الزواج من المنتدى ...!

[RHF]

سوبر مدري ليه اتحمست اكتب الموقف بالتفصيل

لنفرض وصلني المسج دا ، وانا عارفة انو عمرو محا يوصلني اصلن هههههههههه

المهم ، حوري ماما المسج ، اقولها وااااااااااااااااه ماما ششششششششششششوفي يقول يبا يخطططططططططططبني هههههههه

طبعن ماما اول سؤال تسألو : ايش تخصصصصصصو ؟

وطبعن انا على طول اقرا ايش تخصصو و اقولها

ازا ناسبها تخصصو يعني و كدا ، حتسألني عنو ، يعني اقصد كيف ردودو في المنتدى ومدري ايش ؟ ونبدأ نعمل تحري عن البوي في المنتدى ، واشوف كل مواضيعو و ردودو ههههههههااااااااي

مممممممم ازا حست ماما انو انسان كويس ، حتقولي اعطيه رقمي ، خلي امو تكلمني

وبعدين حتيجي امو ، وتشوفني ، ازا عجبتها ، وقتها حيجو يتقدمو ، وبعدها طبعن احنا نسأل عن الولد دا و بابا يجتمع معاه و مع ابوه ،

وبعدين لو حصل نصيب حيكون في شوفة و ملكة و جواز

( على فكرة ، دا كلو من خيالي الواسع )

لاكن اتوقع دي ردة فعل مامتي هههههههههه

ويعني لو ما عجبها ، حتقولي يا بنتي طنشيه ،

ممممممم ما اعتقد انها جريمة يا جماعة ، يعني انا ما اتعرفت عالولد حتى امي تلطشني و تقتلني ، !!

بالعكس حاروح واقولها وهي حتقولي رأيها في الموضوع ،

يعني لو قولتلها ماما انا متعرفة على دا الولد و كلمتو و مدري ايش وهو حيخطبني ، وقتها ممكن ترفض الفكرة و تقتلني !!!

اما واحد ارسلي مسج ، ما بيني وبينو غير ردود منتدى ، محا تزعل بالعكس تنبسط انو بنتها جات و صارحتها على طول ، ويكون الموضوع جدي طبعن ، مو لعب عيال

ممممم على فكرة ، انا ماما تعرف كل ردودي و مواضيعي ، وتقريبن كل المواضيع اللي رديت فيها قولت لماما على ردود اغلب الاعضاء ،

وطبعن لفتني سؤال / ايش يضمنلي انو ما يعجب باسلوب بنت تانية ؟؟؟
في شي كمان ههههههه

احس يعني لو اننا خلاص حننخطب ، ويجي يكتب ردود في المنتدى واشوفو يرد على بنات حنقهر مرة :@:@

عمومن يلا دا كلو خيال

بيس

[Qotaiba HBK]

السلام عليكم ورحمة الله وبركاته ،،

صراحة موضوع جدير بالاهتمام ،، وأنا ليّا فترة متابعة ،، بس لاحظت إن الأغلبية موش داخله مزاجهم هالفكرة ومن حقهم صراحة واحد ما أعرف ايش أخلاقة وايش يرجع والخ ،،

المهم هذي الظاهرة حصلت بعائلتنا قبل 3 سنوات وراح أحكيها لكم طبعاً وقتها كانت أختي سنة ثالث طب ومادري من المنتدى هذا أو منتدى ميد كاو المهم وصلتها رسالة من واحد من الدفعة اللي قبل قبلها بالطب ،، بعدها قالت للوالدة والوالد وما تقبلوا الفكرة وكذا مرة قالولها شيل هالفكرة أحسلك

المهم ،، بعدها أختي أرسلت رقم الوالدة لـ أم الولد بعدها دقت أم الولد على أمي وكان الاقناع يأتي شيئاً فـ شيئا حتى حددنا يوم يتقابلوا فيه الرجال وطبعاً أنا كنت حاضر وقتها

