يوميات....^_________^

[محمد عماد]

الله يوفقكم كلكم ... قولو امين
صحيح انو الطب صعب ،، لكنك ضامن مستقبلك .... مو مثل اهل التحضيري توتر غير طبيعي + غير ضامن التخصص
تذكروني ان شاء الله بكون معكم السنة الجاية .. اتمنى انكم تساعدوني في الطب

[Mr.Mohanned]

^^
أفااا عبدالرحمن وتنساني أنا



صراحــة اختبار الباثولوجـي كان أصعب من ماتوقعناه .. !
55 سؤال ، وكل سؤال 5 اختيارات .. الأسئلة كانت طويلة نوعاً ما
تجربة أول مرة تمر علينا .
واللي يقهر أكثر من كذا .. إنو في جدول الاختبارات المعتمد والموقع والمختوم من قبل الإدارة
محددين للجزء النظري ( ساعتين ) ، بس للأسف ماعطونا غير ساعة ونص .. !!

بالنسبة للعملي .. أنا كنت في قـروب 5 .. صراحة جتنا أسهل الجارت والسلايدات
لكن الأسئلة وما أدراك ما الأسئلة ، لما أطالع في الجار أحس إني أعرف عنو كل شي، أقول لنفسي يوو هذا أسهل شيء وأبدا أتذكر كل المعلومات عنو في راسي ..
لكن أشوف الأسئلة اللي حاطينها .. أتحطم أنواع التحطيم .. !

اختبار الباثولوجي العملي والنظري = أنوااع التأليف

الله يستر من اللي جاي ..

Mr.Mohanned

[surgeon]

مالكي متى العشي تم تم

ههههههههههههه

[彡yS❤Ry彡]

المشاركة الأصلية كتبت بواسطة surgeon مالكي متى العشي تم تم ههههههههههههه

والله وانا اخوك انا انبسطت يوم شفته بيعشينا
لكن تذكرت الاختبار
غسلت يدي
انسى والله ماتتعشى من الباثولوجي لو ايش يارجال
الا اذا كان المالكي بيخليها ع نجاح بس
تراني مجهز نفسي من ذحين >> إن شاء الله مع شوية رمي وشوية حظ تنجح
بس نبغا العشاء بيتزا ع الحطب >> يتذكر ذكريات زمان هههههههههههههههههه

[طالب طب في المستقبل]

المشاركة الأصلية كتبت بواسطة 彡ys❤ry彡 والله وانا اخوك انا انبسطت يوم شفته بيعشينا لكن تذكرت الاختبار غسلت يدي انسى والله ماتتعشى من الباثولوجي لو ايش يارجال الا اذا كان المالكي بيخليها ع نجاح بس تراني مجهز نفسي من ذحين >> إن شاء الله مع شوية رمي وشوية حظ تنجح بس نبغا العشاء بيتزا ع الحطب >> يتذكر ذكريات زمان هههههههههههههههههه

اقول ياسر اش رايك نخليها سحور أحسن ... عشان الترم الصيفي في رمضان راح يكون

وترى انا اقصد في كلامي الصيف ... أما الحين اغسل يدك اني انجح وانت بعد اغسل ايدك

لا تسوي انك بتنجح ... لان قسم الباثو بالعربي مايعطيك الا الدرجه حقتك ولا يكثر

الله يستر بس

[dr.CILIA]

سلاام عليكم

موفقين يادكاتره..
دايما الباثولوجي كدا الله يهديهم مزعلين الstudents يعني ماافتكر انهم جابوا امتحان سهل او حتى مستواه متوسط...العملي والنظري ...الله يحنن قلوبهم في التصحيح ويتوبهم من دي الامتحانات...ويكتب نجاحكم على خير ^_*

[مَـزٍآج ..}..]

والله انكم صآدقيـن .. الاختبآر العملي يعني انا احسه درجتـه مضمونـه ..

