قبول الطلاب والطالبات الغير سعوديين

[حذيفه نصر]

^^^^^^^^^
يالغاليين ,,
عساكم طيبين ان شاء الله .
بارك الله فيكم .
انا عندي فكرة .
انا الآن قدمت على سنة تحضيرية علمي في قبول غير السعوديين .
اقدر اعدلها اداري ؟
لأن انا ممكن ادرس محاسبة واقتصاد ماعندي مشكلة ,
تخصص ممتاز ومناسب وله فرص عمل كبيرة .
ياترى هل هذا حيسهل قبولي ؟
تكفون علموني !
تحياتي

[DR_A]

هل يمكن التحويل لطالب درس السنة الأولى باحدى الجامعات المصرية ( كلية التجارة )

ويريد التحويل الى جامعة الملك عبد العزيز

[عقرب الليل]

شباب اعرف واحد مو سعودي ويبغى يعرف وين التقديم في اي مبنى

ياريت تفيدوني

[بحر الحرية]

المشاركة الأصلية كتبت بواسطة blsam السلام عليكم .. أبشرك أخويا بحر الحرية .. قبل كم يوم قدمنا اوراقنا للعمادة وقبلوها وأعطونا رقم للمعاملة .. والحمد لله .. بس في وحدة من صحباتي راحت اليوم تقدم من عند الحريم لانه ما عندها أحد يودي اوراقها لقسم الرجال .. قالتلي انه ما رضيوا ياخذوا استمارة التسجيل .. وقالتلها بالحرف الواحد (ارميها ما منها فايدة) وما نقبل أجانب بالمررررة روحي سجلي انتساب .. وهذا عكس الكلام اللي سمعته في قسم الرجال .. وفي سؤال ثاني اذا تكرمت يخصني انا.. فيه احتمال انه القبول ما يجي الا عالترم الثاني زي ما سمعت من بعض الأعضاء.. لكن اذا قدمت انتساب الترم الاول وانقبلت انتظام الترم الثاني حقدر أحول ولا كييف؟

أهلين خيتوو بلسم..
الله يوفقك ياارب والف مبرووك، وانشاا الله يتحقق قبولك يارب..

بالنسبة لسؤالك خيتوو ما حقدر اجاوبك عليه لأني مني متأكد ايش الوضع اللي يكون، لكن لو تتصلي ع العمادة او تخلي أحد يروح ويستفسر من موظف مختص وركزي على كلمة مختص مو أي أحد وانشاا الله رااح يفيدوكي..
واناا مرة قلتلك قبل كداا لا تعتبري السنة ضاعت عليكي، استفيدي منها وطوري مهاراتك ف الانقلش أو ف أي شي..
وعلى فكرة.. انتساب بس للأدبي مو للعلمي، لأنوو كأني اتزكر شهادتك علمي وتبغي تخصص علمي
لكن ارجع واقلك اتأكدي من داا الموضوع من الجامعة احسن

والله يوفقك ويسهل عليكي امورك ويخترلك اللي فيه الخير ياارب؛؛

[بحر الحرية]

المشاركة الأصلية كتبت بواسطة مرعوبه الدلوعه [align=right] انا نسبتي بالتانوي 97.80 والقدرات 88 والتحصيلي 78 والموزونه 90.90% الحمد لله قدمت اوراقي لقسم النساء وعبيت الاستماره بس الموظفه المتخصصه بدا الشي ماكنت موجوده اخدتو مني وحده تانيه وقالتلي بديها بكره بس ما اعطتني رقم طلب عشان اراجع بيه سالتها قالتي عادي يدخلوكي رغم انو الامن مشددين مايدخلو الي ماعندهم بطايق وبعدين بغا اعرف كل كم اتصل عليهم ولا اروح افضل لانهم نادر مايردو وابغا اسال لو انقبلت ورفعت معدلي ما في امكانيه يصرفولنا مكافاه ^.^

أهلين أختي..
أهم شي لازم تاخدي رقم للمعاملة، لأنك بدون الرقم اعتبري نفسك ما سويتي ولا شي..

الله يوفقك ياارب ويحقق لك اللي تبغيه انشاا الله، وعقبال ما تكوني معاناا ف الجامعة ياارب؛؛

[بحر الحرية]

المشاركة الأصلية كتبت بواسطة حذيفه نصر ^^^^^^^^^ يالغاليين ,, عساكم طيبين ان شاء الله . بارك الله فيكم . انا عندي فكرة . انا الآن قدمت على سنة تحضيرية علمي في قبول غير السعوديين . اقدر اعدلها اداري ؟ لأن انا ممكن ادرس محاسبة واقتصاد ماعندي مشكلة , تخصص ممتاز ومناسب وله فرص عمل كبيرة . ياترى هل هذا حيسهل قبولي ؟ تكفون علموني ! تحياتي

أهلين عزيزي..
تخصص المحاسبة صار دحين من تخصصات العلمي، فما تقدر تكمل محاسبة لين تاخد سنة تحضيرية علمي..

التخصصات الادارية التابعة للسنة التحضيرية مسار اداري لكلية الاقتصاد والادارة صارت:
قسم الأنظمة، قسم العلوم السياسية، قسم الادراة العامة
بقية التخصصات في كلية الاقتصاد صارت ف العلمي

ولو اني احس انوو مو داا اللي تبغاه، لكن لو توضح سؤالك اكتر يكون احسن..

موفق ياارب؛؛

[عقرب الليل]

اخوان تقديم الغير سعوديين في مبنى العماده ولا 91 !

[بحر الحرية]

المشاركة الأصلية كتبت بواسطة عقرب الليل شباب اعرف واحد مو سعودي ويبغى يعرف وين التقديم في اي مبنى ياريت تفيدوني

أهلين عزيزي..
خليه يروح لمبنى عمادة القبول والتسجيل، إداا دخل الجامعة يسأل عنوو وانشاا الله حرااس الأمن ما رااح يقصروو معاه..

بالتوفيق يااارب؛؛

[بحر الحرية]

المشاركة الأصلية كتبت بواسطة عقرب الليل اخوان تقديم الغير سعوديين في مبنى العماده ولا 91 !

كلها قريبة من بعض مبنى العمادة ومبنى a91،
لكن انشاا الله احد من الاخوان اللي قدموو يفيدك فين بالزبط، ولو ترجع للصفحات اللي قبل، أعتقد كأنوو واحد كاتب فين رااح قدم بالزبط..

موفق؛؛

[مرعوبه الدلوعه]

مررررررررررره شكراا

عالمجهود بحر الحريه

زي ماقلت انا ايوه يمنيه

بس بسال ينفع بعد ما اخد المنحه الداخليه وادرس اقدم فالسفاره على منحه دوليه وانا ادرس فنفس الوقت عشان المكافاه ^.^