( .. وظائف للسعوديين بالكويت .. )

[ولد الجهراء .....]

المشاركة الأصلية كتبت بواسطة ابغى اتخرج وبسس ايه اروح ادرس ايه اخذ المنفعة ايه بس مو اروح اشتغل واخذ فلوس وراتب من ديرة ثانية عموما انا ما احب ادخل بجدالات كثيرة ولكن بوضح لك فكرة هذا يعتبر زحف من بلادنا لبلد ثانية لا تقول اخوان وخرابيط لا هم كويتين وحنا سعووودين بسالك سؤال تتوقع هاللي تسويه انت حل مقنع لمشكلة البطالة؟؟؟؟ الكويت كم مساحتها ولا قطر مثلا او البحرين علي سبيل المثال كلها صغيرة ولو توظف احد من عندنا بيكون 20 بالمية من الشعب يعني انت الان منت قاعد تفيدنا انت تعطي الشعب بنج وتسكيته عشان يسكتون علي اللي قاعد يصير من فساد اللحين بدل ما تحارب الفساد والبطالة لميت قشك واختصرت طريقك وقلت اروح اكل عيش في بلد ثاني طيب ديرتك السعودية هذي اللي تربيت فيها بتخليها لمنو ؟؟؟يا حبيبي مشكلة العرب يبون شي سريع ياكلون عيش وينامون وخلاص لكن يحلون مشاكل ويوقفون في وجه الفساد لا محد فيه حيل يتحرك ويسوي شي يقوم يختصر الطريق ويهرب من المشكلة وهالشي هذا اللي انا اتكلم عنه واللي ماله خير في اهله ماله خير بالناس ....

الله يجزاج خير

والخليج موكويتين وسعوديين والا العرب لازم تنظرين أنناا كلنا مسلمين وقت الجد

لاتفرقناااا جنسيه ولا حدود ليش نزعل عشان سوريا وفلسطين لأننااا كلنا أخوان واهل

يجمعناااا الإسلام

أنااا معااج بالمطالبه بالأصلاح وعدم السكوت عن الظلم وكل شيء

ونفس تفكيرج من هالناحيه ودايم أتكلم عن الظلم اللي صاير

وتقدرين تشوفين مشاركاتي في مواصيع كثيره

بس للأسف كل ماأتكلم وأقول لازم نشوف حل ومن هالكلام

يهاجموني الشباب ماأدري عاشوا بخوف وتعلقوا بالخوف

وعلى فكره أنا مولود بالكويت يعني مارحت ومافيها شي

لو أحد لقى له رزق وراح ليش الكبر والعنجهيه

كل العرب يتنقلون من أجل الرزق حتى الامريكان والبريطانيين يعملون

في السعوديه والكويت والخليج شمعنى يعني حناااا نقول لا حنا أكبر !!

[ولد الجهراء .....]

المشاركة الأصلية كتبت بواسطة reflection الرزق ماهو مقسوم بأرض دون الاخرى ,, و لاهو حكر ع السعودية دون الكويت ,, و تعاملنا مع المصري هو الغلط اما كون المصري يدور لقمة عيشه في اطراااف الارض هذا مو غلط ولا عيب بالعكس ,,, هذه الناس اللي تدور الكفاف وتدور الرزق الحلال من رب العالمين ,, ما راح اتكلم من بعييد لكن انا اكلمك عن نفسي و لله الحمد والمنه خريج امتيااز مع مرتبة الشرف الاولى تخصص لغة انجليزية ,, و للاسف بلدك اللي تتكلمي عنه ساحب علي انا و غيري كثيير صحيح اني دوبي حديث تخرج ,, لكن يفترض يكون في برناامج يستقطب الناس اللي معدلاتهم عاليه بحيث اول ما يتخرج وظيفة يلقاها موجودة مثل ما يصير في باقي الدوول .. ليش اجلس و ادخل على عميد الكلية و يقولي انتظر لما يصير في فرص نتصل عليك .. ويجي واحد اعرفه شخصيا معدله 3 وشويه من 5 و لغته مو هذاك الشي و مع ذلك ينقبل و السبب انه عنده واسطة!! و ان ع كلامك البلد فيها وفيها ,,, يلاا انا قابل بأي وظيفة راتبها يسد الحاجة لا تقولي الشغل مو عيب و الـ 2000 رياال كويسة ,,, انتي عارفة انها ما تأكل عيش دا الزمن و بما انك من بنات البلد تعرفي كل شي فيها ,,, و ان لقيتي وظيفة كويسة راتبها محترم علميني و راح اجلس ليش لا. مشكلة لما يصير توحدنا باسم البلد و ليس باسم الاسلام. انتهى ====================== بخصوص المليح راعي الموضوع ,,, انا ودي اقدم ع الاعادة عندكم بجامعة الكويت و حاب اسأل وش الشروط ؟! ,,, و لو اني كنت بقدم ع التدريس وش الشروط وكيفية التقديم؟