وانا اشوف الجآرر اعرف كل شئ فيه .. بس الاسئله طويله وغريبه .. غير ازعآج الدكتور

بس شئ يفقع القلب انا كطالب طب اسنان .. ما اظن احتآج الكم الهآئل دآآ واختبآر يكون صعب

المفروض يراعون النقطه دي .. قووووووووووود لووووووووووك دكآتره

[surgeon]

بسم الله الرحمن الرحيم

صراحه ماكنت متوقع اني باكتب هذي اليومية

لما بدا المطر اليوم كنت بالكلية انا وصاحبي ع 11 قلي مشينا البيت قلت يالله

طلعنا من المستشفى نجري الين وصلنا السيارة

مشينا وشوي الخط غرقان اخذنا طريق ثاني,,,والله منظر ماراح انساها

صرنا نمشي ماندري وين,,,وخايفين ندخل بالغراق,,,الين ما قالت السيارة انا خلاص ماعاد امشي

وقفناها ونزلنا نسبح!!!ودخلنا كذا مجمع وكل شوي الموية تزيد

قررنا انا وصاحبي,,انو نكمل لانو بيتهم حوالي عشره كيلو من المجمع

توكلنا ع الله ومشينا

كل ما نوصل تقاطع يسحبنا السيل والله منظر ما عمري راح انساه
قطعنا تقريبا خمس كيلو

وقف لنا رجال الله يوفقه ووصلنا ابو اشارتين

وكملنا الين ماوصلنا بيت صاحبي

ااامممم تجربه عمري ماراااااح انساها
حمدالله ع سلامتي
سروجون

[مَـزٍآج ..}..]

^
^

الحمد لله ع سلامـتكـ ..

والوضع صآير مدري كيف في جدهـ .. واللهـ وضع كارثي

كل ما نزلت مطره بيصير زي كدآ :(

نحنآ كنتآ نختبر وتقريباً باقي على الاختبار ثلث ساعه والا تمطرررر ..

بس خلصت انا جرري على السيآرهـ قبل ما تزيد المطرهـ ومآشي والله ع البركه لين وصل البيييييييييت

اماا الي بيوتهم بعيده عن الجامعهـ .. تصدقي لما هالوقت في الجامعه لسسـه ..

قبل شويآ مكلم وإأحد من الشبآب :(

وضع صآر مآ يحتمل كرهنـآ الأمطآر بسبب الي يصيررر

[dr.CILIA]

الحمدلله على سلامتكم

اناا من الناس اللي انحجزوا في المستشفى ..ورجعت البيت بعد 20 ساااعه..مرت علي كلها فزع وقلق -الحمدلله على كل حال- والاخبار اللي تجي على الجوالات والهلع اللي صابنا يوم قالوا بيجي سيل ..كااان يوم عصيييييييييييييييييييييييييب قلق وتوتر ..وانواااع الاكواد(اصفر واخضر وازرق وابيض) والدنيا مقلوبه ..وحالة استنفار وتأهب لاستقبال حالات الطوارئ..والمستشفى تصب مويه بشكل رهيب.. المكيفات قفلوها ..والمصاعد وقفت على نااس فيها.. والمويه تروح وتجي .. وعدد كبير من الطلاب والطالبات محتجزين الى الان-دعواتكم لهم-
واهلي ماهم عارفين يوصلوا لي اربع محاولات باءت بالفشل..
الين وصلت لي وحده من صديقاتي بيتها قريب من الجامعه..قعدت عندها الى ان هدأ الوضع وقدروا اهلي يوصلوا ويأخذوني... امي انهارت من البكاء والقلق-الله يحفظها لي-
وخرجت وفي الطريق للاسف مناظر مؤسفه وحال يرثى لها....سيارات فوق بعض مرصوصه..والدنيا غرقانه..وبيوت خرباانه.. اسعافات ماهي قادره توصل للمستشفيااات....والكثير والكثير

الله يجاااازي اللي كان السبب .. ويعوض على الكل ..ويرد كل غائب لأهله

دعواتكم ياجماعه