هنا.. الاستفسار عن تقديم الدبلوم والماجستير الخاص

[كاكاوو]

المشاركة الأصلية كتبت بواسطة كاكاوو السلام عليكم انا خريجة كلية تربية تخصص لغة عربية+دورة معارف+ دبلوم حاسب آلي لمدة سنة تقنية مكاتب واختبرت القدرات والكفايات ولله الحمد السؤاال: هل اقدر اقدم على تخصص توجية وارشاد؟؟؟هل رح يقبلوني فيه؟؟ ولا فقط لخريجي علم الاجتماع واإلي ما اخذين دبلوم توجية وارشاد؟؟؟؟؟ رجااااااااااااااء جاوبوني

ماجاوبتني يا استاذ عماااااااد

[العالمة]

انا معلمة لغة عربية اريد اختيار مهارات الاتصال اولا ثم التوجيو والارشاد ثم تقنيات تعليم ايش رايك في هذه الاختيارات وفق خبرتك وهل في هذه التخصصات اختبار تحريري

[زوجي طالب]

السلام عليكم ورحمة الله وبركاته

الله يوفقك بدراااستك الدكتوراه استاذ عماد ومايحرمك اجر ردودك وطرحك مواضيع تهم الطالب المتقدم على الدراسات العليا لك جزيل الشكر استفدت من ردك ومواضيعك.

اخي الفاضل...

انا خريجة بكالوريوس تخصص( تغذيه وعلوم الاطعمه)كليةالاقتصاد المنزلي والتربيه الفنيه بالقصيم

اريد استكمال مسيرتي التعليمه بالماجستير الخاص بكلية القصيم الاهليه تبع جامعة الملك عبدالعزيز
وعندي عدة استفسارات.

هل يقبلني الماستر وانا تقدير( مقبول)؟!

هل بشهادتي هذه يقبلني ماجستير توجيه وارشاد؟!

التوفل هل هو من ضمن الشروط ؟ولدي شهادة من النيوهرايزن المستوى التأسيسي( الفاونديشن)والان انا بالمستوى الاول من دورة الانجليش يعني توني مابعد خلصتها؟!

السؤال الاخير.
هل فيه تقديم الفتره هذي على الماجستير الخاص ؟واذا مافيه متى التقديم ؟

انا جدا متحمس للماجستير وابي ابدأ في اجراءت التقديم باسرع وقت.

لكم الف الف شكرا

[عزيزي]

استاذ عماد مساك الله بالخير

ارجوك افيدني بهالاسئله ضروري

عسى الله يكتب لك الاجر ان شالله

انا لغه عربيه معدلي جيد وابي الماجستير

ابيك تفصلي وش اعمل من البدايه للنهايه علما ان ماعندي دبلوم تربوي ؟

افيدني الله يجزاك بالخير بكل اموري من بدايتها للنهايه مع التكلفه وانسب تخصص بيكون لي ووووو

انتظرك على احر من الجمر

الف شكر استاذي الفاضل

[قلب سارونة]

السلام عليكم ورحمه الله وبركاته
من جد الله يوفقك يااستاذ عماد والله انك تستاهل الشكر والتقدير والدعاء وجعلها الله في ميزان حسناتك ويارب حقق جميع امنياتك ياكريم
حبيت اسال انا بكالريوس علم اجتماع ماعندي دبلوم وابي اخذ دبلوم العالي في صعوبات التلعم هل استطيع ولا لازم اخذ دبلوم تربوي اتمنى ان تفيدوني

[Brainiac]

المشاركة الأصلية كتبت بواسطة كاكاوو ماجاوبتني يا استاذ عماااااااد

هلا أختي...

دام البكالوريوس تربوي فأنتي مؤهلة ان شاء الله للقبول بماجستير التوجيه والارشاد ... ومش شرط يكون البكالوريوس بعلم الاجتماع لانهم ياخذوا من تخصصات مختلفة.

بالتوفيق ان شاء الله

[Brainiac]

المشاركة الأصلية كتبت بواسطة العالمة انا معلمة لغة عربية اريد اختيار مهارات الاتصال اولا ثم التوجيو والارشاد ثم تقنيات تعليم ايش رايك في هذه الاختيارات وفق خبرتك وهل في هذه التخصصات اختبار تحريري

هلا أختي..

لا يوجد أي اختبارات تحريرية او مقابلات شخصية في الماجستير الخاص.

بخصوص ترتيب الرغبات ، ان شاء الله الاستاذ عماد يساعدك ... لكن برضو انتي احرصي ان الترتيب يكون حسب رغبتك الشخصية وحسب التخصصات اللي فعلاً حابه تدرسيها.