صدقت أخوي وكلامك واقعي


وبالنسبه لك وظيفتك جداا سهله لأنك خريج إنجليزي وهو مطلوب عندنااااا


أرسل لي أوراقك وأبشر باللي يقدم لك


والراتب إن قبلوك إن شاءالله وماراح تكون مهمه صعبه بيكون الراتب تقريبا

بالسعودي أكثر من عشر ألالأف بشويش

وعلى فكره رفيجي سعودي وهو من سكان الشرقيه ومتزوج وعنده اثنين عيال

وتخصصه إنجليزي أخر ترم وناوي يتوظف بالكويت

الشخص الذكي يدور الأفضل ولايكون عنصري

والإيميل موجود باأول الصفحات وبس أرجع الكويت

راح أقدم لك أواخلي رفيجي يقدم لك


الصلاة

[ابغى اتخرج وبسس]

هذا هم العرب ماهي جديدة عليكم يعني ابيع قضيتي واروح ديرة ثانية عشان رواتبهم اعلى واحسن ليش يعني ما اقعد احل مشكلتي ومشكلة ديرتي ولا الحل الافضل اني اروح للكويت واخذ راتب عالي وما علي بباقي الشعب ينحرقون بحريقة مايهموني اهم شي انا اخذ فلوس واعيش وتروح القضية ويكثر الفساد في المجتمع عموما ما قفلت الطريق علي احد اللي يبي يروح يروح لكن لا رحت هناك شف وش بينظرون لك سواء كويتي او قطري او بحريني بيقولون يا حررررام يا السعوديين ما لقوا وظايف بديرتهم وجايين يشتغلون عندنا وترا ما استبعد لو قالوا في وظيفة سواق في الكويت او غيرها براتب عالي ما استبعد تروح تشتغلون هناك اهم شي الراتب عالي ويقدر يعيش زين ... يا امة ضحكت من جهلهها الامم

[Reflection]

المشاركة الأصلية كتبت بواسطة ابغى اتخرج وبسس هذا هم العرب ماهي جديدة عليكم يعني ابيع قضيتي واروح ديرة ثانية عشان رواتبهم اعلى واحسن ليش يعني ما اقعد احل مشكلتي ومشكلة ديرتي ولا الحل الافضل اني اروح للكويت واخذ راتب عالي وما علي بباقي الشعب ينحرقون بحريقة مايهموني اهم شي انا اخذ فلوس واعيش وتروح القضية ويكثر الفساد في المجتمع عموما ما قفلت الطريق علي احد اللي يبي يروح يروح لكن لا رحت هناك شف وش بينظرون لك سواء كويتي او قطري او بحريني بيقولون يا حررررام يا السعوديين ما لقوا وظايف بديرتهم وجايين يشتغلون عندنا وترا ما استبعد لو قالوا في وظيفة سواق في الكويت او غيرها براتب عالي ما استبعد تروح تشتغلون هناك اهم شي الراتب عالي ويقدر يعيش زين ... يا امة ضحكت من جهلهها الامم

مدري بصراااحة وش ارد عليكي ,,, يعني انتي من اول تقولي الواحد لا يطلع من بلده و لا يروح ولا يفعل ,, و انتي في بريطانيا مدري ليش ,,,!

يعني معقول ما عندنا جامعات نستقي منها العلم؟! ماعندنا علمااء ودكااترة وفطاحلة في العلم؟! او جازت لك روحة بريطانيا مدري كم سنة و رحتي وتركتي بلدك و اهلك و ناسك اللي هنا ..!
طيب ليش ما جلستي ببلدك تدرسي تنتفعي من علومه و اهله و تشتغلي فيه بنفس الوقت .. ليش من بريطانيا بالذات!!

بعدين المووضوع مو مسألة شخصيه و انه الواحد يفكر بنفسه و بس ...
معليش انتي لو شفتي قدامك ولدك جيعااان و خاطره و نفسه ياكل بيتزا بتقوليله اجلس مافي الا عيش و جبن و اصبر ع هالاكل سنييين لييين يجي الفرج ولا تفكر بالبيتزا... أو انك تحاولي توفري له راحته و طلباته و الشي اللي يتمناه؟! ...

انا ما ادري بعض الناس عندنا تفكر ان اللي يطلع من وطنه خلاص انسان ماعنده وطنيه ولا اهليه و تجردوه من عاداته وتقاليده ... بينما انتم يالشعب السعودي تنظروا للمصري على انه ممرمط نفسه بالسعودية لكن الامريكي والبريطاني شي واااو في بلدنا وكلنا نحترمه وندق له التحيه ..

مع ان الاول مسلم و الثاني كاافر و العلم في هالحاله = ( صفر ) قدام كون الشخص مسلم او كافر ... ليش وصلنا لهذا الحد؟!

