حفل خريجات العام الدراسي 1432 - 1433 هـ

[nour al3mr]

الله يبسطكم و يسعدكم على طـول :)

[MALY]

المشاركة الأصلية كتبت بواسطة ايمي المآلكي إللي حضرت نقول لهآ معليش على ضيآع وقتك وإللي مآ حضرت نقول لهآ أنتي الكسبآنة .. الصرآحة أنآ مدري هي كآنت حفلة خريجآت ولآ حفلة أعضآء هيئة تدريس ولآ حفلة نفآق إجتمآعي ؟ أنآ خريجة المفروض التركيز بآلحفلة كلهآ علي أنآ .. وفوق هذآ إمتيآز مع مرتبة الشرف يعني أقلهآ التعآمل والتنظيم يكون أفضل .. مو يلطعونآ وآقفين على رجولنآ سآعة ونص بس عشآن نمشي ونلف القآعة ونجلس !! ولآ أحد عآرف هذي خريجة أي كلية أي قسم خلآص إمتيآز مع مرتبة الشرف وخلآص .. أقلهآ يكون فيه شي تذكآري للخريجآت ونتفآجئ أنهآ شهآدآت تفوق وبدون أسمآء كمآن لو نبي نكتب الإسم نروح لعمآدة القبول والتسجيل الغرفة رقم مدري كم وفي مدة معينة ( شهر فقط ) .. بآلله هذآ حفل خريجآت ؟؟ لآ والله مو حفل أبداً .. من الأشيآء إللي قرفتني أكثر وأكثر بهآلجآمعة .. وحنآ وآقفين خريجة تسأل وحدة من المنظمآت تقول لهآ في درع تذكآري ؟ تقول لهآ والله مدري بس إيش فيهآ لو مآفي ؟! نعم !! إيش فيهآ ؟ طبعاً أنآ مستحيل أسكت ْ~ْ قلت لهآ فيهآ أنه مآلنآ أي تقدير كطآلبآت إمتيآز مع مرتبة الشرف الأولى .. وفوق هذآ تجي تقول لنآ بآلمسيرة لو سمحتوآ أمشوآ بسرعة لآ تتمخطروآ !! وإذآ أنآ مآ تمخطرت بهآليوم مين إللي يتمخطر ؟ أعضآء هيئة التدريس الموقرآت إللي مدري على إيش لهم مسيرة ؟؟؟ ولآ وقت التكريم ومآ أدرآكم مآ وقت التكريم ( إللي هو وقت تسليم شهآدآت التفوق ) أتوقع إنه البنآت خلصوآ وهي لسآ تنآدي الأسمآء .. لأنهآ تنآدي ومحد عآرف مين إللي بتستلم الشهآدة أصلاً :) يعني يكرهونآ حيآتنآ وقت الدرآسة ووقت التخرج كمآن .. أقتبس من كلآم دكتورة هنآء النعيم مقولتهآ : ( أعلن تخرج هذه الدفعة ) عفواً دكتورتي لك كل الإحترآم والتقدير ولكننآ فعلاً تخرجنآ وإللي خلآص إبتعثت وتكمل مآستر وإللي توظفت وإنتوآ لسآ فآكرين أنه فيه خريجآت ؟ أنآ الصرآحة أقترح عليهم يحآفظون على ميزآنيتهم وبلآش صرف الأموآل على البربقندة والنفآق الإجتمآعي إللي مآله أي معنى أسآساً .. عفواً بس هذآ الوآقع وهذي الصرآحة :)

كل كلامك صح واضيف عليها بنات مرتبة الشرف الثانية امتياز مايحق لنا نتكرم اذا ياليتهم ماكتبوا في الورق تكريم امتياز مع مرتبة الشرف واللي ضحكني الكيس اللي حاطينه لنا حاطين علم واسماء الخريجات في كتاب يعني مافيه شي للطالبة الخريجة .

[loool]

بس الحفل كان لأعضاء هيئه التدريس والامتياز والباقي زي الاطرش في الزفه

[كيميائية!]

