خلونا نزاكر مع بعض بنات الخطة ب

[شموخ لاينتهي..!!]

بنات ترا كوكو شانيل طيــــــبــــــــــة واخــــــــلاق بالله ساعدوها وانا كمان نفس اسئلتها..

ترا انا وكوكو صديقات <~ طيب وش نسوي هههههه

[بسمة ألـم]

المشاركة الأصلية كتبت بواسطة miss red يابنااات انا مني عارفه كيف اذاكر الاحصاء افتح الكتااب ماااعرف اترجم ايه ولا ايه ومني عارفه كيف اذاكر واش اسوي سااعدوني والله اني ابكي وكماان عشان انا ماحضرت المحاضرتين الاولى للأحصاء ف ماكتبت شي ومااعرف اش اسوي ساعدوني الله يسعدكم ...

ياقلبي عليكي

خاسه فيك لاني مثلك ضاااااااايعة في الاحصاء

بس اللي اقدر اساعدك فيه انو تروحي تشتري ملخصات اشرف بركات

مترجمة واضحة وحلوة

اتمنى اكون ساعدتك ولو بجزء بسيط

ودي

بسوومة

[بسمة ألـم]

المشاركة الأصلية كتبت بواسطة دلع رباني واو فكرره مرره جنان والله ييسر علينا وعليكم بنات والله أنا مثلكم مررره تايه واللي أدهى وأمر بنت سكن يعني قرفانه علي الاخير فبطلب منكم طلب إن شاء الله تساعدوني فيه أتمني انو اي وحده تتفضل علينا وتقول مثلا الاحصاء نذاكروا من هنا والكيمياء من هنا \ يعني تقول كل ماده ومن وين نذاكرها (الله يسعدكم ساعدوني )>>> تبكي من القهر

الكيمياء والاحصاء انا عن نفسي لما افضى لهم

بزاكرهم من الكتاب ورح اشترحي ملخصات مترجمة

وبس

ودي

[بسمة ألـم]

المشاركة الأصلية كتبت بواسطة وِردْ ..~ بنوتآت .. =| بدي أسألكم عن الأسئلة المقلوبة بـ البيولوجي ، أوسستآزة حنآن قآلت إنها موجودة بـ المنتدى مع أجوبتهآ مرتبة ، يعني مو السسؤآل وجوآبه صفحة كذآ ، لآ ، السسؤآل وتحته جوآبه مرتب ، أبغآهـ ، مآفيني أقعد أِشقلب فـ الكتآب ، اللي لقته يأريت تنزله لي ، أو من وين أخذته ، ع الأقل اسم العضو أو موضوعه ، دورت عليه أمس لمآ دخت وبح مآلقيته ,’ ومتشكرة أوي ..

ياقلبي انا والبنات اتفقنا

انو نكتب الاجوبه حقت الاسئله المقلوبه مع ترجمتها

كل وحدة تمسك شابتر

ولسا في الانتظار الاجوبه

ولو فيه موجوده وجاهزة قوليلنا عشان لانتعب نفسنا ونضيع وقتنا

ودي

بسووومة

[بسمة ألـم]

المشاركة الأصلية كتبت بواسطة ساسا العسل بناات واااي خلص عيووني خرجت من مكاانهااا دي موو سنة تحضيرية والله سنة تعجيزية .... اناا تعبت واناا اترجم الاحصااء وشووفوو كيف الكلمات لماا اقرااء الكلام المترجم احس نفسي بنغااليه ... ياربي ايش اسووي اناا بحاالي صح انوو حسيتوو صاار عاادي اني اترجم بس صفحة صفحتين موو كل الكتاااب <آآآآي ياا عيووني بللهي ياا عسوولات اي وحدة عندهااا شي يسااعدني بلحصااء دااء بليز تنزلوو ليااا بليز بليز بليز ... ورااح ادعيلهاااا الدعووة اللي تبغاااهاااا والله يوووفق الجميع ياارب

ملخصات اشرف بركات هي الحل الامثل

>>>> تسوي دعايه

خخخخخخخخخ

[بسمة ألـم]

المشاركة الأصلية كتبت بواسطة dail ممكن >>عندي استفسار<< حابه اعرف هل كل فصول الكيمياء داخله معانا وكمان فيه تحويلات صعبه وتلخبط >>كلها داخله بصراحه انا جيت اذاكر من بنك أسئلة الكيمياء لقيت بعض الأسئله معقده والأسئله كثيره بس شامله الله يسعدكم يابنات كيف راح تذاكرو الكيمياء والأحياء

ما اقدر افيدك لسا ما فتحت الكيمياء

الاحياء السلايدات + التست بانك

[بسمة ألـم]

[quote=كوكو شانيل;1283419]

سوري يا بنات عندي شوية اسئلة:

* الاحصاء نزاكر من الكتاب ولا في شي تاني ؟ لاني ما مسكت الا الكتاب وحابة اتأكد !!
ايوه الكتاب و ملخصات اشرف عشان تفهمي
* في للكيمياء بور بوينت وتست بنك كمان ؟ ومن فين اقدر اجيبها ؟
احنا دكتورتنا تحطها في الخوارزم عل البوربوينت اما التست ما ادري
* الملخصات اللي بتقولوا عليها حق ايش بالزبط ؟ وكيف اقدر اوصلها ؟
من المكتبه الخوارزم

ولكم ألف شكر الله يديكم العافية .. يا ريت أحد يرد عليا لأني ش
ويا وببكي من كتر ما أنا ملخبطة :(

كلنا ملخبطين

الله يعيننا]

[بسمة ألـم]

المشاركة الأصلية كتبت بواسطة ghadoo السلام عليكم انا كمان ابغا اكون معاكم انا مرررررررة حايسة في الاحصاااء وابغا احد يساعدني خلاص انا الخميس بدات ازاكر احصاء بس ماعرفت كيف ازاكر ساعدوني ترى انا مرررررررة حايسة وشكرا لكم وانا اتحمست اني اكتب لاني لقيتكم كلكم تبغو تساعدو بعض وشكرا

ياهلا وغلا بك منوره الموضوع

زاكري الكتاب ولو مافهمتي فيه ملخصات اشرف مترجمة

وبس

ودي

[بسمة ألـم]

بناااااااااااااااات

بلييييييييييييييييييييز وين الاجوبة المقلوبة

[ارقى البنات]

المشاركة الأصلية كتبت بواسطة hanooof انا راح اقولك بالنسبه للكيميا لاني دحين قاعده اذاكرو " استاذتنا تكتب معانا ملخص واحنا نذاكر منه بس كله من الكتاب مافي ولاشي من بره اللهم انها تترجملنا هوا بالعربي عشان نفهموا " ... ودحين انا فاتحه الكتاب والدفتر واذاكر من الاتنين عشان الترجمه بس لا اكتر ولا اقل ... اذا حابه اكتبلك مثلا في كل صفحه اش معانا ؟؟؟؟؟ اوكي !!!!!!!

بليــــز انــآآ محتــآآجه انك تقوليلي اييش ازآكر في الكيميــآآء
والله اني مره ضــآآيعه في دي المــآآده ,, لانو دكتورتنــآآ جزآهـآ الله خير مره ما تشرح شي
استغفر الله بس ,,

اكون شــآآكرتلك لو قلتيلي اييش ازآآكر ,, ورتبتي افكـآآري شويـآآ

تحيــآآتي