يوميات....^_________^

[surgeon]

بسم الله الرحمن الرحيم

صراحه ماكنت متوقع اني باكتب هذي اليومية

لما بدا المطر اليوم كنت بالكلية انا وصاحبي ع 11 قلي مشينا البيت قلت يالله

طلعنا من المستشفى نجري الين وصلنا السيارة

مشينا وشوي الخط غرقان اخذنا طريق ثاني,,,والله منظر ماراح انساها

صرنا نمشي ماندري وين,,,وخايفين ندخل بالغراق,,,الين ما قالت السيارة انا خلاص ماعاد امشي

وقفناها ونزلنا نسبح!!!ودخلنا كذا مجمع وكل شوي الموية تزيد

قررنا انا وصاحبي,,انو نكمل لانو بيتهم حوالي عشره كيلو من المجمع

توكلنا ع الله ومشينا

كل ما نوصل تقاطع يسحبنا السيل والله منظر ما عمري راح انساه
قطعنا تقريبا خمس كيلو

وقف لنا رجال الله يوفقه ووصلنا ابو اشارتين

وكملنا الين ماوصلنا بيت صاحبي

ااامممم تجربه عمري ماراااااح انساها
حمدالله ع سلامتي
سروجون

[مَـزٍآج ..}..]

^
^

الحمد لله ع سلامـتكـ ..

والوضع صآير مدري كيف في جدهـ .. واللهـ وضع كارثي

كل ما نزلت مطره بيصير زي كدآ :(

نحنآ كنتآ نختبر وتقريباً باقي على الاختبار ثلث ساعه والا تمطرررر ..

بس خلصت انا جرري على السيآرهـ قبل ما تزيد المطرهـ ومآشي والله ع البركه لين وصل البيييييييييت

اماا الي بيوتهم بعيده عن الجامعهـ .. تصدقي لما هالوقت في الجامعه لسسـه ..

قبل شويآ مكلم وإأحد من الشبآب :(

وضع صآر مآ يحتمل كرهنـآ الأمطآر بسبب الي يصيررر

[dr.CILIA]

الحمدلله على سلامتكم

اناا من الناس اللي انحجزوا في المستشفى ..ورجعت البيت بعد 20 ساااعه..مرت علي كلها فزع وقلق -الحمدلله على كل حال- والاخبار اللي تجي على الجوالات والهلع اللي صابنا يوم قالوا بيجي سيل ..كااان يوم عصيييييييييييييييييييييييييب قلق وتوتر ..وانواااع الاكواد(اصفر واخضر وازرق وابيض) والدنيا مقلوبه ..وحالة استنفار وتأهب لاستقبال حالات الطوارئ..والمستشفى تصب مويه بشكل رهيب.. المكيفات قفلوها ..والمصاعد وقفت على نااس فيها.. والمويه تروح وتجي .. وعدد كبير من الطلاب والطالبات محتجزين الى الان-دعواتكم لهم-
واهلي ماهم عارفين يوصلوا لي اربع محاولات باءت بالفشل..
الين وصلت لي وحده من صديقاتي بيتها قريب من الجامعه..قعدت عندها الى ان هدأ الوضع وقدروا اهلي يوصلوا ويأخذوني... امي انهارت من البكاء والقلق-الله يحفظها لي-
وخرجت وفي الطريق للاسف مناظر مؤسفه وحال يرثى لها....سيارات فوق بعض مرصوصه..والدنيا غرقانه..وبيوت خرباانه.. اسعافات ماهي قادره توصل للمستشفيااات....والكثير والكثير

الله يجاااازي اللي كان السبب .. ويعوض على الكل ..ويرد كل غائب لأهله

دعواتكم ياجماعه

[تشيدام]

اه على اليوم العصيب الله يحمي الجميع من كل مكروه اليوم اختي عندها برزنتيشن وكانت تقول لي ما ابغى اروح بس راحت لانو عرضهم اليوم وبعدين في اخر العرض وحدة تصيح عليهم وتقول لهم امبنى يحترق وتركت كل شي وخرجت مع صحباتها وفي الطريق سارت السيارة تتخبط فيهم ووقفو عند الاندلس مول وجلسو هناك تقولي اغلب البنات الي كانو بالقاعه سارو بالاندلس وابو صحبتها كان معاه جمس تقول مو باين الا السقف وفي وحده تانية غرقت سيارتها . المهم جلسوهناك الين المغرب خرجو بالدورية بس ماقدرو يوصلو للشمال الدنيا مقفففلللة ورجعو البنات لمستشفى الجامعه وحيباتو هناك اكثر شي محزني منظر امي نايمه على سريرها :((( الله لا يسامح كل حرامي بهالبلد.والحمدلله على سلامة الجميع والله يحفظكم

[طالب طب في المستقبل]

الحمد لله على سلامتكم يا ياسر ودكتورتنا سيليا ..... والحمد لله رجعتوا سالمين

والله انا امس كلمني ياسر على الساعة 2 في الليل والله يوم جا الاتصال صرت كذا

مانقول الا حسبنا الله ونعم الوكيل فيهم كلهم من اكبر واحد الى اصغر واحد

اكثر شي محزني منظر امي نايمه على سريرها :(((

الله لا يوفقهم واحد واحد والله ياعيني دمعت يوم قريت الكلام ذا

كان ودي يتذكروا حديث الرسول صلى الله عليه سلم (كلكم راع وكل مسئول عن رعيته ...)