مســـــــــــــــاء الورد



كيفكم يابنـــــــات العلوم من بعد حفلة امس ؟



كانت الحفلة منظمة ومرتبـــــــة وماكان العدد كبير .... سمعت اللي في الامن يقولوا ان عددنا في حفلة الربوع اقل بكثير من حفلة الثلاثاء




رووووعة وانبسطنــــــــــــا وخاصة اجواء المسيرة خيــــــــال وفرحة وشعور ماينوصـــف


شريط الذكريات كان يمر قدامي ..ايام السهر والاختبارات والتعب والابحاث




والاحلى انك تشـــــــوفي البنات بعد فترة انقطاع خاصة ان الحفلة متأخرة نوعا ما ..اللي تزوجت


وسافرت واللي راحت ابتعاث واللي توظفت يعني تقريبا بعد التخرج كل وحدة بدأت

تحدد ملامح مستقبـــــلها وتحقق طموحها.....



والامهـــــــات انبسطوا وارتاحوا لان الكل استقبلهم وعاملهم بذوق واحترام ربي يسعدهم




طبعا لان العدد كان قليل نوعا ما ..كنا موجودين بالدور الثاني شوي الا جت وحدة من المشرفات تقول يابنات في مكان تحت بالدور الاول اللي تبغى تنزل تتفضل عــــــــاد ماصدقنا خبر



كلنا نزلنا عشان نكون اقرب للاجواء ونشوف امهاتنا......

وفي حاجة عجبتني فقرة القســـــم لبنات كلية الطب (وفروعها) .....كانت فقرة حلوة وفيها شعور بالمسؤولية تجاه مهنتهم


بالنسبة للبس ماشوفهم دققوا يعني عادي خاصة القصير....وقبعات التخــــــــرج كانت هي عنوان الحفلة منتشرة بكل الالوان والاشكال شيء عادي ومألوف
وشيء حلو بقماش شموا وشوية فصوص ناعمة..بس اللي عجبني اكثر ان فيه بنات
مسوين تسريحات في الصالون وحاطين قبعة تخرج مرة صغيرة وناعمة كانها
شباصة...طلعوا نايس ومتميزين عننا اللي بالقبعات الكبيرة ... وبوكيهات الورد واطوااق الفل والضحك والسوالف ..

اما الجوالات كمان مادققوا كثير ولما رجعوا اخذوها من الامانات كان الوضع مريح

وعادي الحمدالله مافيه زحمة ولاتعب ..وكمان طولوا ماطفوا الانوار بدرري

تقريبا خرجت عشرة وعليها والوضع زي ماهو ماطفوا شيء





واللي ماحضروا بصراحــة راحت عليهم لان بجد كان يوم روعــة وحلو ومايتكرر





وبالنسبــــة للتصوير كان في الدور الثاني وماكان فيه زحمة بس مدري ماعجبني تصويرهم مو بس انا اغلب البنــات ماعجبهم ولا راحوا يتصوروا


يعني الوحدة تظهر في الصورة وكأنها صاحية من النوم ووجهها منفخ بس اذا رحت

لهم الاستديو بشوف كيف الوضع




ومشكورين اللي قاموا بتنظيم الحفلة وربي يعطيكم العافية ماقصرتوا

[بائعة الـورد]

ماشاءالله الف مبرووك للجميع
لكن ماكنت متوقعه انه الانتساب لهم نصيب في الحفل
خساره ياليت كنت موجوده :( على الاقل نعيش الاجواء الحلوه بس فعلا جت متأخره

[السيدة نكتة]

حفلتي كانت يوم الاثنين 27 / 5 الحمدلله انبسطت بس كمقارنة بحفل البكالوريوس كانت البكالوريوس أحلى


عقبال العايزين :)

[girl_sweet]

والله الحفله جمله وحلوه وكويس انهم عبرونا ومااخذوا فلوس ومن عندهم الارواب يعني نحمدالله على كذا حفله ويكفي انبسطنا وامهاتنا انبسطوا بس الي قهرني انه ماامداني اجلس مع صحباتي وشكرا جامعتي على الحفله

[وسام الامان]

