عندمآ يتشآبـﮧ إلگل أتميز { أنـــــآ .!

[O-DODY-O]

اشبهم البنات قايمين عالرجال المساكين........؟؟

لكن ليش مسوين رجه....؟؟ عادي ما تبغوا تتزوجوا محد قلكم علقوا لوحات واكتبوا فيها العزوبيه احلى

[O-DODY-O]

احب اتعلم من الزواجات الفاشله ومن الزواجات الناجحه

والله لاحظت شي

الزواجات الناجحه سبب نجاحها (الرجل)

اما الزواجات الفاشله سبب فشلها (المرأه)

بإمكان كل رجل يخلي زوجتو أسعد امرأه

وبإمكان كل إمرأه تخلي زوجها أتعس رجل

[O-DODY-O]

Patricia

اهلين خيتوو نورتي مدونتي

[O-DODY-O]

والله لو ان بشار عند المصاريه ما كان سوو ولا شي

[O-DODY-O]

مساء الخير

مره من المريرات كنت مرووووووقه مره مره

وطبعا اختي من عشاق الفوتوشوب قلتلها ابغا اشتغل عليه قالت خذي دروس بالاول

وانا انسانه اكره التقيد احب اتعلم على مزاجي

المهم فتحتو وقعدت اخبص هنا وهناك



هذا عملت عليه تأثيرات لليل



اما ذا ما عملت في الصوره ولا شي اخذتها جاهزه وبس كتبت عليها



وهذا عملت فيه شوية تأثيرات



هذا الصوره جاهزه وبس كتبت عليه بس مره احسو حوسه



هذا حلو وياناسو عليه


بس حلوه الفلسفه بعدها تبت افتحو هههههههههههه

دحين اخدت دورة بس في معهد احسن عشان اتقيد واستمر واتعلم بدل الخربطه حقتي

[O-DODY-O]

في صور عندي من زمااااااااااان ابغا انزلها بس متكسسسله مره مره

في المدينه ذي الصور

من زمان ابغا انزلها بس مدري ايش في مخي حذفت كل الصور وما بقيت غير ذي

مدري قلت مسويه زحمه في الجهاز <اللي يسمعها يقول بتشيلها على راسها> فعشان كذا حذفتها عالاقل المساحه حقتها تنحط صور بدالها منها فايده <مدري كيف مركبه الجمله بس مشي حالك



طبعاً هنا في الطريق واحنا رايحين

هذا الجبل صغير بس من بعيد يبان كأنو هرم وهذا من قريب ترا عشان كذا باين شكلو الحقيقي



وهذا الشي مدري ايش يسمونو طبلون مدري عداد ما اعرف ايش اسمو المهم هوا ذا



اما ذي الصوره كانت يوم عيد الاضحى

عاليمين الحرم وقدامي على طول المقبره وهاذي السيارات <ترا الصوره الوحيده اللي عندي الباقي كلو حذفتو قلت ايش ابغا بزحمة سيارات

[O-DODY-O]

وبدأ العد التنازلي وما باقي غير اسبوع ع ـــالزواج وحضرتي ما اشتريت فستان .....

إلى متى يعني يا أنا...؟؟ ما تتعلمين من دايماً...؟؟ الله يهديكي يا أنا

باقي لسته طوييييييييله ما خلصتِ منها غير شي واحد <كويس سويتي شي

يااااااااااارب لا تبليني بوحده لابسه زيي <اخس شي في الحياه لما تلاقي بنت لابسه زيك

[O-DODY-O]

امس حلمت حلم يزنن <كويس خلاني افكر بشي يفيدني

اللي هوا

اني انا اللي انتو كلكم شايفينها احم احم اصبحت عارضة ازياء <يب يب

ووووو هدا الشي خلاني (افكر بعقلانيه) <زي مايقولو> انو بعدينا هااا هدا ايش اسمو..؟؟