[surgeon]

ماادري اهنيكم بالعطله ولا اعزيكم بالاحداث


الله يرحم ضحايا الامطار,,,ويغفر لهم ويتجاوز عنهم


سرجون

[Dr.B.A]

^^^


آآآآآآآمين يآآآآآآآرب



:(

[彡yS❤Ry彡]

بالنسبة لي عزيني بالأحداث يكفي ^_^

لأنوا ما اجلنا اختباراتنا >> اصلا غباء لو يتأجل الاختبار بجلس اذاكر ولا اشيل هم الاختبار في الاجازة اللي ابغى انبسط فيها
> طبعا طلاب دفعتي ماسار لهم شي عشان كذا اقول هذا الكلام
اما لو تضرر احد فيهم لاسمح الله هذا كلام ثاني
بعد 7 ساعات اختبار البايو >_<
الله يوفقنا جميعا

[Dr.Shaikhah]

يالله من جد استمتعت وانآ اقرأ يوميآتكم

ادعولي يآدكآتره ودكتورآت والله حلمي اكون دكتوره

بالتوفيق لكم جميعآ

[Dr.candy]

مررررة استمتعت بالمغامرات حقتكم .. صراحة مغامررررااااات لاتنسى والاحلى مع الاصدقاء

اولا اولا ...مبررررررررررررووووووووووووووووك على الاجازة .. صح شايلين هم اختبارات ما خلصنا بس خلصنا الترررم الآلآلآلآول .. واخذنا اجازة اسبوعين

صراحة انا عن نفسي مسمية الكليات الصحية (( مقبرة دوااافير )) منجد الواحد مايطلع منها سالم

دوام الين 4 + نوم ساعتين + نقوم نذاكر اذا نومنا مرررة كويس واحتمال سهر وادمان على نسكافيه ونروح وماا خلصنا الماده وفي النهايية اسئئئئئئئئلة منيلة ونستخدم القانون اول مادخل الاختبارات ( شختك بختك وامشي للحياه))

الواحد صار مايهمو معدلو .. صار يبغى بس ينجح في دي الماده ومايحملها

انا عن نفسي قسم التمريض مررررة مو سهل ... كانت عندنا 10 مواد

افتكر اول ما دخلنا التشريح طبعا احنا في مافي عندنا مشرحة لغاية دحين يصلحو فيها ..
دي المشرحة احس منجد مالنا حظ نضرب صحبة مع الكليات الطبية كلها .. مرررة كل ما تتصلح تيجي مطر ولا سيل تعدمها ثاني

فصار تيجينا قطع من تشريح الاولاد .. عاد في بنات مدلعين مايشوفو دم يقرفو لمن ياكلو .. طبعا غير ريحة الفورمالين تدخل في الراس مزبووووط

انا اول ما دخلت المشرحة <<<مسوية الاخت ثقيلة ..
رجعت البيت ما صرت اكل ثلاثة ايام

مع الايام صار الواحد ياكل ويشرب والمناظر الخلابة اماامو .. عااادي

صراحة نظام الدراسة
عاد كفاااية الكويزات تذبح الواحد .. مافي ايام راحة وميدتيرم ونهائي .. دا كلو ورا بعض ::"(
امممم كانت اصعب مذاكرة عندي (الاناتومي )) لانو لاختبار حقنا يكون اناتومي + هيستولوجي - امبيريولوجي في يوم واحد ...

بس الحمدلله عدى على خير..

حتى الاجازة نقوووول خلاص يابنااات نشوف اهلنا ..نقعد على التلفيزيون شوية تيجي الدكتورة عندكم اختبار يوم السبت ..0

كنت مرررة مستهونة في التحضيري بس اول ما دخلت عرفت شي اسمو روتين قاااااااااتل ..
بس خلاص لازم الواحد يتعود على الروتين دا .. بس والله احنا خليناه كده .. المشكلة احنا نقدر نغير بس مافي وقــــــــــــت

مافي وقــــت تتكلمي مع احد ... مافي وقت تاكلي بس على وجبة في بريك الجامعة .. مافي وقت تتفرجي تليفزيون .. << وحشني مرررة .. مافي وقت تخرجي تشوفي اهلك ابدا ما يمدي .. حتى خالاتي وعماتي ما اشوفهم

ودا كلو في الهاية يقولو انا مقصرة عنهم مايراعو الظرووف ولا صرت متكبرة كمان عشان ما ازورهم ..

منجد حالتنا صعبة ..

يلا اتهنو بالاجازة .. صح مدري كيف نتهنى واحنا متبهدلين كده .. بس على الاقل نرفه نفسنا لالانننا الي شوفناه مو قليل مررة .. وعلى الاقل ننسى مناظر الرعب الي عشنااها يارب ماتتكرر ثاني

على الاقل تكون نفسياتنا احلى قبل مانرجع للاختبارات ثاني

انا عن نفسي متحمسة اكثر شي .. عشان الترم الثاني ننزل مستشفى

مرررة شكرا د. سليا .. حمستيني .. ادتيني اشياء عشان ما انفجع الترم الجاي ان شاء الله
RN.candy