بالتوفيق ان شاء الله

[Brainiac]

المشاركة الأصلية كتبت بواسطة زوجي طالب السلام عليكم ورحمة الله وبركاته الله يوفقك بدراااستك الدكتوراه استاذ عماد ومايحرمك اجر ردودك وطرحك مواضيع تهم الطالب المتقدم على الدراسات العليا لك جزيل الشكر استفدت من ردك ومواضيعك. اخي الفاضل... انا خريجة بكالوريوس تخصص( تغذيه وعلوم الاطعمه)كليةالاقتصاد المنزلي والتربيه الفنيه بالقصيم اريد استكمال مسيرتي التعليمه بالماجستير الخاص بكلية القصيم الاهليه تبع جامعة الملك عبدالعزيز وعندي عدة استفسارات. هل يقبلني الماستر وانا تقدير( مقبول)؟! هل بشهادتي هذه يقبلني ماجستير توجيه وارشاد؟! التوفل هل هو من ضمن الشروط ؟ولدي شهادة من النيوهرايزن المستوى التأسيسي( الفاونديشن)والان انا بالمستوى الاول من دورة الانجليش يعني توني مابعد خلصتها؟! السؤال الاخير. هل فيه تقديم الفتره هذي على الماجستير الخاص ؟واذا مافيه متى التقديم ؟ انا جدا متحمس للماجستير وابي ابدأ في اجراءت التقديم باسرع وقت. لكم الف الف شكرا

اهلاً اختي \ اخوي

للاسف الشديد ، بخصوص التقدير لازم يكون على الاقل "جيد" للتقديم على أي برنامج دراسات عليا داخل المملكة.

اما بخصوص بقية الاسئلة ، برامج الماجستير التربوية تشترط أن تكون شهادة البكالورويوس تربوية.... اذا كانت مش تربوية ، لازم المتقدم يحصل على دبلوم تربوي في البدايه بعدها يقدم على برامج الماجستير التربوية.

دورات اللغة الانجليزية لا تقبل كبديل لاختبارات اللغة....... يعني بغض النظر عن عدد الدورات ، اختبار اللغة الانجليزية شرط أساسي في القبول.

والتقديم في الماجستير الخاص حالياً مفتوح... لحد تاريخ 2 جمادى الاولى.

[Brainiac]

المشاركة الأصلية كتبت بواسطة عزيزي استاذ عماد مساك الله بالخير ارجوك افيدني بهالاسئله ضروري عسى الله يكتب لك الاجر ان شالله انا لغه عربيه معدلي جيد وابي الماجستير ابيك تفصلي وش اعمل من البدايه للنهايه علما ان ماعندي دبلوم تربوي ؟ افيدني الله يجزاك بالخير بكل اموري من بدايتها للنهايه مع التكلفه وانسب تخصص بيكون لي ووووو انتظرك على احر من الجمر الف شكر استاذي الفاضل

هلا بك أخوي...

بناءاً على المعلومات اللي ذكرتها ، حالياً ما تقدر تقدم الا على برنامج : ماجستير ادارة الاعمال التنفيذي... أو برامج الدبلوم الخاصة.

أما بخصوص بقية برامج الماجستير التربوية ، لازم تكون شهادتك في البكالوريوس تربوية أو يكون عندك دبلوم تربوي بعد البكالوريوس.

وبقية البرامج لا تنطبق شروطها عليك لانهم يشترطوا تخصصات معينة في البكالوريوس ( مثل الترجمة المهنية والمحاسبة المهنية والتشريح التقني و القانون).

[Brainiac]

المشاركة الأصلية كتبت بواسطة قلب سارونة السلام عليكم ورحمه الله وبركاته من جد الله يوفقك يااستاذ عماد والله انك تستاهل الشكر والتقدير والدعاء وجعلها الله في ميزان حسناتك ويارب حقق جميع امنياتك ياكريم حبيت اسال انا بكالريوس علم اجتماع ماعندي دبلوم وابي اخذ دبلوم العالي في صعوبات التلعم هل استطيع ولا لازم اخذ دبلوم تربوي اتمنى ان تفيدوني

هلا أختي ...

دبلوم التربية الخاصة يختلف عن الدبلوم التربوي...

الدبلوم التربوي مطلوب منك فقط اذا كنتي ناويه تقدمين على برنامج ماجستير تربوي وشهادتك في البكالوريوس غير تربوية .

بخصوص دبلوم التربية الخاصة ، لا يشترط ابداً الدبلوم التربوي .. وبإمكانك تقدمين عليه مباشرة.

بالتوفيق ان شاء الله