( .. وظائف للسعوديين بالكويت .. )

[عبدالعزيز حسين]

السلام عليكم
يعطيك العافيه على الموضوع الحلو و الله يجزاك خير
اخوي انا ابي اسألك بشي انا شاب عمري 23 سعودي الجنسية و مقيم بالكويت انا املك شهادة ثانويه و شهادة اللغة الانجليزيه من بريطانيا و كنت ادرس بأمريكا و لاسباب خاصة لغيت بعثتي فهل ممكن اني احصل على وظيفة بالكويت على المؤهلات الي عندي و اذا مااقدر شنو تنصحني فيه
و الله يجزااك خير ويعطيك على قد نيتك

[ولد الجهراء .....]

المشاركة الأصلية كتبت بواسطة عبدالعزيز حسين السلام عليكم يعطيك العافيه على الموضوع الحلو و الله يجزاك خير اخوي انا ابي اسألك بشي انا شاب عمري 23 سعودي الجنسية و مقيم بالكويت انا املك شهادة ثانويه و شهادة اللغة الانجليزيه من بريطانيا و كنت ادرس بأمريكا و لاسباب خاصة لغيت بعثتي فهل ممكن اني احصل على وظيفة بالكويت على المؤهلات الي عندي و اذا مااقدر شنو تنصحني فيه و الله يجزااك خير ويعطيك على قد نيتك

وعليكم السلام ورحمة الله وبركاته ...

بما أن عنك إنجليزي أنصحك بمكانين

الأول شركة النفط شيفرون نظام عقووود الراتب 550 بالبدايه وإذا كنت تمام بوظيفة مشغل
في عملك يرسمونك وتصير داخل الشركه اساسي بدون عقد وتصير مميزاتك ماتخلص ،)

الثانيه : مطار الكويت بوظيفة ضابط حركه أو ضابط منسق عفش أو محاسب يبون إنجليزي


وسلامتك ،،، موفق

[عبدالعزيز حسين]

تسلم اخوي انزين لو ابي اقدم الي بالمطار وين اروح ؟
و بالنسبه لشركة النفط اي وحده الي اروح لها ؟
و مشكور و يعطيك العافيه و اسمح لي اذا كثرت عليك الاسئلة

[ولد الجهراء .....]

المشاركة الأصلية كتبت بواسطة عبدالعزيز حسين تسلم اخوي انزين لو ابي اقدم الي بالمطار وين اروح ؟ و بالنسبه لشركة النفط اي وحده الي اروح لها ؟ و مشكور و يعطيك العافيه و اسمح لي اذا كثرت عليك الاسئلة

أبشر يالغالي ولا يهمك أسأل اللي تبي


بالنسبه للنفط المدراء فيهااا من جميع القبائل شمر وعنزى وعجمان ودواسر ومطران

والمدير العام بسام البسام حضري

والمدراء من الجنسيتين الكويتيه والسعوديه

يعني شوف لك شخص فيهااا عشان تروح له ويسهل عليك المهمه .

أما إذا بتروح بدون معرفه تروح طال عمرك لشركة شيفرون بوصفلك كأنك رايح للخفجي

وانت بالطريق راح يجيك جسر مكتوب الوفره يمين وضاحية علي السالم (أم الهيمان ) يمين

تأخذ الجسر يمين باأتجاه الوفره وتمشي مايقارب 50 كيلووو لين يجيك دوار ضغير

وتكون الشركة يمينك , بس أول لازم تأخذ بطاقة زائر من المبنى اللي بجنب البوابه وتدخل

والله يسهل دربك .



وبالنسبه للتقديم بمطار الكويتي : أولا المطار فيه عدة شركات ومنهااا سيسكوو وغيرهااا
\

طيب تتوجه للفروانيه طال عمرك وتطوف الضجيج لين تجيك الدخله من فوق الجسر

اللي وانت نازل من الجسر تصير الجنسيه والجوازات يمينك كأنك رايح للمطار


أول ماتنزل من الجنسر تصير الجنسيه والجوازات يمينك وتصير إشاره قدامك اللي توديك للمطار

انت قبل الاشاره خذ يمين وتروح سيده تطوف أول دخله يمين اللي توديك للجنسيه

وتطوف الدخله الثانيه اللي توديك لأسواق الأثاث وتمشي شوي وتشوف تقريبا 100 متر

طالع يمينك تشوف مبنى إدارة مطار الكويت والتقديم فيه .





وسلامتك ,,,, أسمح لي إذا قصرت عليك بشي

[brincessa reem]

~

والله ششي جميل جـدن راتب مغر وحـوافز وآآشيآء كثيره زينـه
وآآنـا هينـا آبلط بحر من دراسه لدراآسـه
آنـاآ قررت آآهـاجر الكويت الله لاآآيعوق بشـر

[خلي نساني]

انا تخصصي كيمياء حيوي وش ممكن نتوظف الكوووويت...

[ولد الجهراء .....]

المشاركة الأصلية كتبت بواسطة خلي نساني انا تخصصي كيمياء حيوي وش ممكن نتوظف الكوووويت...

والله ياأختي أنا ماأعرف مجالات هالتخصص لأن معلوماتي بسيطه عنه




أسف

[وفيت وبكيت]

السلام عليكم
أخوي ولد الجهراء
أنا عندي بكالوريوس موارد بشريه بمعدل 3.23 وأبي وظيفه بالكويت بس تكون عن طريق النت لأنه ماعندي أحد يقدم لي أوراقي.
ربي يجعله بميزان حسناتك ..

[ولد الجهراء .....]

المشاركة الأصلية كتبت بواسطة وفيت وبكيت السلام عليكم أخوي ولد الجهراء أنا عندي بكالوريوس موارد بشريه بمعدل 3.23 وأبي وظيفه بالكويت بس تكون عن طريق النت لأنه ماعندي أحد يقدم لي أوراقي. ربي يجعله بميزان حسناتك ..

وعليكم السلام ورحمة الله وبركاته ....


حاضر إذا تبي أرسل أوراقك وراح أحط تلفوني عندهم

بس بالاول حط لي مجالات التوظيف حق هالتخصص وين ؟؟


أيميلي موجود في بداية الموضوع

[وفيت وبكيت]

المشاركة الأصلية كتبت بواسطة ولد الجهراء ..... وعليكم السلام ورحمة الله وبركاته .... حاضر إذا تبي أرسل أوراقك وراح أحط تلفوني عندهم بس بالاول حط لي مجالات التوظيف حق هالتخصص وين ؟؟ أيميلي موجود في بداية الموضوع

أخوي ولد الجهراء أرسلت لك مجالات التوظيف والسي في لي أيميلك
يعطيك العافيه على هالمجهود.