قبول الطلاب والطالبات الغير سعوديين

[ضياع الروح]

رد لأحد الاعضاء .. بما انو ماعندي رسايل خاصة


جد انا محرجة منك ..
يعطيك العافيه ويحقق لك ربي اللي تتمنــاهـ =)



بعد ماحطموووني اول مرا لما ماقبلوو اوراقي
اللي خلاني ارجع اقدم مرا ثانيه .. اهتمامك بالموضوع وتشجيعك

شكرا ..

[موطن السعادة]

كيفكم شباب / بنات
ان شاء الله بخير
انا قدمت واعطوني رقم المعاملة وقالوا لي انتظر اتصالنا والتحديد في رمضان
بس انا عندي سؤال كيف اتواصل معاهم عن طريق موقع الجامعة ولا اتصل عليهم ومتى ابدأ معاهم
؟؟؟
واي استفسار ان شاء الله الاعضاء وانا ما نقصر معاكم

[نجمة ليل]

أخي في الله ممكن تروح الجامعة بين فترة وفترة للإطمئنان على معاملتك أو الاتصال على العمادة وتعطيهم رقم المعاملة وبالتالي حيبينولك وضع معاملتك
وربي يسهل
وأي استفسار تراني جاهزة

[حذيفه نصر]

السلام عليكم ورحمة الله .
حياكم الله يالغلا ,,,
عساكم طيبين ان شاء الله .
انا امس رحت قدمت ,,
ياخي والله من احسن مايكون ,
تعامل واخلاق وادب ,,
ناس محترمة ومن جد يفتحون النفس والشهية بعد !
قدمت على مكتب القبول لغير السعوديين , موظف خلوق ومحترم ...
عطاني استمارة عبيتها تمام ,,
واخذ مني الهوية وصورها , و نتائج التحصيلي والقدرات هو اللي طبعها بعد لأن الورقة اللي وديتها قال مايقبلونها .
ياخي والله قمة في التعامل .
تحياتي وشكري لجامعة الملك عبدالعزيز .
حتى لو ما انقبلت بعد كده تراني راضي الله يحفظكم .
تحياتي .

[موطن السعادة]

يعطيكِ ألف ألف عافية
الأخت / نجمة الليل
ومشكورة وما قصرتي

[بحر الحرية]

المشاركة الأصلية كتبت بواسطة nwara السلام عليكم اخواني انا نسبتي بالثانويه 95 ونسبتي المركبه 82 رحت اقدم في الجامعه ماقبلوني قــالو لازم فوق 90 يعني وش اسوي اضيع سنه واعيد اختبار القدرات والتحصيلي ؟؟؟ انا ما ابغى شيء بس ابغى ادخل انتظام

أهلين أختي..
أنا مستغرب لين دحين، لأنوو المطلوب 90% كحد أدنى ف المعدل التراكمي للثانوية العامة، حتى ف رد لطالبة أعتقد توبيكها ديدي..

وداا ما يعتبر قبول، يعتبر تقديم بس، وبعدين هما يعملوو منافسة بينكم واللي يحقق النسبة المطلوبة من المنافسة يقبلوه..

وانشاا الله ما تضيع عليكي سنة ولا شي، عندك سفارة بلادك برضوو كحل تااني..
والله يكتبلك الخير انشاا الله ويقبلوكي..

ع العموم تأكدي مرة تانية وانشاا الله ربي يسهل عليكي يااارب؛؛

[بحر الحرية]

المشاركة الأصلية كتبت بواسطة ضياع الروح رد لأحد الاعضاء .. بما انو ماعندي رسايل خاصة جد انا محرجة منك .. يعطيك العافيه ويحقق لك ربي اللي تتمنــاهـ =) بعد ماحطموووني اول مرا لما ماقبلوو اوراقي اللي خلاني ارجع اقدم مرا ثانيه .. اهتمامك بالموضوع وتشجيعك شكرا ..

أهلين خيتوو..
لا تتحطمي ولا شي، هواا داا خيرك خيتوو، وعندك الكليات الأهلية، لهم طريقة منح، زي كلية البترجي وغيرها، وعندك الحلول اللي اديتك هياا خيتوو، وجربي اللي قلتلك عليه عن طريق السفارة خلال الأسبوعين الجاية، وكمان لاتنسي التقديمات اللي تجي ف بداية السنة الميلادية للسفارات، وانشاا الله خيتوو تتسهل عليكي ويتيسر كل شي.. أهم شي خليكي متفائلة بخير، وربناا انشاا الله يكتبلك كل خير ياارب..

أتمنى لك التوفيق ياارب؛؛

[بحر الحرية]

المشاركة الأصلية كتبت بواسطة حذيفه نصر السلام عليكم ورحمة الله . حياكم الله يالغلا ,,, عساكم طيبين ان شاء الله . انا امس رحت قدمت ,, ياخي والله من احسن مايكون , تعامل واخلاق وادب ,, ناس محترمة ومن جد يفتحون النفس والشهية بعد ! قدمت على مكتب القبول لغير السعوديين , موظف خلوق ومحترم ... عطاني استمارة عبيتها تمام ,, واخذ مني الهوية وصورها , و نتائج التحصيلي والقدرات هو اللي طبعها بعد لأن الورقة اللي وديتها قال مايقبلونها . ياخي والله قمة في التعامل . تحياتي وشكري لجامعة الملك عبدالعزيز . حتى لو ما انقبلت بعد كده تراني راضي الله يحفظكم . تحياتي .

أهلين عزيزي..
خليك متفائل، وانشاا الله راح تلاقي قبول، وراح تكون بالجامعة من الترم الجااي ياارب، لأنوو مشاا الله نسبتك المركبة مررره حلوة
وانا كنت أحسبك من جدة والله بس يا هلا فيك من أي مكان تكون خيووو..

موفق يااارب؛؛

[meme swan]

السلام عليكم ورحمة الله وبركاته أخي بحر الحريه أنا ماعرفت إنه فيه تقديم عن طريق الجامعه إلا اليوم والحمد لله على كل حال سؤالي هل لا زال التسجيل مفتوح ؟ علما بان نسبتس 98في الثانويه ومتخرجه عام 1430هجري ياليت أجد الجواب منكم ولكم جزيل الشكر

[meme swan]

ياليت ماتتأخروا علي في الرد علشات إذا فيه إمكانه نروح على الجامعه