قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة meme swan السلام عليكم ورحمة الله وبركاته أخي بحر الحريه أنا ماعرفت إنه فيه تقديم عن طريق الجامعه إلا اليوم والحمد لله على كل حال سؤالي هل لا زال التسجيل مفتوح ؟ علما بان نسبتس 98في الثانويه ومتخرجه عام 1430هجري ياليت أجد الجواب منكم ولكم جزيل الشكر

أهلين أختي..
لساا فيه طلاب وطالبات بيقدموا، فحاولي تستعجلي وتلحقي، لأني ما اعرف متى بالزبط رااح يقفل، ومشاا الله تبارك الله نسبتك ف الثانوية مرررة حلوة، وارجعي اقري الردود اللي ف الصفحات اللي قبل 15، زي 14 و 13 و 12 راح تستفيدي منها..

وطمنينا ايش يصير معااكي..

الله يوفقك ياارب ويسهل عليكي ويحقق لك اللي تتمنيه؛؛

[meme swan]

شكرا أخي بحر الحريه على تجاوبك معنا واسأل الله العظيم رب العش الكريم أن يوفقك لك ماتحبه ويرضاه وييسر لك أمورك ويبارك لك في صحتك آمين

[1990meme]

موفقين جميعا
انا قدمت السنة الي راحت وقبلوني علترم التاني الحمدلله
نصيحة لا تنتظرو الرد برمضان انا ضيعت رمضان وفرحتو وانا استنا كل يوم اتصالهم
وجاني القبول بعد شهر ونص من الدراسة بعد ماانتهت اعصابي

اعرف بنات انقبلو علمي معي نسبتهم الموزونة يعني مع القدرات والتحصيلي 90.3 يعني ماتفقدو الامل
وبالنسبة للطب سئلنا عميدة القبول والتسجيل لو جبنا 5 على 5 ممكن ننقبل طب؟قالت لا مستحيلل

اعلى تخصص مسموح هو الحاسب الي تبغاه او يبغاه لازم يشد حيلو اعرف بنات السنة الي قبلي
جابو 4ونص ومادخلوهم حاسب حطوهم علوم

اي استفسار انا حاضرة

[mero0o songzz]

ياناس والله اني بموت من القهر مسجله انتساب ولا احد رد عليه
ياريت احد يفيدني والله مادري ايش اسوي

[حذيفه نصر]

المشاركة الأصلية كتبت بواسطة بحر الحرية أهلين عزيزي.. خليك متفائل، وانشاا الله راح تلاقي قبول، وراح تكون بالجامعة من الترم الجااي ياارب، لأنوو مشاا الله نسبتك المركبة مررره حلوة وانا كنت أحسبك من جدة والله بس يا هلا فيك من أي مكان تكون خيووو.. موفق يااارب؛؛

حياك يالغالي ,,
بارك الله فيك يالغلا ,,
وربي يسمع منك .
وبعدين تراني من جدة يالغالي ,,
لا وجار الجامعة بعد مايفرق بينا الا شارع ,
تحياتي !

[sure]

الله يوفق الجميع

[بحر الحرية]

المشاركة الأصلية كتبت بواسطة mero0o songzz ياناس والله اني بموت من القهر مسجله انتساب ولا احد رد عليه ياريت احد يفيدني والله مادري ايش اسوي

أهلين خيتوو..
وضحي ايش تبغي طيب، لأنوو مافي ولا شي مفهوم من كلامك..

موفقة ياارب؛؛

[blsam]

السلام عليكم ..
أبشرك أخويا بحر الحرية .. قبل كم يوم قدمنا اوراقنا للعمادة وقبلوها وأعطونا رقم للمعاملة .. والحمد لله ..

بس في وحدة من صحباتي راحت اليوم تقدم من عند الحريم لانه ما عندها أحد يودي اوراقها لقسم الرجال .. قالتلي انه ما رضيوا ياخذوا استمارة التسجيل .. وقالتلها بالحرف الواحد (ارميها ما منها فايدة) وما نقبل أجانب بالمررررة روحي سجلي انتساب ..
وهذا عكس الكلام اللي سمعته في قسم الرجال ..

وفي سؤال ثاني اذا تكرمت يخصني انا..
فيه احتمال انه القبول ما يجي الا عالترم الثاني زي ما سمعت من بعض الأعضاء.. لكن اذا قدمت انتساب الترم الاول وانقبلت انتظام الترم الثاني حقدر أحول ولا كييف؟

[مرعوبه الدلوعه]

[align=right]

انا نسبتي بالتانوي 97.80

والقدرات 88

والتحصيلي 78

والموزونه 90.90%

الحمد لله قدمت اوراقي لقسم النساء وعبيت الاستماره بس الموظفه المتخصصه بدا الشي ماكنت موجوده اخدتو مني وحده تانيه وقالتلي بديها بكره بس ما اعطتني رقم طلب عشان اراجع بيه سالتها قالتي عادي يدخلوكي رغم انو الامن مشددين مايدخلو الي ماعندهم بطايق

وبعدين بغا اعرف كل كم اتصل عليهم ولا اروح افضل لانهم نادر مايردو

وابغا اسال لو انقبلت ورفعت معدلي ما في امكانيه يصرفولنا مكافاه ^.^

[mero0o songzz]

السلام عليكم
اخوي بحر الحرية انا ليه فتره مقدمه انتساب وماعندي الاصحين بس
والى الان مااتاكدوا من صحة البيانات ماني عارفه يعني راح يقبلوني والا لا
واتصل على الجامعه يقولوا إن شاء الله خير ومايعطوا موعد ممحدد