مبااااااااااارك لكم التخرج
وعقباالنا ياااااااارب بإذن الله ^^ تتيسر معنا ونتخرج بامتياز

اللهم صل وسلم على الحبيب محمد

[white rose]

الله يعطيكم العافية بنات والف مبرووووك التخرج لكم

بس للامانة كلامكم صعقني كثير وخلاني افكر الف مرة قبل لا اروح لحفل تخرجنا السنة الجاية

المفروض كلية الاداب تكرم كل مراتب الشرف كاملة سواء امتياز او جيدجدا وتكرم كل خريجة راحت لحفلهم مو بس مسيرة مو عذر ان اعدادهم كبيرة هذا شرف وانجاز ينسب للكلية مو ينقص من مكانتها بين الكليات ..

وكان فتحو على الاقل عرض بريزنتيشن فيه اسماء الخريجات كلهم خلال المسيرة كنوع من التقدير لانجازهم وهذا اقل القليل ايضا كان سوو ترتيب للاقسام مو المفروض يوضحو الاقسام التابعة للكلية وكل مجموعة من اي قسم متخرجة .. والمفروض كمان يعطوهم شهادة شكر وتقدير على اجتهادهم وتخرجهم ما راح تكلفهم شي كلها ورق لكن راح يكون وقعها عليك كطالبة عظيم .

للامانة حسيت الحفل مجرد تقليد ينعمل كل سنة بدون اي اهتمام فقط حفل ويعدي .. وين حس الانتماء اللي المفروض يكون بين الخريجة وجامعتها وكليتها .. اتمنى المسئولين على حفل كلية الاداب يحسنو من ادائهم ومعاملتهم للخريجات .. الله يصلحهم سدو نفسنا عن الحضور :(

[ايمي المآلكي]

المشاركة الأصلية كتبت بواسطة white rose الله يعطيكم العافية بنات والف مبرووووك التخرج لكم بس للامانة كلامكم صعقني كثير وخلاني افكر الف مرة قبل لا اروح لحفل تخرجنا السنة الجاية المفروض كلية الاداب تكرم كل مراتب الشرف كاملة سواء امتياز او جيدجدا وتكرم كل خريجة راحت لحفلهم مو بس مسيرة مو عذر ان اعدادهم كبيرة هذا شرف وانجاز ينسب للكلية مو ينقص من مكانتها بين الكليات .. وكان فتحو على الاقل عرض بريزنتيشن فيه اسماء الخريجات كلهم خلال المسيرة كنوع من التقدير لانجازهم وهذا اقل القليل ايضا كان سوو ترتيب للاقسام مو المفروض يوضحو الاقسام التابعة للكلية وكل مجموعة من اي قسم متخرجة .. والمفروض كمان يعطوهم شهادة شكر وتقدير على اجتهادهم وتخرجهم ما راح تكلفهم شي كلها ورق لكن راح يكون وقعها عليك كطالبة عظيم . للامانة حسيت الحفل مجرد تقليد ينعمل كل سنة بدون اي اهتمام فقط حفل ويعدي .. وين حس الانتماء اللي المفروض يكون بين الخريجة وجامعتها وكليتها .. اتمنى المسئولين على حفل كلية الاداب يحسنو من ادائهم ومعاملتهم للخريجات .. الله يصلحهم سدو نفسنا عن الحضور :(

نصيحة لآ تروحي حتى لوكنتي مرتبة الشرف الأولى ..

أممم كآن فيه عرض بأسمآء الطآلبآت بس محد كآن مهتم له .. والمسيرة كآنت سريعة بنآت يجرون وكذلك كآن فيه شهآدآت تفوق بدون أسمآء لو تبين الإسم تروحين للعمآدة يكتبونه لك والتكريم برضو كآن بدون أسمآء ..

يعني السنة إللي فآتت كآن فيه درع تذكآري للإمتيآز مع مرتبة الشرف الأولى هآلسنة كآنت مجرد ورقة فقط لآ أقل ولآ أكثر ..

والله إرتآحوآ وإجلسوآ بآلبيت أصرف تعب 3 سآعآت ع الفآضي ..