ألف مبروك لدكاترة الأسنان الجدد ... تجمع دفعة 11

[~RAN~]

^
هههههههههههههههههههههههه المقطع هذا شفته اول ومدري كيف كان شعوري لمن شفته
اضحك وفيني بكاء
ايش ذااااااا
شوفوا البنج كيف شكله
وكيف دخل الابره فمها
والا لمن خلع ضرسها والله العظيم تقولون جالس يسحب قلبها مو ضرس

آآآآخ مقطع يعور

[Dr~NanoOok]

المشاركة الأصلية كتبت بواسطة amiwa هههههههههههههه يصلح دراجة من جد ايش جاب لجاب وبعدين ياريتو قال كنت اصلح "سيارة" !! ع الاقل شي واو xP

أميره.. صدقيني لما تدخلي الاسنان حتعرفي تصلحي كل شي وتشتغلي بكل المجالات !

من جد بتكلم ! وكتير من دكاترتنا بيقولولنا على تداخل الكثير من المجالات التانية في دراستنا
من هندسة ورياضيات و علوم بشري وفيزياء وكيمياء .. حتى تجارة وكهرباء ههههههههه

وبالمعامل حتشتغلي نجارة وحدادة و سمكرة و لحام وكل شي !
حتخلطي جبس وتكسري جبس.. وتمسكي حدايد وتلحميها.. و مفكات ومسامير.. حتى منشار نشرنا بيه !
غير حصة التربية الفنية اللي بنعملها بالمعمل وخاصة بمعمل الشمع والنحت

تعرفي شي.. من قبل ما ادخل الاسنان.. بابا كان يحب يخليني اتفرج واشتغل معاه لما يجي يصلح شي بالبيت.. واخلى شي لما يجي يركب حاجة من ايكيا << تحسيها لعبة ليجو وتفكير في تركيب وتجميع القطع
اخواني يتفرجوا غصب وانا اقعد استمتع بالموضوع "^^ ههههههههه
بس الحمدلله فادني كتييير لما دخلت الاسنان وبالمعامل

حتى الدريل حق البيت << مستحيل اقدر امسكه واشتغل بيه "^^ احسه مرره قوي وحينفلني بعيد xp
بس فكرة المسامير حقته وتركيبها بالضبط زي الـ hand-piece حقنا بالاسنان

مهنتنا تُعتبر حرفة يدوية وفنية
واي واحدة عندها موهبة في رسم .. تطريز .. خياطة.. كروشيه .. اي شي يدوي حيسهلها الموضوع
واغلب البنات اللي بالدفعة وعندهم دي الملكة .. ماشالله شغلهم يطلع احلى وادق شي

[amiwa]

