.....[[ إســـتـــفـــسـســآرآتـــكـــم ~ الــطــــبـــــيــة ~ هــــنـــــآ

[نجمة ليل]

بنوتات الموضوع باين من عنوانه
اللي تعرف الله يسعدها لا تبخل علينا بالمعلومات

[أم السعـد]

السلام عليكم ورحمة الله وبركاته

هلا فيك يا قمر .. أكيد يوجد طبيبة أسنان في العيادة بس لازم تروحي تفتحي ملف عندهم

كلها ورقتين تعبيها ولازم تكون معاكِ بطاقتك الجامعية

الزيارة الأولى أظن ما يحتاج موعد مو متأكده بس انتي روحي واستفسري هناك

موفقه يآآرب

[نجمة ليل]

الله يسعدك
يعطيكي العافية
بس حابة اعرف انت رحتي عندهم قبل كدا
وكيف شغلهم

[أم السعـد]

ايوه رحت قبل 3 سنوات تقريبا قبل التخرج

المهم كنت مع دكتوره اسمها هدى كان شكلها صغنون يمكن متخرجه واتوظفت والله مدري

كان عندي خلع والله ايش اقولك جلست تحارب مع سني ما عرفت تشيل الجذر

وقالتلي انو ملتحم بعظمة الفك ولازم اسوي عملية وشرحتلي الوضع كيف

بس أنا ما ارتحت لكلامها واستشرت دكتورة صديقة للعائلة سوتلي الأشعة وقالتلي مو ملتحم ولا شي

وعرضت الأشعة على دكاترة في المستشفى كلهم اتحمسو يخلعولي ههههه

الله يجزاهم خير خلعوها لياا بالمجان وما كان عندي ملف ولاشي

هذي تجربتي مع دكتورة هدى والله أعلم

ايوه كمان سويت تنظيف عندهم بس مع الدكتورة الثانية والله ما افتكر اسمها بس شغلها ممتاز الله يباركلها

اعذريني طولت عليكي الله يوفقك مع دكتورة ممتازة ويكتبلك الشفاء يآآرب

[نجمة ليل]

الله يجزيكي كل خير
والعيادة بالمجان صح
عشان احط بحسابي بس

[أم السعـد]

ايوه حبيبتي بالمجان لمنسوبات الجامعة موظفات وطالبات

[smile3]

مرحبا بنوتات كيفكم اخباركم...


بنوتات حابة اعرف ازا كان في عندنا بالجامعه نادي للبنات

لانو لما شيكت ع الموقع لقيت بس للاسف انو للاولاد

فلو فيه ياريت تفيدوني كيف ممكن اسجل فيه...

ولو مافي...

قولولي ع نادي كووويس ...


ولكم منى كل الود

[ساندي بل]

شوفي حبيبتي نادي في الجامعة ما أعرف بس جربت ناديين والله استفدت منها والحمدالله
الاول نادي المدينة النسائي مع مدربة مغربية في حي الصفا شارع الشاكرين عند محطة التسهيلات
الثاني نادي السامرية الطبي مع 3 مدربات وحده جزائرية ووحده مصرية ووحده اعتقد مغربية في عيادات السامرية في حي النسيم واذا تبغي ارقامهم ارسلها لك ع الخاص
وكلهم يعطوك ريجيم

[smile3]

قلبو انا ابغا النادي لياقة بدنية لانو جسمي مرا خشب ومرا مافي اي ليوووووووووووووووووونة...

فياريت تفديني بالاسعار ورقمهم وجزاك الله خير

[الحــــربيهـ]

كلمت نادي السامرية الطبي وقالوا 3 شهور 1500 مع الكشف 1700
انا اشوف اذا تبغي لياقه ادخلي نادي المدينة النسائي الشهر 450 ريال عند حسنا ..