الزواج من المنتدى ...!

[ولد الجهراء .....]

أنا يمكن عكس كثيرين لكني بقول اللي فبالي

أنا شخصيااااا لأعرف طريقه للبحث عن شريكة حياتي إلا النت , لاني بصراحه لازم اعرفها والاسباب خاصه

وانا اقدر اعرف الشخص من ردوده ومواضيعه تبين معدنه , اصلا فكرت في هالموضوع سابقاااااا

وأقدمت عليه وبالعربي خطبت عن طيق المنتدى اكون صريح والبنت موافقه وامها موافقه لكن الاب رفض مايزوجون برى قبيلتهم

وبالعكس على الاقل تعرف منو بيعيش العمر معاك وشنو اسلوبه وشنو يبي واهتماماته وميوله

والجاد يبين والنصاب يبين من التهرب عن الخطبه وهالامور

بعدين لما تعرفون بعض الامور عن بعض تكون الحياه الزوجيه اكثر استمراريه


ويعطيك العافيه ياصاحب الموضوع


وسلامتكم

[زهرة البنفسج]

عندي سؤال :
الحين لما احد بيتقدم للخطبة ....
انا اعرف إن المعتادفي الخطوبة التقليدية تيجي في البداية الام تشوف و وبعدها لو عجبتها بعدها ينتقل الكلام للرجال و و الاب يشوف العريس و يسال عنه و و العريس يشوف العروسة...إلخ ....صح كده و لالا؟؟؟؟؟
بس لو عن طريق المنتديات و العريس طلب ياخد رقم الاب .....يعني كيف حيتصل العريس المتقدم على أب البنت و يقول له بخطب بنتك ؟؟؟ماحيجي الأب و يسأل إنت من فين عرفت رقمي؟؟؟؟؟و من فين عرفت بنتي عشان تخطبها ؟؟؟
سوري عالإطالة .....

[hadeel a]

السلام عليكم
الموضوع مرره شدني و حست أن لازم أرد مع أني ما قرأت كل الردود .
بس ما أستوعبت الفكره أبدا أبدا أن و احد يخطب بنت من منتدى بصراحه أنا ما عندي خبره في المنتديات و ما قيد دخلت غير هدا المنتدى و ما حسيت أن المنتدى ممكن يخلي ولد يعجب بنت عشان الكل بيدخل المنتدى بس عشان يساعدو بعض و ما بينهم أكتر من شكرا و عفوا و بس .
و يعطيك العافيه على الموضوع .

[شبيهة البحر]

صراااااااااااااحة ماقد جاء ببالي هـ الموضوع
بس أنآ أشوف انه مافيها شيئ اذآ تم كل شيء على إطلاع الأهل
والسؤال عن المتقدم وفحصه هعععع لازززززززم
الله يوفق يااارب

[LeLou]

مو بالضرورة الواحد تكون ردوده و كلامه في المنتديات ينم عن شخصيته..
أعرف ناس في الحقيقة لما شفتهم في المنتديات كلامهم اسلوبهم ما كأنهم نفس البني آدم سبحان الله..
أنا ما أشارك حاليًا غير في سكاو لكن لما كنت ثالث ثانوي كنت مشتركة بمنتدى..
و كانوا الأعضاء ماخذين عني فكرة مغايرة تمامًا عن الحقيقة..
كانوا يقولوا لي اني هادئة و خجولة..
حتى كان في لعبة سمي العضو اللي قبلك بشخصية أنيمي..
غير التريقة اللي كنا نتريقها على بعض << ..
كانوا دايمًا يختاروا لي الشخصيات الهادئة الغامضة قليلة الكلام،، رغم أنه كلامي كان إلى حد ما كثير في المنتدى..
اسألوا أي أحد يعرفني أنا بعيدة تمام البعد عن هاتين الصفتين<< قلبناها فصحى..
ممكن غامضة ،، كثير يقولوا لي انت صعب الواحد يعرف في أيش تفكري..
و كثيرين يقولوا لي كل ما عرفناك أكثر يزيد الغموض..