نطالب بفتح ايش يسمونو ...؟؟ يعني زي ما تقولو (معرض او صاله او قاعه) - لعروض الازياء -

يعني لازم تهتمو شويه بإهتمامات المرأه

واللهي انا عن نفسي ما يهمني ولا احد ..شي دخل راسي ما راح يطلع منو ان شاء الله الا بعد ما انفذو مايهمني (نجح.. فشل) في كلا الحالتين انا ارتاح لأني عملت الشي اللي نفسي فيه

احنا بس نبغا اماكن مخصصه لعروض الازياء (طبعاً تكون نسائيه بلا ذكاء خارق)

انا من زمان اتمنى اسير مصممة ازياء بس تعرفو ماعندنا في الجامعه (تخصص تصميم ازياء) فرحانين بالخياطه حقهم يبغون يسكتونا

ففكرت اخذ دبلوم تصميم ازياء بس المشكله انو كلو انقلش

انا في اشياء كتير في راسي بس يبغالها تنفيذ اذا شي اتنفذ راح استمر في تنفيذ الباقي ان شاء الله

يعني مره كنت مروقه رحت جلست مع دادي وبدأت اطلع افكاري الخنفشاريه

بس المشكله دادي يقول كل شي لازم تصريح تصريح ويعلونك حتى يطلعولك التصريح ولازم شروط ومعرف ايه (مره مع نفسهم)

عندي تصريح واحد بس وناقصني خبره وباقي بس انفذ ان شاء الله وكل شي ينتهي (بس مالو دخل في عرض الازياء)

وصح لازم شروط لعارضات الازياء البالونات ومرتبات سليب هاي هذولا يقعدو في بيوتهم احسن

لأنو يجب ان تكون عارضة الازياء رشيقه + تعرف تمشي مشية عارضات الازياء + تكون (انثى) وليست بنت

دقيقه دقيقه ايوا صح ليش حتى الريجال مو مدينهم وجه..؟؟ يعني حتى هما يحبوو الموضه ويحبو الاشياء الحلوه زينا وكمان ما عندهم احد يعبرهم المفروض حتى هما تعملولهم قاعات لعروض الازياء ... بدل المخططات حقتهم اللي فرحانين فيها مساكين بس يشوون دجاج ولحم وفي المخططات قاعدين مساكين والله يحزنو واذا مره مره حبو يغيرو استأجرولهم ملعب وفرحو فيه... ههههههههه

بتفلسف على راسكم شويه ياحبي للفلسفه <ورطت ناس كثير بسببها

يعني حتى الشباب مو اي واحد كذا بس تعال عادي تبغا تسير عارض ازياء اهلا وسهلا

لا طبعا لا

لازم يكون فيه شوية عضلات <عشان قلك يعني اغراء

ولازم يكون اكتافو عريضه وجسمو متناسق <مافيه كرش اهم شي

و لازم يكون شعرو لكتفو <عشان قلك يعني انا فارس الاحلام

وبس يكفي فلسفه صح..؟؟ ولا تبغوني كمان اتفلسف..؟؟

اذا تبغوني كمان ارسم واحد واحطو <يعني رسم من خيال لا تحسبونو واقع بس انتو يابنات اتخيلو انو واقع > عادي ترا انا حاضره حضر < تسمع بالنشامه بس ما تعرفها

[O-DODY-O]

جبتلكم خبريه حلوه

ترا والله عنوني ما تفتح

بس جيت اقولكم اني نجحت في الانقلش ولله الحمد

[O-DODY-O]

المشاركة الأصلية كتبت بواسطة د.نورهـ - الحمدالله الذي بنعمته تتم الصالحات ،، - تمت عملية أختي الغالية مُصرهـ على قراري بنجاح و فاقت من البنج ،، - اللهم أتم عليها نعمة الصحة و العافية و أكرمها بكرمك و احفظها بحفظك ،،

الحمدلله على سلامتها