|| med13 .. حياكم الله هنا للإجابة عن كلما يراودكم ..~

[Jouzif]

المشاركة الأصلية كتبت بواسطة Razz مبروك عليكم تسكينكم :) ان شاء الله السنة الجاية اكون معاكم بإذن الله، حابة اعرف كم الدرجة المطلوبة لحذف مقرر الانجليزي.. سواء في الايلتس او التوفل..

Toefl ibt 57 فما فووق
Ielts 4.5 فما فوق
موفقه

[LEGO]

المشاركة الأصلية كتبت بواسطة rizi. ^ افيديني الله يسعدك, كيف اختبر آيتلس؟

حسب ماأتزكر أول شي أدخلي الموقع حقهم وسجلي وأدفعي

بعدين هما يقولولك متى يوم الإختبار والمكان والساعة

هوا ف مبنى الفارسي كان.

[Dr. Abdul]

الايلتس ينقسم قسمين

ايلتس عام لطلبات الهجرة والجنسية

وايلتس اكاديمي

طبعا الي يهمنا الاكاديمي

كيف تسجلو فيه ؟؟؟


الفارسي سنتر الي بطريق الملك عبدالله ( ولي العهد سابقا ) تروح وتسجل ولكن الرسوم جدا غالية

المهم الاختبار جزئين جزء كتابي الي فيه ( استماع - قراءة - كتابة )
والجزء التاني عادة يكون بيوم قبل او بعد الي هو اختبار ( المحاثة )

وطبعا لو جينا ناخد كل قسم لحاله ونفصل بقليل ولا بإطالة

طبعا الجزء الاول تبدأ ب
الاستماع فيه 3 اقسام وكل ما تعدي قسم يكون اصعب من الي قبله. فلازم تبدع بالاول والتاني وتكون حسساس بالحروف لان يدققو حتى على الحروف الكبيرة والصغيرة

وتخلص وتبدأ بساعة الكتابة الي فيه 3 مقالات متنوعة المجالات (( انا اختبرت اختبارين قبل لا التحق بالجامعة الاختبار الاول بدون تكتيك ولا دورات كنت الصراحة اجاوب شختك بختك وجبت ثلاثة ونص في هالقسم لكن اخدت دورة وعرفت الاساسيات وكيف اجاوب بسرعة لان الوقت اكثر مشكلة في هالقسم والحمدلله قسمت وقتي ومشيت على التكتيك وجبت 5 )) وكل مقال اصعب من الي قبلو فلازم تبدعوا باول اتنين

ونبدأ بالحلاوة قسم الكتابة عندك ساعة تكتب مقالين المقال الاول احصائي (( يجيب رسمات بيانية ومعلومات ( مثلا نسبة جرايم امريكا في 30 سنة مقارنة مع اليابان ) ويكون على حسب ما اذكر 100 او 150 كلمة ناسي بالضبط كم ))
المقال التاني يعطيك قضية ولا عنوان عام ويبغاك تكتب 250 كلمة عنه هنا عاد الابداع لو تستخدم بس اساسيات الكتابة بغض النظر عن الاخطاء الاملائية ال 4،5 بالجيب على طووووول


عاد حتخرجو بعد كدا دااايخيييييين

وتروحو على حسب الموعد لاختبار المحادثة عادة من يوم ل اسبوع الانتظار


هذا اختبار اعصاب 3 اقسام القسم الاول كلام دردشة عن حياتك وايش تشتغل وايش تدرس وحاجات خاصة

القسم التاني انت وحظك يعطيك عنوان كبير ويديك دقيقة مع ورقة وقلم تكتب افكارك وتبدا تتكلم من دقيقتين ل 3 دقايق بدون سكوت ولا الي يختبرك يتكلم حتى ..

القسم التالت .. يعطيك شي خيالي او في شي يمس حياتنا او حياة المجتمعات ومو شرط كدا بس دا السايد انا سالني كيف تشوف المستقبل خخخخخ وبعده جلطني باسالة كبيرة جدا. بالعربي اصعب قسم هدا القسم



وبكدا باختصار الكلام دا كله ودعواتكم

[Fanno Amoudi]

اليوم لما شبكت عالأودوس في جدول تسجيل الطالب نسخة الطباعة مكتوب :
الكلية : الطب-خطة ( أ )

كيف يعني خطة أ اذا كلنا بندرس مع بعض ؟

[KhalidSHunaiti]

المشاركة الأصلية كتبت بواسطة fanno amoudi اليوم لما شبكت عالأودوس في جدول تسجيل الطالب نسخة الطباعة مكتوب : الكلية : الطب-خطة ( أ ) كيف يعني خطة أ اذا كلنا بندرس مع بعض ؟

اتوقع الخطة حقت التحضيري حتى انا عندي خطة أ مكتوب

[قروشـ]

^^^ , غريبة انا عندي كلية الطب و التخصص طب وجراحة بدون أ ولا ب ,,,

[Jouzif]

انا لا مكتوب عندي كليه طب ولا شي ،، الهرجه كل مافيها انها اخطاء تقنيه لا تشيلو همها ،، انتو انقبلتو بعد توفيق ربنا ثم بمجهودكم ،، ربي يوفقكم ،،

[قياس ×]

هل الجدول جاهز ولا احنا نضيف مواد ؟


لاني دخلت على الاودس وفيه مربعات فارغة اضيف فيها مواد لكن ماني عارف ايش اضيف .

[Dr.MEEM]

^
الجدول جاهز لاتلعب ف الاودس

[اماني فراس]

ايش قصة *الطب-خطة(أ)*
ﻻن كمان طالع لي كذا