المقبولات ماجستير دراسات إسلامية-الفيصلية

[fofofifi3]

وترتيب الطالبة لرغباتها يفرق ، يعني اللي رغبتها الأولى السليمانية هي أولى من اللي رغبتها الثالثة السليمانية .
مجرد توقع

[eman 111]

لايوجد زيادة

العدد كما هو 9 سليمانية و15 فيصلية

[fofofifi3]

والله هذا كلام الدكتورة اللي كلمتها أكثر من بنت وأكدت انه القبول زاد وصار21 ، وأتوقع ان مالها مصلحة من وراء التصريح بمثل هذا الكلام إذا ما كان عندها علم أكيد .
عموما نقول يمكن الرسالة وصلتني لأني احتياط في السليمانية . يوم السبت إن شاء الله نراجع ونشوف . بس مرررره عارفة اني بأروح أحوس كل شوي وأنا ناطه عند وحده وأتصرف من وحده والمشكلة ما أعرف شي في الجامعة ، الله يوفقني وإياكم يا حلوات يا قمورات يا جميلات.

[للعلا , , أمضي]

المشاركة الأصلية كتبت بواسطة غريبه بدنيتي بس العميد في المنتدى الرسمي نفى اي زيادة.. ومصر ان العدد في السليمانية مازال 9

ممكن الرابط؟؟

[لين الورد]

المشاركة الأصلية كتبت بواسطة fofofifi3 شوفوا يا بنات اللي أتوقعه القصة كذا في قبول لـ21 في قسم الدراسات الإسلامية السليمانية إذا كان كلام الدكتورة اللي أكدت الزيادة صحيح . القبول في السليمانية بيكون لـ9 اللي انقبلوا أول ، و13 الزيادة للي أعلى في المعدل واللي كانت رغبتهم الأولى السليمانية ، فبالتالي حيكون في بنات من اللي ما انقبلوا في رغبتهم الأولى إذا كانت السليمانية في البداية داخلين في قائمة ال21 وهم في الأساس معدلاتهم أعلى من اللي تم قبولهم في الفيصلية واحتمال كبير بعد انتقالهم لفرع السليمانية وقبولهم فيها يكون في قبول للاحتياط في الفيصلية للي كانت رغبتهم الأولى الفيصلية . يعني مثلا لو فرضنا في 13 من اللي في الفيصلية تم قبولهم في الرغبة الثانية ولم يتم قبولهم في الرغبة الأولى ، فهم اللي أتوقع جاتهم الرسايل وهم اللي أولى بالقبول في السليمانية كونها رغبتهم الأولى . ( صرت أحترم مهنة التعليم لأني أحس إني ما أعرف أشرح ولا أوصل المعلومة ) يا حلوات أرجع وأنبه ان هذا توقع وبس يعني مو أكيد . فكروا فكروا فكروا وقولوا لي ايش توقعاتكم .

تفكير سليم ومنطقي

بس العميد والوكيل نفوا الزياده

فكانك يازيد ماغزيت

[لين الورد]

http://forum.kau.edu.sa/vb/catheaea-...79/index2.html

[fofofifi3]

لين الورد أهم شي عجبتك في الشرح هههههه. انت أول وحده تجبر بخاطري .

[للعلا , , أمضي]

شكرا لين...



"الله يكتب الخيرة "

[د/طموح]

طيب انا رغبتي الاولى سليمانية يافوفو وقم ترشيحي 18 هذا مع العلم انهم مازادوني 10%نسبتي الموزونة 74.95 ولو اعطوني 10% حتفرررررق


راسي بينفجرر

[سدر المنتهى]

عزآآآآآآء للجمييييع :

تأملوا في الحديث فيما معناه :

(( كتب الله مقادير الخلآئق قبل أن تخلق السماوات والأرض بخمسون ألف سنة ))

والله لو فعلتي مابوسعك لو جبتي 100% وإذا ربي مو كاتبك لك دراسة الماجستير ربي ماحيريد لك إلا مايريده لك ويكون لك فيه الخييييير ..

ولكن ثقوا جمييييعا بأن :
خالقكم ، كريم ،، عادل ،، خبير ،، رحيم ( ارحم من الأم بولدها ) .. ووالله اعرف ناس تم قبولهم بالماجستير ولكن لم يتسنى لهم المدوامة والدراسة بسبب ظروف فاظطروا إلى الإنسحاب وهنا يكون الجرح الأعمق لإنها عاشت وفرحت بقبولها ولكن ظروفها حالت بها إلى عدم إكمال المسير وسوف تذكر ذلك الجرح مدى الدهر ..