فأنا رأيي<< أخيرًا بتقول الجوهرة..
أنه أنا مستحيل أوافق لأنه الزواج نقطة تحول في حياة البنت بالذات و الواحدة لو اتزوجت و اتطلقت مستحيل حتعيش حياتها زي و هي بنت..
فأنا لازم آخذ شخص يكون كويس و يخاف ربنا أهم شي عشان يعينني على ديني و دنياي و آخرتي..
صح الواحد ما ياخذ غير نصيبه بس برضو الواحد لازم ياخذ بالأسباب،، مو كل من دق الباب قلنا النصيب و أعطيناه..
و أنا عندي مبدأ في حياتي:
Don't judge a book by its cover

آسفة على الإطالة<< هذا عشان اثبت لكم أني لا هادي و لا خجولة..
و دمتم بود~

[MOHJA]

السلام عليكم ..

بصراحة صعب انك تختار شريكة حياتك من المنتدى .. لأن شخصية أي عضو في المنتدى و مشاركاته و تفاعله ما تفصح عن طبيعته و شخصيته الحقيقية مهما يكون ,,

بالتوفيق :)

[RHF]

ههههههههههههههههه

يحمس واللهي

سوبر احسلك لا يكون ناوي تعمل شي كدا ولا كدا

ممممممم المهم باقول رأيي

صراحة مرة حاتفاجأ يعني ما قد حصلتلي حركات الاعجاب دي

لاكن لو مسلن يعني صارلي ، بكل بساطة حارسلو رقم ماما يسير امو تكلم امي ،

وتتفضل بيتنا ، ويسير فيه تعارف زي ما بيحصل كل مرة :)

ازا ناسبنا كان بها ، وازا ما ناسبنا ولا ناسبتو في الحياة الحقيقة ، خلاص ما حصل نصيب

[دافئ الإحساس]

موضوع جميل اخي الكريم

الزواج لو اساليبو وطرقو الكتيرررررررره

و ع قولك كل الطرق تؤدي الى روما

انا عن نفسي افضل الطريقة التقليدية فقط

واي احد لا يؤيدها هادا مع احترامي لو ما يفهم في اصول الزواج

ايام الزمان هما اللي يفهمو في الاصول

وكلي شي كانو يسوو كان هوا الصح

اما دحين سارت في مواقع للزواج وكلام فاضي مالو لزوم للاسف

...............

في ناس يتزوجو عن حب ولكن للاسف بيطلقو البعض منهم

وهما مع انهم ما بيطولو في فترة زواج كتير

وفي ناس بيتوفقو ماشاء الله وبيعيشو مبسوطين

الكلام مو هنا

الكلام في الناس اللي بيتزوجو عن حب وغير كده بيخرجو مع بعض

ومو بعيد بسير في خروجهم اشياء واشياء اسميها (مسخرة)

.............

انا او هادا او اي احد اتعرف ع وحده وحبها وسارت هيا دحين في الالف قدامو

ومافي احسن منها ومبسوط منها وحلوة ومايحتاج يعني

واتزوجو وكلو وفجاة البنت انقلبت ومهي البنت اللي عرفها من قبل !!

اتغيرت 180 درجة!!

((قصة واقعية)) >>خسئتم يالمحبين ازا هادي نهايتكم

.............

انا عن نفسي

لا احب الا اللي يرضي الله سبحانه وتعالى

حتقولي دحين انو هوا بيكلمها في الحلال وطالب رقم ابوها !!!

حقلك عندنا عادات وتقاليد

ولازم يكون نوع من الادب في الزواج

وكمان ما اقبل الزواج عن حب

واخس الزواج بالنسبه ليا اللي يكون عن حب ((لاسباب خاصة ))

افضل فقطـ

الزواج التقليدي

انا محا اضمن البنت لمن اتعرف عليها انها ماشية في السليم

ومهي حقت شباب

او انو ما تحب واحد غيري

او او او او

وحتقولي كمان اش يضمنك انو البنت حتكون في السليم بالطريقة التقليدية!!

