جدآولـــ طلآب وطآلبات آلحيوي //~

[الشيمآء]

رهوفة : خديهم كلهم :)
بس لو مصرة تحزفي وحدة فيهم شيلي الأحياء,
عشان أقلها تخلصي 4 ساعات من الخطة مش ساعة وحدة بس !

توتي : HHM321
هنـا

[الشيمآء]

^
و عليكم السلام و رحمة الله و بركاته ~

اللي فهمتو من البنات إنو التحليلية أبدن ما تنفع مع أيض 2 !

هل أخدتِ تغزية ؟ مواد الأحياء خلصتيها ؟ و الثقافة و العربي, ايش اللي أخدتيه منهم ؟
يعني :$, عشان نساعدك :) .

[احساس راقي]

مرحبا
ابي اعرف مين افضل في المايكرو سناء عطاس ولا سماح؟؟؟؟؟؟
بلييز مره خاايفه من ذي الماده

[الشيمآء]

^
مراحب

أنا أخدت الكورس مع سناء العطاس, و كنت جددددًا متخوفة منها ..
بس الحمد لله عديتو :) .

هيّا تعاملها مش لطيف ..
و لو تتأخري شوية عن المحاضرة إما تدخلك و ما تحضرك, أو ممكن تطردك و ما تسمح لك تخشي .
و الجوالات عندها مأساااااة مرة ما كملت الكلاس عشان جوال رن !!

بس الـ كويس فيها إنها " تحب " تدي درجات
يعني .. تقسيمتها كانت :
15 دوري أول ,
20 دوري تاني ,
20 معمل ,
10 بحث,
5 برزتيشين للبحث ,
30 فاينل,
و هوم وورك - أون لاين - عليه 10 درجات !
يعني من الآخر, بتقيم من 110

شرحها حلـو ..
و اختباراتها كلها اختياري, ما عدا واحد جابت فيلو صح و خطأ .

أنا أنصح بيها بالرغم من إني ما جربت سماح,
بس كفاية إنو سماح عندها شابتر زيادة

شوفي هنا , يفيدك إن شاء الله ..
و الله يكتب لك اللي فيها الخير :) .

[هديل حجي]

السلام عليكم

بنااات ارجووكم افيدووني مين احسسن استازه تعطي دي المااده
وكماانت سمعت انو اللي يدخل في الاختبار الدوري من المنهج مايكون في النهاائي ف بليييز
ردووولي بنااات

،،،،والله يوفقنا أجمعيين :)

[عروقي شماليه]

وعليكمْ السلام والرحمةَ
خذي المادة مع صفاء قستي
أخذت المادة معها مو الترم الأولَ
السنةةة اللي فاتتَ الترم الثانيَ
كثير يمدحوهاَ
جزئية الدوري الأول مو كلها تدخل في النهائي جزئية بسيطه
وأسئلتها كلها إختياري


مُوفقه ياعسلْ

[R.M.B]

ايوا خذي مع صفاء قستي خطيييره هذه الانسانه اسئلتها اختياااري وسههههله ربي يوفقك يااارب

[هديل حجي]

مرررره يسسلموو حبيباتي

[~..candy..~]

بالتوفيق للجميع ,,,

[جناان]

كيفكم يامززز

انا محتارة بجدولي انا باقيلي مستوين واتخرج ان شاءالله
باقيلي جزيئية ومواد اختيارية اخدت عقاقير ومصطلحات بس وباقيلي حره
ايش في مواد تنصحوني اخدها مع بعض دا الترم ومايكون ضغط مرره