المهم ،، بعد المشاورات وكذا حددنا شروط عشان نشوف مصداقية الولد نفسه وهل من جد يبغاها ويحبها وكل شيء والا على قولتهم أبو تمشية حال ههههـ ،، طبعاً الشروط كانت قاتلة وهذي أول مرة تصير بـ عائلتنا واحد من الشروط كان مهر بـ 70 ألف مدري أكثر أو أقل بشوي وآخر مؤخر 120 ألف + الخطوبة يجلسون مدة سنتين لـ التأكد أكثر من شخصية الولد ،، وبالفعل وافقوا وكل شيء حصل مثل ما كان مخطط له والحمد لله تزوجوا وكل شيء وما شاء الله مرتاحين ع الآخر <= ينفع أصير كاتب روايات

من وجهة نظري الشيء هذا بيكون شبه مستحيل من جهة والدي البنت عكس الولد لأن دائم يكون أكثر اقناع لوالدة ووالدته بس شخصياً أنا أحب الطريقة التقليدية أكثر لأن هذي فيها تعقيد وشروط شوي قاتلة <= تعقد ههههـ ،، ولكن زي ما قال أحد الأعضاء هنا لو توفر فيها الدين والخلق والجمال وكل شيء فلا مانع من ذلك

ويعطيك ألف عافية ع الموضوع ،،

وبالتوفيق ،،

[Majed7]

^^

يعني هذا تأليف ولا من جد ههههه ؟ .. ترا ضيعت ^_× :)


لي عودة إن شاء الله ^_^

[Qotaiba HBK]

المشاركة الأصلية كتبت بواسطة majed7 ^^ يعني هذا تأليف ولا من جد ههههه ؟ .. ترا ضيعت ^_× :) لي عودة إن شاء الله ^_^

مع نفسك هههههه

لا والله جد .. أصلن من يقدر يألف في رمضان =p

[Majed7]

المشاركة الأصلية كتبت بواسطة qotaiba hbk مع نفسك هههههه لا والله جد .. أصلن من يقدر يألف في رمضان =p

والله خطير زوج أختك ..

الله يوفقهم في حياتهم .. ويلا عقبال ما ترسليـ وحدة وتقول بكلم أمك عشان تتقدم لي

[Qotaiba HBK]

المشاركة الأصلية كتبت بواسطة majed7 والله خطير زوج أختك .. الله يوفقهم في حياتهم .. ويلا عقبال ما ترسليـ وحدة وتقول بكلم أمك عشان تتقدم لي

ههههه ..

بس بيني وبينك ترى ما مشت السالفة الا عن طريق اخت هالولد لانها اصلا كانت معاها بنفس الكلية وعاد انت تعرف شغل الواسطات هههه

امين ان شاء الله .. وعقبالنا جميعا ههههههه ..

[Glamor Mada]

عادي ما فيها شي ..
ولو مثل ما قلتو انه كيف يفكر يتزوج وحده ما يعرفها وما يعرف اخلاقها وووو ..
طيب نفس الزواج التقليدي .. الام تشوف البنت وعجبتها .. تروح تسأل عنها وتستفسر !
نفس الحكايه لو واحد اعجب بوحده من المنتدى اهل الولد رح يستفسرو ويسألو عن البنت ! وبعدين في فترة الخطوبه يتعرفو على بعض بشكل اكبر
مافي شي حرام بالموضوع .. انما كل الهرجه بكيفية تقبل هذي الطريقة بالزواج في مجتمعنا

[توونآ]

زواج تقليدي
زواج تقليدي
زواج تقليدي
قد ايش اكره دي الكلمه

[girl moon]

انا افضل الزواج عن حب مدري ليه بس كله قسمة ونصيب يارب اتزوج عن حب

مجتمعنا العربي لا يعترف بقصص الحب

[roosh]

المشاركة الأصلية كتبت بواسطة majed7 ويلا عقبال ما ترسليـ وحدة وتقول بكلم أمك عشان تتقدم لي

ههههههههههه ضحكتني ..

ممم الردود كلها في شي من الصحه وشي من الخطا وكل واحد على حسب تفكيرو ..

بس راي الشخصي انو حتى لو سار الموضوع يعني البنات حيواجهو صعوبه يعني كيف حيواجهو اهاليهم ومن دا الكلام تراها مو سهله انا بالنسبالي مدري ايش ردت فعل بابا حتكون ممكن يتقبلها بصدر رحب وممكن يجري ورايا بالخيزرانه ههههه كل شي جايز ..