|| med13 .. حياكم الله هنا للإجابة عن كلما يراودكم ..~

[Dr.MEEM]

المشاركة الأصلية كتبت بواسطة مي! نكمل واعتذر على الاسئلة الكثير * استاذات الثقافة والعربي احنا نختارهم ولا لا ؟ بما انه الموازي حينفصلو عن العادي بدي المادة فالدكاترة حيختلفو صح ؟ " احس دا الموضوع ملخبط براسي " ايش اسامي الدكاترة اللي درسوكم ؟ * الدكاترة حيكون تعاملهم مع الليدر ولا الطالبات ؟ يعني الاشياء المهمة راح نسمعها من الليدر ولا من الدكتورة ؟ * الاختبارات والاسئلة تجي مباشرة زي ماهيا في السلايدات ولا فيها لت وعجن ؟ * ايش المواد اللي اختباراتها غالبا تجي اختيارات ؟ والاختبارات اللي فيها كتابة يدققو ع الاسبلنق ؟! * قريت إنو نجلس بكلاس واحد والدكتورات يجونا صح ؟ معقول نجلس من 8 لـ 3 بنفس المكان :/ * الطب بمبنى واحد ولا فيه تخصصات معانا بنفس المبنى ؟ ودفع الطب اللي قبلنا حيكونو في نفس المبنى ؟ * فيه رسوب ولا كل الدفعة عدت ؟ * فيه مواد بعد كل فصل يعملو كويز صغير , هل يخبروكم المحاضرة اللي قبلها انو المحاضرة الجايه فيه ؟ ولا خلاص نعرف تلقائي بعد ككل فصل * ما اشتريتو ولا كتاب في سنه ثانيه ؟ فيه شي طلع من السلايدات ؟ * ايش يعني شيتات هي نفسها سلايدات ؟ وايش يعني jars ؟ * مادة المدكل سكلز بكم اسبوع ناخذها ؟ اعتذر ججدا ع الاسئلة الكثير :((( يعطيكم العافية مقدما

- استاذات الثقافة والعربي ماراح تختارونهم هذا نصيبكم :)
الدكاترة يختلفوا للانتظام والموازي والترم الثاني طلعوا قرار جديد وقسموا الانتظام كمان لقسمين ف الثقافة غير الموازي لان العدد كبير !
دكتورة نجاح ودكتورة حنان باحمدان وماادري مين كمان

-اكيد الدكتورة بتقول لنا الاشياء المهمه لكن لو مثلا نسيت تقول لنا حاجة تتصل على الليدر وتبلغنا :)
يعني الليدر علاقة وصل بين الدكاترة والطالبات

- على حسب الدكتورة والمادة بس ترا اسئلة الطب مرا سهله كنت متوقعتها صعبه اول مادخلت
في دكاترة يحطون اسئلة مباشرة وفي دكاترة يحبوا التعقيد :(

-الترم الثاني كل الاختبارات اختياري :)
الترم الاول تقريبا النصفي اختياري والفاينل اختياري ومقالي ومايدققوا ع الاسبلنق

-ايوا زي نظام المدارس :)
بس تجلسي ف الكلاس من 8 ل 12 وبعدين بريك وغالبا من الساعه 1 ل 4 معامل يعني مو بنفس المكان !

-مبنى واحد خاص فيكم انبسطوا فيه براحتكم :)
الدفع الي قبلكم باماكن ثانية

-في رسوب في كم مادة وبياخذوا دور ثاني ف رمضان ان شاء الله
بس بسيط ومرا قليل الرسوب

- مادة البيوكمستري حتكون كل اسبوع او اسبوعين تقريبا كويز
واكيد يخبرونكم لاتشيلي هم :)

- ممكن تشتري اطلس صور للاناتومي
لكن السلايدات عموما تكفي ومايطلع منها الاختبار
بس لازم تشتري كتاب medical terminology chabner لان الدراسة منه
وكتاب مو فاكره اسمه بس اساسيات الاناتومي حيفيدك ف اول دروس
ولاتستعجلي ف شراء الكتب

- تقريبا كلها نفس المعنى
الجارز هيا عينات لاعضاء زي القلب او الكبد حتاخذوها ف الباثولوجي واختبار العملي

- والله ماافتكر يمكن شهر او اكثر وكل اسبوع تقريبا تاخذوا اساسيات من كل مادة

حياك باي وقت :)

[MrMohammed]

السلام عليكم ...

عندي سؤال بسيط انا سمعت انه في اليومين هذي راح يفتح التسجيل للترم الاول , هل هذا الكلام يشملنا كطلاب الطب , ولا ينزلنا الجدول جاهز وما يحتاج تسجيل ولا شي ؟

[Miss Dreamer]

المشاركة الأصلية كتبت بواسطة MrMohammed السلام عليكم ... عندي سؤال بسيط انا سمعت انه في اليومين هذي راح يفتح التسجيل للترم الاول , هل هذا الكلام يشملنا كطلاب الطب , ولا ينزلنا الجدول جاهز وما يحتاج تسجيل ولا شي ؟

وعليكم السلام ..
الجدول ينزل جاهز .. من ميزات طالب الطب :d

موفقين

[مي!]

Dr.MEEM

مررره شكرا ربي يسعدك ويحققلك اللي تتمنيه واكثر يارب :*

[سبيستون]

السلام عليكم
هل هناك محاضرات مختلطة لطالبات كلية الطب يعني بنات واولاد ولا لأ؟

[محمد الداود]

^
لا مافي.

[قروشـ]

^^ يا خسااارة :( ,,,, لا لا امزح ههههه ,,

________

دكتورة مرام كأنك كتبتي فوق الدفعة كلها تحضر في نفس الكلاس ,, معقولة 200 طالب في كلاس واحد ؟ أو يقسمونا عدة فصول وكلاسات ....

[عاشقة التحدي]

نيابة عن دكتورة مرام
ايوا كل ال 200 يدرسوا مع بعض في كلاس كبيير

[قروشـ]

المشاركة الأصلية كتبت بواسطة عاشقة التحدي نيابة عن دكتورة مرام ايوا كل ال 200 يدرسوا مع بعض في كلاس كبيير

وووو , معقولة ؟؟ ,, أذكر في التحضيري القاعة كانت 60 طالب وكان الوضع ززززحححمممة وكتمة ,,, كيف 200 طالب في كلاس واحد ,, الدكتور يتكلم بمايكرفون !!! طيب ليه , من قلة كلاسات او ايش

[Dr.MEEM]

القاعة ماشاء الله كبيرة مره وماراح تحس بالزحمة
واصلا بيكون الجو عادي زي ايام المدرسة وبتتعرف على كل الدفعه ويمكن تعرف الغايبين كمان هههههه
الدكتور يكون معاه مايك ف عادي مافي مشكلة ف الصوت !
وبالنسبة لنا البنات في شاشات ورا كمان للي ماتشوف العرض على السبورة