وآخرون لم يوفقوا في الدارسة بسبب صعوبتها وبسبب ظروفهم ..

فتأملي امكن الله عزوجل مايبغى لك الدارسة إلا في وقت معلوم ويهيأ لك الظروف من كل النواحي لتصبح دراستك ميسرة من جميع النواحي .. هذا أمر ..

والأمر الآخر : امكن الله مايريد لك المواصلة لخيرة في أمرك عارف إنك حتتعبي وحتذوقي الويل وحتشوفي نجوم الليل في عز الظهيرة وهذا أحد كلام الأخوات المقبولات بأنها تعبت جداااا من دراسة الماستر وسحبت وبعدين رجعت رغم إنها ماشآء الله ممتازة لكن طبيعة دراسة الماستر يحتاج لها كثيييييييييير من التضحيات الأسرية والإجتماعية فالله عزوجل امكن عارف إنك ماحتقدري فيبغى يريحك ويريح رأسك وأعصابك وامكن عارف إنك حتقصري في أمور كثيرة فنحى لك ذلك الطلب في وقت معلوم أو ازاحه عنك لعلمه وخبرته وحكمته ورحمته وعدله بك : ( العبد الضعيف ) ..

الأمر الآخر .. ومعليش اعذورني ترى المفاضلة مااتوقع كلها تصير بالنسب يعني ممكن تكون وحده نسبتها ممتااااازة لكن دوراتها وخبرتها قليلة وماعندها دورات كثيرة .. ووحده يكون معدلها معقول لكن ماشآء الله عندها دورات وخبرات فهنا ممكن اقول يرجحوا اللي نسبتهم معقولة يعني مثلا جيد جدا مرتفع ودوراتها كثير ممكن تترشح لإن بعض الأحيان ظروف الطالبة في المرحلة الجامعية قد تعقيها عن حصول الدرجات العالية ولكن ليست هذه صفة فيها وإنما حالت الظروف بينها لأن تنال الدرجات العالية .. يعني الصراحة المفروض تكون اول سنة في الماستر أو أول ترم اختبار للطالبة إذا والله اثبتت جديتها ومواصلاتها هنا يسمحوا لها تكمل وإذا قعدت تلعب في الآف غيرها منتظرين ..وأيضا مو شرط كل اللي تقديرهم ممتاز ودرجتهم طيبة في القدرات يترشحوا عارفين ليه لإن اختبار القدرات بحد ذاااته ظلم ايش دخل التخصصات الادبية واللي درسوا ادبي في الثانوي بمسآئل رياضيات وأشيآء رياضية ومسآئل وفوق هذا كله وقت ضيييييييييييق يعني حتى اجهزة الكمبيوتر امكن تعتبره ظلم لنا نحل في وقت قياسي مثل هذا والنظام الماشي في الحل ( حقرة بقرة ) عند معظم الطالبات إلا في اسئلة معينة طبعا .. وأنا عن تجربة اختبرت مرتين ودرجتي كانت نازلة قليلا ولكن اشعر بأن الاختبار الثاني سويت كويس ونزلت مبسووووطة لكن إلى الآن لا اعرف كيف حصلت ع هذه الدرجة وطبعي الصراحة احب ابلط ع السؤال حتى افهمه واحل يعني احب اعطي لكل سؤال حقه في التفكير خاصة في مسآئل مو تخصصي ،، يعني انا ادببببببببي وغيري كثيييييير تركنا الرياضيات من 7 أو 8 سنوات تقريبا يعني طيب ع الاقل يقللوا الاسئلة أو يزيدوا الوقت ايش 24 ورقة والله ظلم .. يعني الشاهد إنه اختبار قدرات والموازنه عليه بين الطالبات اجحاف بحق الآخرين خاصة الأدبي والحل قدرات لكل قسم يعني بكالوريس الآداب مالهم دخل ابدااااا بالمسآئل الرياضية يركزوا على الأدبي والعلمي لهم اسئلتهم الخاصة وان كان مافي مانع ببعض الاسئلة اللي تحرك الذهن للأدبي ..

المهم طولت عليكم ولكن تذكروا معي حديث رسول الله صلى الله عليع وسلم فيما معناه (( كتب الله مقادير الخلآئق قبل أن تخلق السماوات والأرض بخمسييييييييييين ألف سنة ))

يآرب تجعلنا من الراضين بقضآئك .. وتذكروا أن الله : عليم ، حكيم ، خبير ، عادل ، رحيم ( ارحم بنا من الأم بوليدها ) ..

ولكن ليس معنى هذا التقاعس والكسل أنتو افعلوا الأسباب وإن كان فيه خير ربي سيعجل ويكتب لكم النصيب ..

