هنا تجمع طالبات الانتظام لمناقشة الجداول والاستاذات ^_^

[جنى الشريف]

المشاركة الأصلية كتبت بواسطة εqαά αŀώάrđ ممكن حبيباتي الانتظام تساعدوني بترتيب جدولي ، أبغى أعرف عن الاستاذات شرح + تكاليف+ اسئلة انا طالعة الان المستوى السادس .. راح احط المواد المقترحة ورشحولي الأفضل بناء على خبرتكم ... 1- فروق فردية - هدى عاصم 2- (إحصاء 2 -سهير التوني / شخصية شذا خصيفان / جنائي رضية حميد الدين ) بس وحدة من الثلاثة لانهم تعارض :( 3- فئات خاصة مع دكتورة شذا خصيفان 4- تجريبي : هدى درديري ! 5- شباب وقيم مع بديعة 6- فكر فلسفي مع محمد الميداني ،، أو ثقافة 4 مع رشا رجب 7- علوم طبيعية مع لطيفة 8- الاقناع (مادة حرة) مع رباب الجمال رشحولي (6 مواد) الأفضل بيحث يكون الجدول مو دسم :( وكمان يهمني جدا أعرف اسلوب الدكتورات والاستاذات من ناحية شرحهم وتكاليفهم و أسئلتهم وتعاملهم الله يسعدكم . ماعندي شعب غير هذولا فقط ، ماعندنا غير شعبة وحدة في كل مادة لذلك الخيارات محدودة في التعليم عن بعد .. ولكم جزيل الشكر :)

ابشري نساعدك ^_^ ..

احصاء 2 >>> سهير مدحوها ودكتوره شذا قمممممممه هالانسانه راقيه لأبعد حد وشرحها ناعس شوي بس ياحلوها اخذت معاها ماده اجتماعي والآن بحث تخرج ... رضيه ممتازه وماعليها غبار وتفهم ..

الاسئله سهير اول ماجات من مصر كانت اسئلتها سهله الحين متوسطه .. دكتوره شذا اسئلتها كانت مقالي وموضعي وانا اتكلم ع اساس الاجتماعي ... رضيه اسئلتها بالتربةي والتوجيه شوي بس دقيقه يمكن الاحصاء تكون مو مره التجربه حلوه معاها ..

يعني ارشحلك دكتوره شذا ... ولازم تاخذين هالماده تفتحلك مواد وتعتبرين متأخره تاخذينها الحين ^_~ ..

فئات خاصه نزليه مع شذا لانها بالفعل فرصه ماتتعوض لان تخصصها الدقيق فئات خاصه ..

شباب ومواطنه بديعه في علم الاجتماع سمعتها حلوه ..

فكر فلسفي نزليه وافتكي منه بس اسألي عن الدكتور كويس .. ما اعرفه لاني ..

ونزلي فروق .. هدى عاصم اسئلتها حلوه يبغالها مذاكره جيييده تكليفها تحب لاتقااااااان ثم الاتقان ثم الاتقان ما تحب الشغل البربسه ...

وماده حره الاقناع سهل ورباب تجربتها كمان جيده كثير يمدحونها بس ماجربتها للامانه ...

هذا جدول متوازن حلو لا صعب ولا سهل متوسط .... الله يوفقك يارب

وعموما لاتنزلين احصاء مع علوم طبيعيه لان كلها حسابات ممكن تتلخبطين وتنضغطين ..


واي سؤال حاضرين ..

[جنى الشريف]

المشاركة الأصلية كتبت بواسطة ماديسون السلام عليكم اخواتي ....... انا الحمد لله هذا الترم تخرج باذن الله لكن محتاره اخذ تدريب 2 مع مين ...... انا عندي خيارين اما اميره الزين او مريم صالح وجزاكم الله خير ..

مبروك التخرج مقدما لي ولك ... اميره الزين يمدحونها وماقد جربتها للامانه ... مريم صالح جيييييييييده لكن يقولون تدقق والله اعلم ... عموما انا اخذته مع ايمان طباع ..

[جنى الشريف]

المشاركة الأصلية كتبت بواسطة ٌrose السلام عليكم و رحمة الله و بركاته.. حابه أسئلكم عن مادة التفسير الإسلامي للسلوك مع أ. أنفال جاوي اذا كان في مشروع أو بحث في المادة ؟! و كيف الأستاذة, المنهج , الكتاب؟! و هل بساهل أقدر أخذ الـ a+ ؟! و مشكوريين مقدماً :)

انفال محد يمدحها ... الماده حلو وممتعه ... الكتاب حلو ... بس مع انفال لا لا تتورطين ..

