تجمع المقبولات بتخصص ماستر توجيه وإرشاد تربوي حديثا أو سابقا لعام 1433 - 1434

[فتاة العصر]

صباحكم خير
انا ملاحظة ان فيه ناس مرة زعلانة
رجاء لاتدايقوا من احد لان كل واحد وله مشغولياته
بس ولايهمكوا وهبدا بنفسي
انا الحمد لله درس وني قبل كده 3 دكاترة من اللي هي درسوا بالماستر ده الترم
اولا الدكتورة وفاء تعتبر شخصية محترمة ومثقفة جداً ومن النوع الهادي في التعامل وتعتمد على محاضراتها بالبوربوينت مع ما تحدده من الكتاب المتفق عليه

ثانيا الدكتورة إيمان ياغي وهذه اعتبروها واحنا كنا نقولها شيكولاته القسم من كتر ماهي طيبة جداً جداً وتحب تتكلم كتير جداً جداً ههههه وتعتمد انها تملي محاضراتها والمذاكرة هيكون منها لكن بتطلب تكاليف كتيرة شوية

ثالثا الدكتورة خديجة وهذه ياحضرات لها تعامل خاص شوية احتمال اللي يوشوفوها يفكرها عصبية او ماتحب تتكلم مع احد لكن بالعشرة زي ما يقولوا هتفهموها
اهم شي انها ماتحب الغياب والجوال يرن إطلاقا والا هنندم اشد الندم
ياريت يكون كلامك مختصر ومحدد معاها لانها ماتحب الرغي
بالنسبة للشرح ممتاز وتكاليفها مو مرة كثيرة قد ما تحتاج شغل لان الفكرة جديدة
وتعتمد على محاضراتها والكتاب المتفق عليه

ارجو أني اكون أفدت
تحياتي

[iFATEN]

بنات اللي فرع القصيم

اختي ماستر توجية وإرشاد و حالتها الان مسجلة بالترم و نازل لها جدول فيه 4 مواد ..
بالتوفيق لها ولكم يارب

[فتاة العصر]

أهلين يابنات
بالنسبة للدراسة ما بدات فعليا بس كل دكتورة دخلت والقت نبذة تعريفية عن كلو عموما ويوزعوا الخطة الدراسية الاسبوع الجاي ولكن الدكتورة خديجة اليوم أعطت واجب للمحاضرة الجاية وضروري يكون معاكم الكتاب ومحضرة
هذا بالنسبة السبت والأحد والاثنين

تحياتي

[فتاة العصر]

أختي نسرين في بالماستر توجيه وإرشاد انتظام جدة مدرسات كثر تخصصات مختلفة بس هم ما شاء الله جم على الموعد وفي اللي جم من مكة كمان

موفقة

[NisReEn]

المشاركة الأصلية كتبت بواسطة فتاة العصر أختي نسرين في بالماستر توجيه وإرشاد انتظام جدة مدرسات كثر تخصصات مختلفة بس هم ما شاء الله جم على الموعد وفي اللي جم من مكة كمان موفقة

حبيبتي انا مدرستي بعيدة ما اقدر اوصل عالموعد !
ولا ما كان سألت
في مديرات يعطوا ربع او نص ساعه قبل الوقت عشان الوقت
مين من نفس معاناتي اهئ

[مرشده طلابيه]

فتاة العصر

الله يسعدك طالما حضرتي اليوم اكتبينا ايش طلبو وايش قالو لكم

الدكتورة خديجة ايش طلبت كتاب+واجب عشان نشوف من دحين ..

وكمان بكرة ياليت تقولولنا ايش تاخذو لانه بكرة اخلي طرفي من عملي .

ان شاء الله السبت اداوم معاكم .

[حلاوة شقاوة]

حبيباتي انا معاكم بالقسم وداخله بحساب اختي
اليوم الدكتوره طلبت مننا نفتح فايح اصفر الكتروني بصراحه انا ما فهمت عليها تقدرو تفهموني ايش تقصد

[فتاة العصر]

الكتاب اسمو القياس النفسي للدكتور صفوت فرج نسخة 2009
الواجب قراءة الفصل الاول من الكتاب وإحضار قراءات على فلاش خاصة بمصطلحات انجليزية للقياس النفسي

وياريت يابنات اللي بتروح بكرة تبلغني ليش صار لأني لسه بربط بأوراق إجازتي

وشكرا

[مرشده طلابيه]

المشاركة الأصلية كتبت بواسطة فتاة العصر وإحضار قراءات على فلاش خاصة بمصطلحات انجليزية للقياس النفسي

مافهمت يعني تبغى نجيب مصطلحات فقط للقياس النفسي ولا المقصود ب قراءات شي تاني!!!

[البارونه23]

فتاة العصر لكي مني أجمل التحيات على تعاونك مع باقي البنات
الله يوفقك ويسدد خطاكي ياارب