المشاركة الأصلية كتبت بواسطة Dr~NanoOok أميره.. صدقيني لما تدخلي الاسنان حتعرفي تصلحي كل شي وتشتغلي بكل المجالات ! من جد بتكلم ! وكتير من دكاترتنا بيقولولنا على تداخل الكثير من المجالات التانية في دراستنا من هندسة ورياضيات و علوم بشري وفيزياء وكيمياء .. حتى تجارة وكهرباء ههههههههه خلاص حفتح بزنس ان شاءالله >> "أميرة..لكل شي" ههههههههههه وبالمعامل حتشتغلي نجارة وحدادة و سمكرة و لحام وكل شي ! حتخلطي جبس وتكسري جبس.. وتمسكي حدايد وتلحميها.. و مفكات ومسامير.. حتى منشار نشرنا بيه ! كويس قلتي من بدري الواحد يلحق يربّيلو شوية عضل غير حصة التربية الفنية اللي بنعملها بالمعمل وخاصة بمعمل الشمع والنحت (زي الفيلم "House of wax" ...؟؟؟ ) تعرفي شي.. من قبل ما ادخل الاسنان.. بابا كان يحب يخليني اتفرج واشتغل معاه لما يجي يصلح شي بالبيت.. واحلى شي لما يجي يركب حاجة من ايكيا << تحسيها لعبة ليجو وتفكير في تركيب وتجميع القطع اخواني يتفرجوا غصب وانا اقعد استمتع بالموضوع "^^ ههههههههه بس الحمدلله فادني كتييير لما دخلت الاسنان وبالمعامل يا حظك ماشاءالله.. احنا العامِل يصلح الاشياء.... تخيلي منظري وانا اقعد اتفرج عليه؟! هع هع هع حتى الدريل حق البيت << مستحيل اقدر امسكه واشتغل بيه "^^ احسه مرره قوي وحينفلني بعيد xp ههههههههههههههههه كدة>>> بس فكرة المسامير حقته وتركيبها بالضبط زي الـ hand-piece حقنا بالاسنان مهنتنا تُعتبر حرفة يدوية وفنية واي واحدة عندها موهبة في رسم .. تطريز .. خياطة .. كروشيه <<(ايش دا؟) .. اي شي يدوي حيسهلها الموضوع (يجي طبخ كمان؟ ) واغلب البنات اللي بالدفعة وعندهم دي الملكة .. ماشالله شغلهم يطلع احلى وادق شي

والله مرررررررررررة ثانكس ترى رفعتي من معنوياتي بشكل ما تتصوري.. هواياتي المتواضعة بتجيني بفايدة

ps. Thanks again for taking the time to write to me, it makes me so happy

[~RAN~]

معليش د.نانوك بجاوب بدالك

ميرو هذا هو الكورشيه





الحمدلله الكروشيه والخياطه احبهم يعني اشتغل فيهم تمام
اما الرسم

وبرضو تركيب الطالولات والدولايب والحاجات هذي مرره ممتع شغلها احبه

[Dr~NanoOok]

اميرة

ضحكتيييني على المؤثرات الحركية اللي اضفتيها للنص XD
تسلملي يدك عليها ^^

و المواهب الفنية ماحتفيدك بس بالدراسة
كليتنا بتعمل نوادي فنية وحركات لصقل المواهب
غير المعارض.. واهمها الارتوفيليا " معرض الاطباء الموهوبين

تتزكري كلمة mania ومعناها الهوس بالشيء
ليها مرادف ثاني وهو philia
ومنه تم عمل اسم المعرض
Artophilia = art+philia

معرض قمة في الروعة واتعب وانا اتكلم عنه من اليوم لبكرا
ادخلوا الفيس بوك وابحثوا عن الصفحة حقته
وبالنت كمان تغطيات صحفية عنه

فيه رسم و اعمال يدوية و كتابات ادبية وتصوير فوتوغرافي
والحلو تقديم جوائز للفائزين بالمعرض
وكانت ايباد و لاب توب و لوح رسم الكتروني

<< اتمنيت اكون من الثلاثة الاوائل بالمعرض وافوز بواحدة منهم :p

ابدا لا تستهيني بهواياتك وحتلاقي ليها قيمة بكليتنا ^_^

~

وبالعكس قد ايش استمتع وانا معاكم هنا ولا ياخد من وقتي ولا شي


-----------

ران

شكرًا على الصور ^_^ تاني واحدة مرررة حلوة
كان عندي واحدة على شكل اسنان من نفس الفكرة خطييرة

وماشالله حلو انك تعرفي تعمليهم
وإن شاء الله اعمالك بالكلية حتكون روعة وشغلك تمام بالاسنان

[~RAN~]

