خلونا نتناقش يمكن نقدر نغير الواقع!!!

[عصر الحاسب]

المشاركة الأصلية كتبت بواسطة متطلع الرد في الاقتباس

كلامي مدعم بقال الله وقال رسوله وأدلة معاصرة مافيه إشكال لأنه مصدرها موثوق



متطلع ، أنت كمان أخذت من الأدلة المعاصرة بدليل قصة الخنساء ونسيبة من فين جاتك؟

لا تقولي أنه جاتك كابر عن كابر كلنا ملزمين بأخذ الأدلة المعاصرة لعدم وجود الاسناد المتصل
عند الأغلبية

وشيء ثاني أخي الفاضل أسلوب الحوار ما عمره صار بإيجاد ثغرات ولا تحاول إقناعي بهذا الشئ

تخصصي من أكثر الأقسام مناقشة وحوارات وحكاية التطرق للثغرات هذي موجودة في المناظرات .

لاحظ أغلب كلامي رحمك الله -غفر الله لك ........إلخ هذا أسلوب شيخ السلفية الإمام محمد بن عبدالوهاب لتعلم أخي الفاضل وإن كنت لا تعلم عنه فهذا من نقل لك قصص الصحابة وغيرهم غفر الله لهم جميعًا ...

تذكر إنهاء مناقشة ما ( ولن أقول مناظرة لأن المناظرة لا تكون بهذا الأسلوب أبدًا وإن كان مقصدك المناظرة فقد أخطأت خطأ فادح )
تكون بأسلوب نرجسي بعيد عن عبارات المعارك والحروب الطاحنة ...!


والله المستعان ومن وراء القصد

[Alaa Al ghamdi]

اخي متطلع

اكيد طبعا في فرق بين الصاحبيات ونساء اليوم

اعيد واقول اكيد طبعا
مافي اي وجه مقارنه
انتهيت من النقطه هذي...

اعتبر انك موافق معايا انك ماترضاها لنساء بيتك بان يختلطو ولو كانو محجبات مع اي ضيف او زائر وتجلس مع الضيف وتتحدث وتضحك وتلقي شعر كما الخنساء<<ابدا لاتشبهو رجال اليوم بالرسول الكريم
بدليل انك رديت على نقاطي الا النقطة هذي
اذن انتهى الموضوع
كل انسان يولد عالفطرة
وانت من داخلك حاس ان الموضوع في شي
تحياتي لك

[متطلع]

المشاركة الأصلية كتبت بواسطة alaa al ghamdi اخي متطلع اكيد طبعا في فرق بين الصاحبيات ونساء اليوم اعيد واقول اكيد طبعا مافي اي وجه مقارنه انتهيت من النقطه هذي... هل الفرق في الفضل ؟ في هذه أنا متفق معاكي ، لكن هل الفرق في اختلاف الأحكام الشرعية ؟؟ يعني في زمنهم كان مسموح وزمننا محرم ؟؟؟ لا تردي علي لأني ما حأقتنع من هذه الناحية ... ولا حأرد من أصله اعتبر انك موافق معايا انك ماترضاها لنساء بيتك بان يختلطو ولو كانو محجبات مع اي ضيف او زائر وتجلس مع الضيف وتتحدث وتضحك وتلقي شعر كما الخنساء<<ابدا لاتشبهو رجال اليوم بالرسول الكريم بدليل انك رديت على نقاطي الا النقطة هذي الحين لما نرد تقولون عنا إننا بنتفرع ، ولو سكتنا نعتبر موافقين على الكلام ؟؟؟ والله ما سكت إلا عشان الموضوع من هذه الناحية حيطول أكثر ، حأرد باختصار شديد ، أيام الرسول كانوا في أصحاب يدخلوا بيوت الناس ويجلسوا مع حريمهم ؟؟؟ لأ ، خلصت كلامي باختصار ، اذن انتهى الموضوع كل انسان يولد عالفطرة وانت من داخلك حاس ان الموضوع في شي تسلمي والله ، ما لي رد على النقطة هذه تحياتي لك بقي في الموضوع تحيات ؟؟؟

أختم كلامي ، بطلب بسيط ...

أطلب منكم إنكم تعفوني من الرد على الموضوع بعد كدا ، لأنكم لو ما وافقتم على طلبي حأكمل كلامي بس أخاف ندخل في كلام فاضي وكلام غلط وكلام حرام علينا نذكره أصلًا ...

مشكورين والسلام عليكم

[عصر الحاسب]

المشاركة الأصلية كتبت بواسطة متطلع أختم كلامي ، بطلب بسيط ... أطلب منكم إنكم تعفوني من الرد على الموضوع بعد كدا ، لأنكم لو ما وافقتم على طلبي حأكمل كلامي بس أخاف ندخل في كلام فاضي وكلام غلط وكلام حرام علينا نذكره أصلًا ... مشكورين والسلام عليكم

أعفوك من الرد أن أردت ، ولكن أذكرك بردك الذي ذكرت فيه قصة الهازم والمهزوم ...

وأنت رجل مسلم حري بك أن تدافع عن دينك بكل ماتستطيع ...