و بخصوص اننا نوقف في وجه الفسااد ,, انتي عارفه البئر و غطاه و لو انك فعلا سعودية
بتعرفي ناس كثير انخرصت بسبب كلمة حق ,,, انا ماني ضد او مع تيار معين ...
لكني منطقي و اشوف بعين الواقع اكثر من كوني عاطفي و اتبع قلبي وذكريات طفولتي..

الله يكتب لنا الخير محل ما يكون.

[ولد الجهراء .....]

المشاركة الأصلية كتبت بواسطة ابغى اتخرج وبسس هذا هم العرب ماهي جديدة عليكم يعني ابيع قضيتي واروح ديرة ثانية عشان رواتبهم اعلى واحسن ليش يعني ما اقعد احل مشكلتي ومشكلة ديرتي ولا الحل الافضل اني اروح للكويت واخذ راتب عالي وما علي بباقي الشعب ينحرقون بحريقة مايهموني اهم شي انا اخذ فلوس واعيش وتروح القضية ويكثر الفساد في المجتمع عموما ما قفلت الطريق علي احد اللي يبي يروح يروح لكن لا رحت هناك شف وش بينظرون لك سواء كويتي او قطري او بحريني بيقولون يا حررررام يا السعوديين ما لقوا وظايف بديرتهم وجايين يشتغلون عندنا وترا ما استبعد لو قالوا في وظيفة سواق في الكويت او غيرها براتب عالي ما استبعد تروح تشتغلون هناك اهم شي الراتب عالي ويقدر يعيش زين ... يا امة ضحكت من جهلهها الامم

يعطيج العافيه ومشكوره

شفيه السواق يكسب بعرق جبينه وهذا السعوديين ياكثرهم سواقين تكاسي وشفيها!!!

ماأدري شقول ياأختي الكريمه

والحمدلله عايش بينهم كأني كويتي ولا عمر أحد فكر بهالتفكير السطحي

تكبرتي على المصريين ولا كأنهم مسلمين!!

وترى كلنااااا أبناء أدم وحواء

إن أكرمكم عند الله أتقاكم

وعلى فكره كثير من الكويتين يفزعون لنا ولغيرناااا ويوظفونهم



شاكر مرورج ومداخلتج موفقه

[ابغى اتخرج وبسس]

افضل اني اتفرج عليكم وانتم ماخذين قشكم رايحين تشتغلون عندهم ....

[Reflection]

(هُوَ الَّذِي جَعَلَ لَكُمُ الأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ...) الايه.
﴿ وَجَعَلْنَا لَكُمْ فِيهَا مَعَايِشَ وَمَنْ لَسْتُمْ لَهُ بِرَازِقِينَ ﴾.

عن كَعْبِ بْنِ عُجْرَة رَضِيَ اللهُ عَنْهُ قَالَ : مَرَّ عَلَى النَّبِيِّ - صلى الله عليه وسلم - رَجُلٌ فَرَاى أَصْحَابَ رَسُوْلِ اللهِ - صلى الله عليه وسلم - مِنْ جَلَدِهِ وَنَشَاطِهِ فَقَالُوا : يَا رَسُوْلَ اللهِ! لَوْ كَانَ هَذَا فِي سَبِيلِ اللهِ؟ فَقَالَ رَسُوْلُ اللهِ - صلى الله عليه وسلم - :«إِنْ كَانَ خَرَجَ يِسْعَى عَلَى وَلَدِهِ صِغَاراً فَهُوَ فِي سَبِيلِ اللهِ ، وَإِنْ كَانَ خَرَجَ يَسْعَى عَلَى أَبَوُيْنِ شَيْخَينِ كَبِيرَيْنِ فَهُوَ فِي سَبِيلِ اللهِ ، وَإِنْ كَانِ يَسْعَى عَلَى نَفْسِهِ يَعفَّهَا فَهُوَ فِي سَبِيلِ اللهِ ، وَإِنْ كَانَ خَرَجَ رَيِاءً وَمُفَاخَرَةً فَهُوَ فِي سَبِيلِ الشَّيْطَانِ. قال المنذري: رواه الطبراني ورجاله رجال الصحيح.

[Reflection]

اخوي ولد الجهراء ...
ان شاء الله بس ارتب اوراقي و الـ سي في وارسلها ومحل ما ربي يكتب لي بستخير الله ,,,
و ربي كريم.

[ولد الجهراء .....]

المشاركة الأصلية كتبت بواسطة reflection اخوي ولد الجهراء ... ان شاء الله بس ارتب اوراقي و الـ سي في وارسلها ومحل ما ربي يكتب لي بستخير الله ,,, و ربي كريم.

أشكرج أخوي الكريم

والله يوفقك ويرزقك من حيث لاتحتسب


وباأي وقت أرسل أوراقك حاضر

[gzl GZLAN]

يلا سرينا على الكويت وظايف ودلع واقساط بالراحه

على فكرة خالتي كانت هناك بس من حرب الخليج راحت على الامارات وتقلي

الكويت اريح بالمعيشه