المشاركة الأصلية كتبت بواسطة dr~nanoook اميرة ضحكتيييني على المؤثرات الحركية اللي اضفتيها للنص xd تسلملي يدك عليها ^^ و المواهب الفنية ماحتفيدك بس بالدراسة كليتنا بتعمل نوادي فنية وحركات لصقل المواهب غير المعارض.. واهمها الارتوفيليا " معرض الاطباء الموهوبين تتزكري كلمة mania ومعناها الهوس بالشيء ليها مرادف ثاني وهو philia ومنه تم عمل اسم المعرض artophilia = art+philia معرض قمة في الروعة واتعب وانا اتكلم عنه من اليوم لبكرا ادخلوا الفيس بوك وابحثوا عن الصفحة حقته وبالنت كمان تغطيات صحفية عنه فيه رسم و اعمال يدوية و كتابات ادبية وتصوير فوتوغرافي والحلو تقديم جوائز للفائزين بالمعرض وكانت ايباد و لاب توب و لوح رسم الكتروني << اتمنيت اكون من الثلاثة الاوائل بالمعرض وافوز بواحدة منهم :p ابدا لا تستهيني بهواياتك وحتلاقي ليها قيمة بكليتنا ^_^ ~ وبالعكس قد ايش استمتع وانا معاكم هنا ولا ياخد من وقتي ولا شي ----------- ران شكرًا على الصور ^_^ تاني واحدة مرررة حلوة العفو ياعسل كان عندي واحدة على شكل اسنان من نفس الفكرة خطييرة وماشالله حلو انك تعرفي تعمليهم وإن شاء الله اعمالك بالكلية حتكون روعة وشغلك تمام بالاسنان ان شاء الله يارب

شفت صور المعرض في الفيس بوك
مرااا الرسماات ابدااااع ماشاءالله
ويحمس مررره
ان شاءالله نشارك فيه

[Glamor Mada]

اممممممممم دكتورة نانوك ممكن سؤال ؟
انتي شاركتي بـ أرتوفيليا ؟؟ اذا ايوا فا ممكن اعرف ايش كانت رسمتك ؟

[Dr~NanoOok]

مادا.. يب شاركت بـ ارتوفيليا

مشاركة أدبية في كتاب المعرض "قلم أديب وقلب طبيب"
و بصور فوتوغرافية .. واحدة منهم الصورة اللي انت حاطتها بتوقيعك :p
<< من فين جبتها :P

~

وهذه بعض الصور من تغطيتي للمعرض ..

مشاركة من الكروشيه .. وعبارة ترحيب بالمعرض

~

فئة الصور الفوتوغرافية .. كان أكبر الأعمال من هذه الفئة

~

فئة اللوحات الفنية ..

~

أعمال يدوية

~

ركن الأعمال الأدبية .. وتوزيع كتاب المعرض

كتاب "بقلم أديب وقلب طبيب"

~

جانب من التكريم.. في الحفل الختامي للمعرض

~

وأخيرًا .. أعمالي المشاركة بها بالمعرض ^_^

وعلى فكرة.. الكتب هذه ربع كتب الأسنان اللي عندي بس! "^^

~

[~RAN~]

^
د.نانوك
ايش ذا
ماشاءالله المعرض مررره حلوووو ويحمس صراحة

ومشاركاتك ابداااع كالعاده ماشاءالله عليك
وان شاء الله يارب اذا فيه السنه الجايه
راح اشارك بصوره فوتوغرافيه

[Dr~NanoOok]

المشاركة الأصلية كتبت بواسطة ~ran~ ^ د.نانوك ايش ذا ماشاءالله المعرض مررره حلوووو ويحمس صراحة ومشاركاتك ابداااع كالعاده ماشاءالله عليك وان شاء الله يارب اذا فيه السنه الجايه راح اشارك بصوره فوتوغرافيه

من ذوووقك الحلو يا عسل ^_^

إن شاء الله تشاركينا السنة الجاية بأحلى الصور.. المنافسة كانت حامية السنة اللي فاتت
وحتكون أحمس وأحلى كمان إن شاء الله

الحلو انها صارت على مستوى العديد من الكليات الصحية .. جامعات من مكة والمدينة والكليات الأهلية بجدة
ومن كلية الرياض كمان

شي يحمممس