والله من وراء القصد

[northstar]

الي مايطول العنب حامضا عنه يقول


احد يطول ثقافة ونجاح طلاب الطب او الكليات الصحيه

حيطلعون اوادم يقولون حنا شطار ومادخلنا؟؟
اقلهم مادخلتم لان اهاليكم رفضو مش انتم الي رفضتوا؟؟

صفقات تكريم وتشريف
الى الاطباء بشتى التخصصات
هم الوحيدون الذين يحاربون مصدر رزقهم

[mermaid]

المشاركة الأصلية كتبت بواسطة northstar الي مايطول العنب حامضا عنه يقول احد يطول ثقافة ونجاح طلاب الطب او الكليات الصحيه حيطلعون اوادم يقولون حنا شطار ومادخلنا؟؟ اقلهم مادخلتم لان اهاليكم رفضو مش انتم الي رفضتوا؟؟ صفقات تكريم وتشريف الى الاطباء بشتى التخصصات هم الوحيدون الذين يحاربون مصدر رزقهم

والله منجد كلاآمك صح

اللي مايطول العنب....

مادام انتو اصلن مو حابين التخصصات الطبيه وشايفينها حرررام ومدري ايش

ليش حاطين الموضوع من اساسوو تبغو تغيرو نظره النآس للطبيبات زي مانتو شايفينها

طبعا دا بعدكم

بصراحه مدري ايش اقول غير انو فكركم معقد وجدالكم عقيم مالو داعي


سلااام

[Alaa Al ghamdi]

المشاركة الأصلية كتبت بواسطة mermaid والله منجد كلاآمك صح اللي مايطول العنب.... مادام انتو اصلن مو حابين التخصصات الطبيه وشايفينها حرررام ومدري ايش ليش حاطين الموضوع من اساسوو تبغو تغيرو نظره النآس للطبيبات زي مانتو شايفينها طبعا دا بعدكم بصراحه مدري ايش اقول غير انو فكركم معقد وجدالكم عقيم مالو داعي سلااام

كيف يااختي؟
انتي رديتي زي البقية لمجرد الرد والرفض
ماتدري عن ايش نتكلم هنا بالزبط
ماقلنا تخصصات الطب حرام<سلامات
قلنا الاختلاط حرام ونطالب بفصل الجنسين
عرفتي الموضوع؟؟
دحين ممكن تردي على اساس الموضوع
ومن ناحية الفكر المعقد
اذا كان التمسك بالشريعه فكر معقد فانا وبكل فخر من اصحاب الفكر المعقد
ويابختكم يااصحاب الفكر المعقد مثلي ياحظنا

ياريت ترجعي تقري الموضوع بهدوء وبفهم
ونستنى مشاركاتك الفعاله
تحياتي لك اختي

..............................

ستااااااااااارت بالزبط ياقمر
ماهو تعريف الغيرة ؟<<تدري في ناس من شدة تفتح العقل عندهم عادي ماصار شي يمنعهم

يسلم بؤك <<بالمصري

تحياتي لك ياعسل

[start11]

المشاركة الأصلية كتبت بواسطة northstar الي مايطول العنب حامضا عنه يقول

المشاركة الأصلية كتبت بواسطة northstar كل يرى الناس بعين طبعه..!! احد يطول ثقافة ونجاح طلاب الطب او الكليات الصحيه وحنا قلنا عنهم شي..ارجعي عزيزتي واقري الموضوع عدل.. حيطلعون اوادم يقولون حنا شطار ومادخلنا؟؟ اكرر كل يرى الناس بعين طبعه ..ردك غريب عجيب اختي..!! اقلهم مادخلتم لان اهاليكم رفضو مش انتم الي رفضتوا؟؟ اي رفض تتكلمين عنه..!! صفقات تكريم وتشريف وانا ايضا صفقات وتكريم وتشريف لهم.. الى الاطباء بشتى التخصصات هم الوحيدون الذين يحاربون مصدر رزقهم

وش يحاربون .. وش رزق تتكلمين عنه...وضحي كلامك..


اذا قصدك انهم يحاربون الاختلاط..ترى على فكره..الأن ينادون بالفصل..لأن عندهم دين ومبادئ لازم الأخرين تحترمها..

وعلى فكره ولد خالتي طبيب....ومن احسن وافضل رجال العائله

وينادي بعدم الاختلاط..<<متخلف ومتحجر صح...
واذا مو مصدقتني ..روحي المنتديات الطبيه وشوفي اراء الأطباء الصح..!

[Alaa Al ghamdi]

لا طبعا ماكان قصدي فرق في الاحكام الشرعيه
مين انا عشان اقول انو الاحكام الشرعيه تغيرت من زمن الرسول الى زمننا الحالي

وهذا اللي جالسين نوصلو
جميع الاحكام ثابته يعني الموضوع واضح ولا يحتاج للاطاله الاختلاط حرام كان سابقا
والى الان حرام
نقطة اخرى
انا لمن ارد
ارد للنقاش وعشان نشوف وجهات النظر
لكن قناعة الشخص تبقى قناعه وانا مااحاول اغيرها
ولي الحق اكيد في الرد
اما بالنسبة لنساء بيتك غريب امرك انك تقارن رجال اليوم بالصحابة ...
ولمن اقول تحياتي لك هذا من منطلق الاخوة الاسلاميه مو يعني اختلافنا في الراي مايكون بيننا ود اخوي

اخيرا بالنسبة لردك عالموضوع انت حر فيه
عندك راي ومستعد تناقش اهلا وسهلا
تحس انك انتهيت وقلت كلامك
اذا هذا خيارك

تحياتي اخوي

[متطلع]

لن أعلق على كلام إحداكن ، ولن أرد ، ولكني ما زلت انتظر ردًا لموضوع الخنساء ونسيبة بفارغ الصبر ، ها أنتي تغيرين الموضوع فتجعليه عن كيفية الحوار ... <<< ثغرة أخرى في كلامك ، تقولين أنني أحور المواضيع وأراك تفعلين المثل ...