|| med13 .. حياكم الله هنا للإجابة عن كلما يراودكم ..~

[Yasmina95]

طيب دحين ما تعرفي احد أتقبل طب و حذف الانجليزي من التحضيري؟؟
خايفه احذفه وينقص معدلي او بيضرني :(

[Ninja7]

السلام عليكم ورحمة الله وبركاته، كل عام وانتم بخير، الله يتقبل منا ومنكم صالح الأعمال.
عندي سؤال لو سمحتوا، بالنسبة للمواد العامة( ثقافة و عربي ) وين ندرسها؟

[Dr.MEEM]

المشاركة الأصلية كتبت بواسطة yasmina95 طيب دحين ما تعرفي احد أتقبل طب و حذف الانجليزي من التحضيري؟؟ خايفه احذفه وينقص معدلي او بيضرني :(

شوفي هوا لو تجيبي درجات عالية ف الانقلش بيرتفع معدلك
لكن ف المقابل كثير نقصوا فيه ونزل معدلهم بسببه !
اعرف بنات حذفوه واجتهدوا وجابوا معدلات عالية ف التحضيري ودخلوا طب :)

[Dr.MEEM]

المشاركة الأصلية كتبت بواسطة ninja7 السلام عليكم ورحمة الله وبركاته، كل عام وانتم بخير، الله يتقبل منا ومنكم صالح الأعمال. عندي سؤال لو سمحتوا، بالنسبة للمواد العامة( ثقافة و عربي ) وين ندرسها؟

وعليكم السلام ورحمة الله وبركاته
كل عام وانت بصحة وسلامة اخوي :)

كيف وين ندرسها
الثقافة والعربي عادي تدرسها بكليتنا بنفس كلاسنا الدكاترة هما يجونا ( نظام مدارس )
وممكن تاخذها صيفي بالفرع الرئيسي للجامعة

[Miss Dreamer]

المشاركة الأصلية كتبت بواسطة yasmina95 طيب دحين ما تعرفي احد أتقبل طب و حذف الانجليزي من التحضيري؟؟ خايفه احذفه وينقص معدلي او بيضرني :(

أهلاً ياعسل ..
أنا عادلت مستويات الإنجليش بالتوفل وكان ولله الحمد قرار صائب ..
إفتكر على سنتي في قرار إنهم يعادلوه بالدرجة الكاملة ولكن ماحصل هالشئ، ماعرف على سنتكم ممكن يطبقوه أو لا ..
بس نزل لي tr .. وما أثر على معدلي :)
لان دوامي كان أقل بكثيير وكان كل تركيزي على باقي المواد ..

فأنصحك لو عندك إمكانية إنك تحذفيه وأنتِ مطمنة ..

موفقة

[KhalidSHunaiti]

المشاركة الأصلية كتبت بواسطة yasmina95 طيب دحين ما تعرفي احد أتقبل طب و حذف الانجليزي من التحضيري؟؟ خايفه احذفه وينقص معدلي او بيضرني :(

انا حذفت و انقبلت الحمدلله و اذا متأكدة انك بتشدي حيلك احذفيها:)

[mr-lolee]

يعطيكم العافية ميد12
الله يوفقنا جميعا ونعدي السنة على خير ونكون عون لبعض ي رب

[LEGO]

المشاركة الأصلية كتبت بواسطة yasmina95 طيب دحين ما تعرفي احد أتقبل طب و حذف الانجليزي من التحضيري؟؟ خايفه احذفه وينقص معدلي او بيضرني :(

أنا حذفتو وأنقبلت طب

تبي الصراحة أحذفيه خدي توفل أيلتس اللي هوا بس أحذفيه

لو ماحذفتيه دوامك مرا حيكون طويل حتتعبي, أنا صحباتي كلهم تعبوا

غير كدا الضغط حيقل كتييير, من ناحية رفع معدل مدري مااعرف بس حتى لو رفع أتوقع بيرفع فواصل, مدري برضو.

بس لمن تحذفيه اتأكدي انو انحذف عشان لاتسرلك مشاكل.

[rizi.]

^


افيديني الله يسعدك, كيف اختبر آيتلس؟

[Razz]

مبروك عليكم تسكينكم :)
ان شاء الله السنة الجاية اكون معاكم بإذن الله،
حابة اعرف كم الدرجة المطلوبة لحذف مقرر الانجليزي.. سواء في الايلتس او التوفل..