عندمآ يتشآبـﮧ إلگل أتميز { أنـــــآ .!

[O-DODY-O]

في حاجه مستحيل دودي تسويها ... تعرفون ايش..؟؟

مستحيل تروح السوق وتخرج ويدها فاضيه ..

بجد والله اروح السوق عشان ما اشتري شي لا حبايبي لا ذا الشي مستحيل يحصل

لو السوق بكبرو ما عجبني شي فيه

اخد عطر .. عطرين ... 3 عطور

سلسال ... ساعه ... اسوره .... شنطه

اي شي اهم شي ما اطلع ويدي فاضيه
ً
انا من النوع اللي اروح السوق وانا عارفه انا ايش ابغا.. ما اروح كذا بس اتفرج لا

عشان ...

-اول شي اسهل لنفسي الوصول للشي اللي ابغاه

-وثاني شي ما اضيع وقتي عالفاضي

- وثالث شي عارفه ان فلوسي راح اخلصها وما راح ابقي في المحفظه ريال واحد .. فأشتري شي احتاجو احسن من اني اشتري شي ما احتاجو

- ملاحظه :

من اساسيات التسوق انك تاخذي فلوس اكثر من اللي انتي محتاجتها ... لأنو احنا البنات بسم الله علينا كل شي نبغاه ..
حتى اللي عندنا .. لما نروح السوق مره ثانيه نشوفو برضو نبغاه .. (بس بطريقه مختلفه) .. ناخذ لون ثاني منو
المصيبه يدنا تاكلنا اذا ما خلصنا الفلوس ... وضميرنا يؤنبنا عشان ما خلصنا الفلوس
والله العظيم حتى المسكين اللي يودينا السوق نخلص فلوسو ..

[O-DODY-O]

بنت عمت ماما .. حياتو انخطبت

الله يوفقها يااااااااارب

والله دي البنوته طيوبه وعسوله وتحب كل الناس

[O-DODY-O]

زُمرد

مشكوره ياعسل نورتي مدونتي بمروركـ

[O-DODY-O]

الله مره مره يزنن

مين يبغا ياكل بطيخه ...؟؟

[O-DODY-O]

كلللللللووووووووووشششششش

جاتني خبريه حللللللوووووووه

خالتو حياتو جاتها بعثه الحمدلله

الله يوفقها يارب

[O-DODY-O]

حياتو غزووووولتي

نورتي القسم كللللوووو

حياكي بين اخواتكـ واخوانكـ

[O-DODY-O]

في اشياء ضروري تكون عـــلى تسريحة اي بنت

واللي ما تحط ذي الاشياء ما اعتبرها بنت

من ضمن ذي الاشياء الضروري تواجدها على سطح التسريحه

- عطر (للاستعمال اليومي)
- علبة اكسسوارات (سلاسل ... حلقان ... خواتم ... اساور... ساعات) <بس للمشاوير السريعه وتكون تناسب كل الالوان (يفضل تكون .. ابيض ... اسود... فضي... ذهبي)
- اكسسوارات شعر (بكل ... شباصات ... اطواق) <برضو للمشاوير السريعه - مكياج الاستخدام اليومي
- فواحه + شموع .. وباقي الكماليات



مشكله بعض البنات اشوفهم في الزواجات تجي الوحده شعرها فاضي
بس يادوب مستشورتو وما كلفت نفسها تحط ورده ولا فيونكه ولا حتى تلبس طوق
طيب يا ماما ياحبيبتي معقوله فضيتي تسوي شعركـ وما لحقتي تحطي اكسسوار



اوقات فجأه تتصل عليا وحده اليوم لازم اقابلك ابغاكي تجي الزواج ... في نص ساعه اجهز نفسي و اروح ومن احلى ما يكون
انا بطبعي ما احب العجله ابداً لكن اوقات الواحد ما بيدو
تقدرين بسرعه تعملي تسريحه ايش هوا ترا ما يبغالو شغل
(بس اتحممي بسرعه وعلى طول بخي الموس في شعرك وهوا مبلول مره .. وجففيه بالاستشوار واعملي بف وحطي طوق فيه حركات ورود ولا كرستالات بسيطه وخلاص انتهينا )

هاذي اطواق البف مره حلوه



نرجع لاكسسوارات الشعر

بالنسبه ليا احب الورود والفيونكات







هاذي الاطواق عندي زيها من مونسون بس مره مريحه في اللبس





خصوصاً اللي بذا الشكل احسها تدي للوحده انوثه ونعومه







(مزاجي اليوم اقلب مدونتي موضوع فاشن )

[O-DODY-O]

ملاحظه

أنا عن نفسي ما احب الكحل

لأنو يسبب سواد تحت العين

[O-DODY-O]

يا عالم يا ناس

انا مو قادره اناااام

سارلي 16 ساعه

ما ادري ايش فيا مو راضي يجيني النوم

يااااااااربي مره مو وقتو يستهبل عليا

انا اليوم عندي ألف مشوار واحد الساعه 10 الصبح والثاني الساعه 5 العصر والثالث الساعه 9 العشاء

يعني متى راح انام....؟؟

[O-DODY-O]

مساااااااااااء الخير

اممممممممممم لاحظت في ناس يبغو يسوو مشاكل بس انا مررررره مروقه ذي الايام الحمدلله وما ابغا اخرب ترويقتي عشان حضراتهم وما راح ارد عليهم اساساً لأنهم ناس مشكلجيين