المبنى الثالث بجامعة الملك عبد العزيز انحلال وفساد

[violllet]

لا عفوا.. عفوا..
هناك الكثير و الكثير من المبالغات!!
اللهم صلي و سلم وبارك عليك يا سيدنا محمد

[سميه محمدي]

اللهم صلي و سلم وبارك عليك يا سيدنا محمد

[ساعدوني رايكم يهمني]

والله نفسي اروح لدا المبنى عشان اضحك استغفر الله على دي الاشكال بس انا دراستي بمبنى غير... مدري عقولهم فين كلو عشان يلفتو الانظار مااااااااااااالت عليهم بالعكس نتقزز منهم

[نبض حياة!]

ان شاء الله سنرفع خطاب لمدير الجامعة بهذا الخصوص
ننتظر دعمكم والتوقيع على هذا الخطاب ..
راجعوا موضوعي في نفس القسم عن هذا الموضوع وإن شاء الله يارب يكون الخطاب موضع اهتمام معالي المدير ..

[Imani]

اول شي بوضح حاجة
انا لست معكم ولا ضدكم كما لست مع الفئات المعنية بالأمر، صحيح اني برضو ماحب المبالغات الموجودة في الجامعة من لبس وميك آب وصبينة ونظارات ..إلخ بس بالنهاية الناس احرار لي في نفسي بس
ثاني شي هاي وجهة نظري بكل صراحة

لاحظت كثير ناس بالجامعة ينظرون لبعضهم البعض بعين الادانة مسبقا !

موقف شخصي مرة من المرات صحيت متاخر وما كان فيه وقت اني اسوي اي شي بشعري القصير فقررت اخليه على "طبيعته" وطبعا هالشي سبب لي ازمة من يوم ما دخلت ذاك اليوم لغاية ما خرجت والله العظيم اغلب الناس تبحلق بشكل سيء وغير حضاري كأني حاطة تلفزيون على راسي ولا حاجة! كنت خارجة من المكتبة بنت تقول لصديقاتها شوفوا شوفوا !! والبنت مستعدة انها تبدأ مسلسل الشتم والغيبة طبعا طالعت فيها راحت نزلت عينها بالأرض بالله تبغوا تقنعوني ان هاي البنت طبيعية؟ كل اللي سويته اني خليت شعري على طبيعته ايش ذنبي اذا كان شعري مش على مزاجها؟ وهيه من جهة ثانية اغتابتني وعزمت صاحباتها على لحمي ههههههههه طبعا بالنسبة للمجتمع انا العنصر الشاذ وهي الطبيعي بس عشان الشكل تصوّروا؟

الاغلبيّة ينظرون نظرة سلبيّة ويدخلون في ذمم ونوايا الناس للأسف يشوفوكِ من شكلك وعلى طول يضعوك في قالب محدد انا بس حابه اقول رجاء تمهلوا شوية مو كل من كان شعرها قصيير وصعب تسريحه معناته انه هيه بويه على طول متى بنرتقي لمستوى انه نحكم على الشخص من خلال شخصيته وتفكيره وتعامله ترا الدين معاملة مو شكليات على فكرة انا من النوع اللي ابتسم دايما تعرفوا ذاك اليوم ما كان احد يبادلني الابتسامة نتكلم على الدين بس اذا كان يخدم وجهة نظرنا صح؟؟ للأسف..

اما عن المبنى 3 فأنا اللي مو عاجبني فيه الجلسات الموجودة والتجمعات لانه يخليه زحمة انا ادخل واشوف ناس تبحلق بس عادي العين بحر غير كذا موضوعكم مالي فيه ولاني مستعدة اصلّح احد او انصح - خصوصا بالأسلوب القاسي هذا!!- يادوب اللي عندي من عيوب مكفيني اجاهد نفسي واصلحها احسن بكثيييييييير ومالهم مني إلا دعوة بالتوفيق والصلاح هذا من شؤون الادارة نفسها واهلهم والمسؤولات مش من شؤوني لي في نفسي بما اني مجرد طالبة بدون صلاحيات.

[ذكرى الجراح]

اذا على الفساد فهو موجود في كل مكان

ولكن ما الاحظه غياب الوعي الثقافي والديني عند اغلب الفتيات فأصبح هنالك خواء فكري

واتجه الإهتمام الى التوافه والجري وراء الموضه والصرعات وتطبيقها دون ادنى تفكير في معانيها او حتى

مغزاها

هذا هو الحال في جامعتنا

ولكنني لا اهضم حق بعض الفتيات اللاتي يشرفننا بفكرهم وثقافتهم واتزانهن واخلاقياتهم

علينا ان لا نعمم على الجميع في كل مكان قد يجتمع الصالح والطالح

والعبره لمن يعتبر

تحياتي وشكرا عل الطرح

[ساعدوني رايكم يهمني]

كلام منطقي صح لسانك والله ........يدوب اللي فينا مكفينا

[shooshaa]

سيبوو الناس في حالها

[rnd]

لو كل واحد فينا قال اللي فيني مكفيني ومالي ومال الناس ..

حنرووووح فيها ..!!

يا جماعه في شي اسمه أمر بالمعروف و نهي عن المنكر ..

وبعدين ترى مو كل اللي يعمل خطأ يكون مقتنع انه هوا عامل خطأ ..

بالعكس يكون متأكد و متيقن انه اللي يعمله خطأ لكن يحتاج كلمة .. ولا نصيحه ..ولا دعاء .. ولا أي أحد يدله عالصح ..

تلاقي البنت اللي زي كذا محد وجهها ولا كلمها .. تسوي زي صحباتها و بس .. أو تبغى تلفت الانتباه ..

حتى لو هيه مو مقتنعه بهذا الشي .. كلنا نحتاج بلحظه انه أحد يجي ينصحنا ولا يوجهنا ..

يعني مو كلهم نيتهم سوداء .. ولا كلهم نيتهم صافيه ..

احنا اللي علينا ننصحهم .. بطريقه مباشرة ولا غير مباشره ..

وبكذا نكون اللي علينا سويناه ..

لكن مو نطالع عليهم ونقول مالنا شغل .. مو كل شي مالنا شغل ..مالنا شغل ..

واجب علينا نأمر بالمعروف و ننهى عن المنكر بأي زمان و بأي مكان ..


هذه وجهة نظري الخاصه ..

والله يهديهم ان شاء الله ..

[نوووف]

صدقوني اي مرحلة من مراحلة متوسط-ثانوي- جامعة تتواجد مجموعة من البنات مانقدر نقول عنهم انهم شواذ لكن يبدو ان هناك خلل بتكوين شخصيتهم وينقصون للعطف وللاحتواء ويحاولون صنع بعض الامور للمحاولة الجذب ولفت الانتباة لهم وهو انهم ((هنا)) وليس مهمشين !!


بنظري لو يتم تعين مرشدات نفسيات للتقديم المساعدة ومحاولة الانصات للهؤلاء الفتيات والتواصل مع الاهل وبحكمي اني انتساب فو الله لي 3 سنوات لم ارى اي شيء غير عادي لكن بالعكس الكل جاي وحاطه براسها النجاح فقط...