قصة : وحده تقابلت معها بالمستشفى انتساب وليس انتظام وكان معدلها عالي ماشآء الله رغم أنها انتساب والإنتساب ترا اصعب من الانتظام مع ذلك معدلها عالي وذهل القسم منها وقبلوها واجتازت التحريري ثم ماوفقت في الشفوي بسبب الربكة والمقابلة كانت عن عبارة اربع دكاترة ( رجال ) امامها مباشرة تخيلوا الموقف أن لو شفت دكتور واحد بتطير الأجوبة كلها من الخوف خخخ .. المهم وسبحان الله قدمت ع الديوان وقبلت ماشآء الله في أحد المدارس الحكومية للمتوسطة أو الثانوية على بند التعاقد وفي جدة وفي حي يعتبر قريب ليس مزوي أو بعيد ومدرسة جديدة ونموذجية وجلست فترة فااقولها ماعندك نية ترجعي تقدمي ماستر قالت لا أنا امكن اثبت بالمدرسة الحكومية فلذلك امكن اجلس عشان اثبت وهي دخلت على بند تعاقد وقالت الآن أنا إدارية .. الشاهد تقول اخوات زوجي قدموا قبلي ع الديوان ولا توفقوا مع أنهم ( انتظام ) أنا سنتين وجآئني الرد وذلك بعد الفضل الله لأني أخذت دورات حاسب وانجليزي وطبعا الدورات بفضل الله تنفع هالأيام خاصة دورات الحاسب والانجلش واللي فهمتوا منها إنهم ينظروا للدورات اللي اخذتيها بعد البكالوريس ليس قبل البكالوريس .. فشوفوا حتثبت ماشآء الله في مدرسة حكومية وبجدة اللي نحلم نلاقي فيها وممكن تترقى وتصير إدارية صح ونسيت هي متخرجة من جامعة يعني مو تربوي .. فشفتوا كيف خيرة ربنا وقالت امكن بعد مااثبت وكل شيء واضمن ثبوتي في المدرسة الحكومية اروح وارجع اقدم ثاني على الماستر وإذا ربي وفقها امكن تتسهل لها الأثنين وظيفة حكومية ومواصلة دراستها ارجع واكرر وهي انتساب ماشآء الله اللهم بارك لكنها لم تتقاعس ووفقها ربنا الأعلم بصلاح ما هو خير لها في ( دنياها وآخرتها ) .. فلا يأس مع الحياة ..

قصة أخرى : وحدة دكتوووورة تخرجت وتحكي وتقول انا قدمت ع الماستر 3 مرات ولم يتم قبولي إلا في المرة الثالثة وهي نسبتها كانت عالية ودرجاتها ممتازة بس اول كان مافي قدرات كان بعضهم يسووا لهم مقابلة شخصية ومقابلة من دكاتره (رجال ) ولجنة ومدري وش ، أنواع الرعب والأسئلة الصعبة وماتوفقت لكن لم تيأس ،، فقالت قدمت ثلاااااث مرات والأخيرة اصابت وهي الآن اكملت الماستر والدكتواره وهي الآن دكتورة في أحد الأقسام .. لايأس مادام الله معنا

نأخذ بالأسباب ونترك الأمر كله بيد الله ..

اعتبروها قصة ماقبل النوم ..

ودمتم سالمين مطعيين لخالقكم العظيم ^________^

ولاتنسوا فضل كثثثثثثرة الاستغفار كما ورد في سورة نوح وله فضآئل عجيبه ،، والحوقلة لاحول ولاقوة إلا باالله تفرج 99 دآء ايسرها الهم ،، ولاإله إلا أنت سبحانك إني كنت من الظالمين اخرجت يونس من بطن الحوت فهلا تفكرتي بأنها ستخرجك من همك وكربك بإذن الله .. والحمدلله فما حمد الله عبداً قط إلا زاده بها نعمه والعكس صحيح .. والصلاة على النبي فانها من مفرجات الكروب .. وسبحان الله وبحمده وسبحان الله العظيم حبيبتان إلى الرحمن وإذا احبك الرحمن فهنيئا لك .. اجعلي تلك الأذكار دوما على لسانك مع اليقين بالله عزوجل وسترين العجب .. واكثري من دعآء النبي صلى الله عليه وسلم اذي كان يكثر منه (( اللهم ءآتنا في الدنيا حسنة وفي الآخرة حسنة وقنا عذاب النار )) فالحسنة في الدنيا تشمل كل رزق واسع منزل .. زوجة .. سيارة .. مال .. جاه .. الخ ..

وجزآآآآكم الله الفردوس الأعلى من الجنة وبالتوفييييق بالدارين ..