعندي خبرات وكدا وشافو شهادات التفوق قالو ماشاءالله من فين متخرجة ومتى تخرجتي
وبعدها شكرتهم وطلعت والحمدالله كانت اول مقابلة لي واحس اني راضية تماما عن نفسي وراضية بكل شئ يكتبه لي ربي وربي يوفقني ويوفقكم يااارب
صح نسيت اقول عدد المرشحين كانو 20 مرشحه وانا 21
اما قسم الحاسب فقط 10 مرشحات
ومسائكم خميس