حفل تخرج طالبات جامعة الملك عبدالعزيز- الموعد وتسليم الارواب

[miss lulu]

المشاركة الأصلية كتبت بواسطة judy abbott اخت ميس لولو مشكووووووووره افدتيني بس سمعت من الموظفات انه للامتياز مع مرتبة الشرف الاولى مسيره خاصة لهم هل صحيح الكلام داه وشكرا مرررره لكي .. اللي افتكروا ترتبنا ع حسب المعدلات والتقدير وبما انهم قالولك كدا امكن عشان كدا ما اقدر افيدك تمام بالنسبه لكلام بنت العضو الاتحادي صحيح داه الكلام مافهمت الموضوع ليه نجيب صورنا واحنا صغار ومحد كلمني او قلي ؟؟ وليه ال 300 ريال

اتوقع هالكلام حفلة خاصة بقسمهم وامكن هيا لخبطت لان الحفله تبع الجامعة ما ياخدوا عليك مقابل

[miss lulu]

المشاركة الأصلية كتبت بواسطة tecno g!rl مشكوووووورة مس لولو ع الرد والجواب حبيبتي بالنسبة للزي كيف لبستو يعني مافي شي ممنوع؟؟؟!

^_^
الزي إلبسي اللي يعجبك أصلا كدا ولا كدا طوووول وقتك تكوني لابسه الروب
أنا لبست بنطلون وقت الحفلة وفي اللي لبسوا فساتين وتنانير قصيره ناعمة
لك حرية الاختيار ف اللبس بس اهم شي يكون مقبول مو مره تخربيها *_^

[miss lulu]

المشاركة الأصلية كتبت بواسطة tecno g!rl طيب بنات بالنسبة للزي والجوالات فيه شي ممنوع ؟! فيه كثير يقولو الجوالات كاميرا ممنوعة ! طيب بحطها جوا الشنطة مع الماما فيها شي يعني ! ولا يفتشو زي القاعات !! بالنسبة للزي مايدققو عادي لو لبسنا بنطلون ؟ لانو طول الوقت رح نكون بالارواب يعني وشكراً

حتى مامتك الافضل ما تاخد جوال بكاميرا امكن يفتشوها
وف حالة فتشوا ما تتربشي ووين نحط الجوال .... الخ
ولو ما فتشوا مانت خسرانه كلها ع بعض حتة جوال
افتكر احنا فتشونا بس نسيت ما اسأل مام فتشوها ولا لا
بس كلنا ما اخدنا جوال بكاميرا
واتوقع اكيد بيفتشوا خاصة ان الاميرة راح تكون موجوده ^_^
واللبس خدي راااااااااااااااحتك

[&تــــ وتي فـــــروتـي&]

كاتبين في الكرت تعليمات للزائرات منها انه مافي جوالات كاميرا وممنوع تجيبي كاميرا وكمان ممنوع احد يجيب اكل هههههههههههه وكمان ممنوع اصطحاب الاطفال والخادمات طبعا

اما الخريجات اعطونا ورقة تعليمات منها انه الالتزام بلبس مناسب ومحتشم وعدم ارتداء حذاء كعب عالي وغير مريح وعد المبالغة بوضع المكياج والزينة هههههه وكمان نفس الشي ممنوع التصوير وممنوع الجوالات الكاميرا
صح وشي مهم حاطينه في الكرت للخريجه والي معاها انه الحفل حيبدأ الساعه 8 ويجب الحضور قبل الموعد بساعه واذا جيتي بعد مايبدأ الحفل يمنعوكي تدخلي امممممم
وحده من زميلاتي اتخرجت الترم الماضي او كانت حفلتها الترم الماضي انه القاعه مره بارده فخلو امهاتكم او الي حيجوا معاهم يعملو حسابهم بشي ثقيل
طبعا معلومة مهمه للبنات الي يسألو الحفلة لخريجات عام 1430 و1431 سواء بكالوريس او ماجستير او دبلوم

[نهى2011]

بنات انا برى جدة و ما دريت بالحفل إلا اليوم السبت لما أرسلت لي الجامعه رسالة فبكرة بإذن الله بأصل لجدة على الليل فهل أقدر أخذ الروب يوم الأثنين و إلا لا ؟؟؟؟

ثاني شئ مين أخذت البطاقه تقول لنا برنامج الجامعه و الله يسعدكم أنا تقديري ممتاز مع مرتبة الشرف الثانية هل يشملني التكريم و إلا خاص بالمرتبة الاولى ؟ و التكريم هل شهادة أم درع ؟

الله يسعد الي ترد علي و يوفقها .

[نهى2011]

المشاركة الأصلية كتبت بواسطة حبي لذاتي قمة أولوياتي ~ judy abbott - طالبات الامتياز على كل كلية وليس كل تخصص أو قسم << كلام الاخت شواطئ

أيش قصدك حبيبتي بهالكلام كيف على كل كلية وو مو على التخصص ياليت توضحي ربي يسعدك

[شواطئ البحر]

المشاركة الأصلية كتبت بواسطة نهى2011 أيش قصدك حبيبتي بهالكلام كيف على كل كلية وو مو على التخصص ياليت توضحي ربي يسعدك

---

يعني كلية العلوم تتطلع الأولى على كل تخصصات الكلية( رياضيات كيمياء فيزيا أحياء إحصاء كيمياء حيوي )
ما يطلعوا الأولى على الرياضيات , الأولى على فيزياء .......الخ

[حورآء]

سين سؤال//


القاعه اللي فيها الحفله بنفس الجامعه مو ؟؟ ووين موقعها بالضبط؟ يعني مع اي بوابه ندخل

[Rorry]

انا لسى قدامي مشوار ..

واتخرج ياااااااااااارب..

بس انا انتساب..هل لنا حفل..ونلبس عباية التخرج وكذا ولالا مسحوب علينا..:(

[دآليّـا]

مرحبا

دحين اروح بكرة مبنى 18 واستلم الروب من وكالة الخريجات

ويكون معاي الوثيقه وصورة منها + بطاقة الاحوال وصورة منها


طيب يعطوني بطاقة دعوة للي بتحضر معاي ,, لازم اكتب اسمها بكره او بس استلم البطاقة وهي تدخل بها

لان لسه ماحددت مين بتحضر معاي


طيب بكرة بروح للجامعة لازم البس تنوره او عادي بنطلون ..؟


تكفون ردوا ربي يسعدها اللي ترد