ع الاقل انها اول شي انها بالطريقة التقليدية

يعني بالطريقة اللي مافيها اي اختلاف عن عاداتنا

يعني إن شاء الله ربنا حيبارك فيها

يعني اهلي حيكون عارفين ما يختارولي مو اي وحده طبعا مو عارفين عنها شي !!

وغير كده اذكرك بشي

طول ما انو الانسان علاقتو قوية مع ربنا صدقني

ربنا حينورلو طريقوو وحيوفقو في اكمال نص دينو

وحيوفقوو في بنت الناس اللي اتزوجها وحيجعل فيها الخير والبركة باذن الله تعالى

........

اسف ع الاطالة

لكن موضوع اجذبني

وفي الاخير احب اقلك

اهل اول اهل الادب والزوق

تقبل مروري

^_^

[strawberry18]

بصراحة فكرة الموضوع ماقد خطرت ببالي >>> مدري من فين جبتها
ممم يعني كلامك ممكن نقول صح يعني هيا هيا زي لمن تسال عن الشخص ويمدحو فيه وكمان المنتدى يظهر المحاسن
بس حتى لو البنت وافقت على الفكرة اشوف صعبة تقول لاهلها لان اغلب الاهل متشددين وممكن مايستوعبو فكرة المنتدى انه فيه احترام وكذا حيروح بالهم لبعيد فاحسن يعني تبعد نفسها عن شي هي بغنى عنو
وانا لو حصلي راح اعتذر للشخص من غير ما اقول لاهلي وانتهى وانا افضل الطريقة التقليدية
ويسلمو على الموضوع ^_^

[صقر الشمال]

السلام عليكم ورحمه الله
بالبدايه اشكر صاحب الموضوع الاخ عاصم
وبنفس الوقت السموحه من الجميع بعدم الرد والمشاركه بهذ النقاش
ماعندي خبر -- جلست ساعات ونا اتابع بدايه الموضوع - ويعطيكم الف عافيه الجميع ع مشاركاتهم
وعطاء وجهات النظر كل شخص نحترم رايه ووجهه نظره- لاكن لاتتوافق مع البعض وهذ شي طبيعي
نرجع لمحور الحديث
تعليقي
=
طبعا هي حلوه الفكره لاكن لابد تعرف شي واحد وتضعه امام عينك مجتمع عادات وتقاليد
هذي لابد تعرفها هي التي تحتم عليك الامور هذي
الشي الثاني البنت او الفتاه كيف تعرف عنك او العكس صيح مخاطب مجهول
الكلاام لايختلف لاكن القلوب والشكل والخ000 امور اخري ممكن انا متفق عليها
الاهم من ذالك طبيعت المجتمع عندنا بصراحه واتمني ان الجميع يوافقني بها وهي تعرف كيف تعرفت ع بنت من النت
الكل بحكي بشي هذ انها عن طريق علاقه غراميه ونها وبعدها يخلونها الحبه قبه ع قولتهم وبعدها تكبر المشاكل
وتكون الفتاه هي الضحيه الشاب ماعندو مشكله
صحيح ناس تزوجو عن طريق النت نعم اتفق معك وفي احد اقاربي ساكن الرياض وتزوج وحده من الشرقيه عن طريق المنتديات وبنت ناس والحمدالله كل شي تمام
لاكن انا من وجهه نظري الشخصيه الشاب ماعندو مشكله رجل لاكن لابد من مراعات مشاعر الفتاه شلون اهلها وخوانها اختهم تعرف هذ الشاب !
اشوف انها صعبه جداا امرها سهل لاكن عند التطبيق صعب
مالوم يلدرم لو منع عن صقر الرسائل الاكادمييه ههههههههههه
الحمدالله خلونا كذ ولا حد يفكر بالثاني انا تري جديد بهذ القسم -- كنت افكر اول الحين بطلت ههههههههه
شكر ع طرح
بالتوفيق للجميع[/size]