نزلي مدخل علم نفس مع دلال موريا ..

[εqαά αŀώάrđ]

جنى //
حبيبتي ربي يسسسسسسسسسسسسسسسسسسسسعدك ويوفقك يارب

مرررة طمنتيني وريحتيني الله يسهلك دروبك يارب ،،

ومبروك تخرجك مقدما الله يتمملك ياه على خير

[جنى الشريف]

المشاركة الأصلية كتبت بواسطة بنوتة هلالية بنات شورو علي ايش أخذ ب ل جنائي مع عبير انا كاتبه ايش المواد اللي باقيتلي فوق

نزلي فئات يفتحلك تدريب ... او معرفي مع ماجده .. ترا مالك مفر منها مادتها وماسكتها خذيها هالترم وافتكي منها واسمه الترم قصير وهي كثيره غياب ....

فالك التوفيق

[جنى الشريف]

واي وحده ما ردوا ع سؤالها تكتبه ثانيه وارد .... لان والله عيوني توجعني اذا ركزت كثير ما اقدر اسنتر كثير واراجع الصفحات ... حبيباااااااات قلبي انتم ....

وافتقدت بنات كانوا معانا بالتجمعات ومنهم اسراء يارب تكون بخير ..

[جنى الشريف]

المشاركة الأصلية كتبت بواسطة meema-.- صباح الخير ياجنو .. بشرينا كيف كان اختبارك ان شاء الله تمام ؟! كنت بسأل عن علم النفس النمو مع نورة الزنان كيف ؟ كيف اسلوبها وتكاليفها وكده .. وكمان التوجيه والارشاد النفسي مع ميرفت شرقاوي نفسو برضو اسلوبها وتكاليفها .. واخر شي انا علم نفس ونزلي بالسمستر دا مادة حرة ايش في كلية الاداب من الاقسام ككل مواد حرة سهله تنصحيني بيها مع اسماء الاستاذة الي يعطوها .. وبكون ممنونهه ..

مساك الله بالخير يارب ..

الحمد كان ترم جميييييييل .... وها انا اقف على اخر عتبات التخرج وما بقالي الا بحث وتدريب 2 وعقباااااااااالكم يارب ..

ميرفت ما اعرفها ياعسل بس لو مدخل توجيه الماده ممتعه والكتاب ممتع كمان ويارب تكون كويسه.. اميره الزين يمدحونها بس ماجربتها والنمو ماده حلوه وسهله ..

احلى ماده حره اسس جغرافيا طبيعيه اخذتها مع هدى قاضي ... هي تحب تطقطق على روسنا وتتريق ... وشديده شوي .. وتراجع كل محاضره المحاضره اللي قبلها ولازم نجاوب يعني وتزعل وتعصب اذا ما جاوبنا ... الماده ممتعه عن الكره الارضيه والغلاف الجوي والغلاف المائي والصخري ماده ممتعه مثل جغرافيا ايام المتوسط ... اسئلتها حلوه مقالي بس سهلات يبغالها مذاكره وتركيز ع التعاليل وفالك الاي بلس ..

[جنى الشريف]

المشاركة الأصلية كتبت بواسطة شبيهة البحر جنى الله يسعدكـ ويوفقكـ طيب اذا اعتمدت نفس الجدول وحطيت بدل التجريبي شخصية يمشي ولا لا واذا لا ايش ممكن احط شي سهل مع المواد .. أشكركـ من الأعماق...

يب حبيبي ممتاز كذا ... الله يوفقك يارب

[جنى الشريف]

المشاركة الأصلية كتبت بواسطة شمـوووخ بنــااات أبغى رايكم جدولي مضبوط علم نفس نمو مع نورة الزنان علم النفس الاجتماعي مع الاء الشريف إحصاء مع دلال المقاطي مقدمة في علوم طبيعية مع الهام شفيق اعظم الشباب وقيم المواطنة مع رينا علي الرحيلي القفافة 3 بنات كيف أهم شي الاستاذات بذات رينا الرحيلي و الهام شفيق أعظم ماقد سمعت عنهم شي كيف شرحهم وأسئلتهم

جدولك حلو وتمام ..

نوره سمعت انها شرجها لك عليه ..
دلال ورينا والاء تمام التمام ...

الهام ما اعرفها ..

[القلب النابض]

جنى ربي يسعدددك ويطممن قلبك يارب

في البداية البنات خوفوني على
استاذة مجدة الكشكي وقالولي مايمدحونها


بس ارتحت لكلامك ي عسل .. تسلمييين ماقصرتي ^_^