رحلتـــي باختصار!!

[dr.CILIA]

المشاركة الأصلية كتبت بواسطة no0oneee هلا dr.cilia الله يسعدك و ييسرلك كل امورك و تسيري دكتورة قد الدونيا :) س1- كيف طريقة نزول الجدول لاني ابغا انا و صحبتي نكون زي بعض و هل احنا نحدد الدكاترة ؟ س2- ايش هيا الخطة الجديدة باختصار ع قد ما تعرفي من معلومات ؟ ولك خالص تحياتي .

هلا اختي منوره
واياااكِ يااارب
اجابات اسئلتك:
1-في الطب عندنا الجدول موحد والتقسيم من الاداره وماعندنا نظام تختاري ابدا مااعرف ايش اللي نازلكم في الاودس بس اللي اعرفه انه ماتقدري تغيريه لانه للكل بس القروبات مختلفه وهذي من الاداره ممكن تروحيلهم لمن تبدأ الدراسه وتساليهم عن التغيير اذا في مجال..

2-والله معلوماتي عنها مرره قليله بس ممكن الدفعه اللي فبلكم يفيدوكي دفعه09
اللي اعرفه
احنا زمان كنا ناخد كل ماده على حده ونمر في الماده الوحده على كل اجهزة الجسم من خلال شباتر كل جهاز في شابتر والماده ناخذها خلا سنه كامله وممكن سنتين
اللي عرفته عن نظامكم انه موديولز كل موديول يحتوي على جهاز من اجهزة الجسم تأخذو فيه كل شي عن دا الجهاز يعني تركيبه(التشريح) ووظيفته(فسيولوجي وبايوكميستري) وامراضه(باثولوجي) وطرق علاجه(فارماكولوجي) اللي بين الاقواس دي موادنا اللي كنا ناخدها ايام خطتنا وهي مواد الطب الاساسيه
طبعا انتو دحين بداية سنه تانيه حتاخدوا تجميعه لكل ماده من المواد هذي بشكل مبسط واعتقد تختبروا فيها بعدين تبداو الموديولز حسب اللي مقسم في الجدول.

هذا اللي اعرفه
موفقه ان شاءالله

[MR.Google]

متى راح تكملي الدراسه ان شاء الله وهل راح تكملي برا او هنا.

واذا كان راح تكملي برا هل يشترطون معدل معين وشكرااااااا

[dr.CILIA]

المشاركة الأصلية كتبت بواسطة mr.google متى راح تكملي الدراسه ان شاء الله وهل راح تكملي برا او هنا. واذا كان راح تكملي برا هل يشترطون معدل معين وشكرااااااا

ان شاءالله نهاية السنه هذي (سنة الامتياز)يتحدد اذا هنا ولا برا الله يكتب اللي فيه الخير
بالنسبه لبرا ممكن عن طريق بعثات الملك وطبعا طالبين معدل اكثر من3.75 من5
والطريق التاني الابتعاث عن طريق مستشفى بس طبعا لازم تتوظف اول في المستشفى بعدين يبتعثوك ويشترطوا عليك شوية شروط.

[dr.waloo]

واوووووووو مرررة حمااااس مشكوووورة ماقصرتى صح انى دخلت متاخر بس مرررة تحمست معك احس الطب اهم شي اهم شي هو تنظيم الوقت
وربي يسعدك وويوفقك ان شا الله ويحميك من كل شر

[MEMO...]

من جد تحمست ( الله يوفقك ويسر امرك يا رب)


بس عندي استفسار بسيط ....
انا من اول نفسي ادخل طب اسنان والله حاولت بس صارت لي ظروف ونزل معدلي شيئ بسيط عن المعدل المطلوب لدخول الكليات الصحية وتحققت لي الرغبة الخامسه وهي ...حـــــــــــــــــاسب وانا راضية بقدري والحمد لله .

هل بإمكاني التحويل من حاسب الى كلية صحية وبالتحديد طب اسنان ؟؟؟؟؟
أو
محد قد سمع انو في احد حول ؟؟؟


يارب يا مجيب دعوة المضطرين اجب دعوتي
( اللهم قدر لي الخير في تخصصي )

[د.دعاء]

wait a minute الشرح حيكون بالإنجليزي من السنة السادسة ولا من أولى طب؟
أرجوا الإجابة وشكرا

[dr-wolf]

السلام عليكم
اخت سيليا
قد يعجز اللسان عن شكرك عما قدمتيه لنا من خلاصة خبراتك و أفكارك التي قد تساعدنا في المستقبل
و أيضا قد نجد توافقا فيما مررنا به خلال حياتنا الدراسية مع ما اسردتيه في مقالاتك وهذا إن يدل فإنما يدل على التوافق الذهني و النفسي بين الطلاب و إن في سرد مثل هذه القصص قد تساعد في تقارب الأفكار و الإستفادة من الخبرات.
فأسأل الله أن يوفقك في حياتك العملية و العلمية و نجدك كما اردتي لك بصمتك في عالم الطب عالمة و باحثة لك انجازاتك و شكرا

[د.فهد جراد]

سبحان الله !!

قررت أن أدخل الطب وأنا في الصف الثاني الإبتدائي ووضعته نصب عيني .. أنا هنا الآن في بيتنا طبيب الأسنان الخاص بالأسرة .. خاصة إخواني الصغار الذين لهم أسنان لبنية .. شغال في القلع والتجميل وفاتح عيادة هع هع .. بس لا يستهويني هذا التخصص ابدا ابدا .. أحب أن أكون طبيب بشري عام وجراح .. مسيرتك يا دكتورة حمستني جدا .. أحب الطب وأحب دراسته (مهما كلفني ذلك) .. مستعد لكل المصاعب التي سوف تواجهني .. بعون الله أنا الأقوى .. أسال الله أن يتمم الثانوية على خير وأن أحصل في السنة التحضيرية على 5 من 5 وأقبل في الطب

تحياتي لكم
د.فهد جراد

[E.T.K]

من جد .. ماعندي كلمة غير جزاكي الله خير ع مجهودك يا دكتورة .. مو دايمن يقولو : " المؤلفين والكتباء ليسو وحدهم الذين يؤلفون كتبا تقرا ، ولكن اصحاب التجارب يحولون الكتابة الى مناهج عمل مثيرة وممتعة " << بدات اتفلسف :s

تحياتي ~

[حبي لذاتي قمة أولوياتي ~]

((وقل ربي زدني علماً ))


لي عودة للقراءة وبشكل قريب جداً وتعليق