وظائف معيد في إدارة التطوير الإداري بجامعة الملك عبد العزيز

[المستبدة]

السلام عليكم
انا قدمت بس بصراحة محتارة اروح الاختبار ولا لأ
حابة استفسر منكم عن معنى معيد اداري يعني ايش ؟؟ يعني تدريس ولا كيف
وهل تتوقعوا انو حيكون في موافقة على الابتعاث زي البنات اللي راحوا المقابلة

[56789]

اخواتي نصيحة مني ليس لها اي اساس يعني ما سألت احد من الجامعة
لكن ليتكم تقرو كل شي عن التطوير الاداري من موقعه ممكن يفيدكم بالاختيار
و اذا عندكم كتب عن مباديء الإدارة اتوقع الاسئلة في الإدارة
يارب يكتب الخير للجميع

[مادلينا]

يا جماعة ندخل الجامعة من اي بوابة؟؟؟؟؟؟

والقاعة كم رقمها ؟؟؟؟؟؟؟

بليز جاوبوني

[Pet girl]

المستبدة معيد اداري يعني يقوم باعمال ادارية ويعقد دورات تدريبية زي اللي يعملوها للموظفين
وفيه توقيع تعهد على الابتعاث انا وقعت لمن عملو لي مقابلة شخصية
انتي استخيري وروحي قدمي الاختبار

[المستبدة]

شكراا لك اخت pet girl على النصيحة والله ييسر يارب

اختي ماديلنا بالنسبة للبوابة فهي بوابة النادي الرياضي اعتقد اسمها شمالية 1 جنب الخيمة الرياضية اما بالنسبة للقاعة مافي احد يعرف بس انت لما تروحي المبنى وقت الاختبار حيبان اكيد
موفقين يااارب

[مادلينا]

جزاك الله خير المستبدة

الله يوفق الجميع

[hudaalahmad]

في أحدأختبر اليوم؟؟؟
أنا بصراحة قدمت بس مارحت الاختبار
ياليت اللي راحوا الجامعة اليوم يخبرونا كيف كان الوضع وايش كانت أسئلة الاختبار
وبالتوفيق للجميع

[مجلة ذكريات]

انا رحت وكان الاختبار متنوع والغالب عليه اسئلة الاداره
بس ماني عارفه متى بيتم الاعلان واين؟

[حلمــــ يحتضــــر]

مساكــــــم اللـــــــــه بالخيــــــــــر

انا رحت الحمدلله .. كان الاختبار السهل الممتنع .. يعني الواحد يقدر يحل و يعتمد بعد الله تعالى على معلوماته العامه ..

بس اغلب الاسأله تخص الاداره يعني يلي ما درس اداره او تخصصه اداره ما راح يعرف يحل إلا اذا كان عنده ثقافه .. واسئله حسابيه 3 اسئله و كمان تاريخيه .. واسأليه محليه وطنيه ..

بس الواحد يعرف يحل^ _ ^ .. مع اني ما توقعت الاسئله تكون بهذه الطريقه السلسه ..

والاختبار كان تظليل هذا حلو لانه يضمن دقة التصحيح و الامانه والمصداقيه بس انحولت عيوني وانا احل .. يتعب .. اهم شئ كان تعاملهم حلوو و بسيط ومتواضعين ويحبون يفهمونك المطلوب ..

الحمدلله على كل حال ..

وربي يعوضنا خير يارب ..

فــــــــــــي امــــــــــــان الكريـــــــــــــــــــــم

[Pet girl]

انا برضه اخترت امس
الاسئلة روعة وكلها او معضمها عن الادارة والحمد الله جاوبتها كلها لانها تخصصي بس شوي الاسئلة اللي عن الحاسب عندي فيها شك
واللي تخصصه مو ادارة بتكون شوي صعبة عليه
صراحة الاسئلة سهلة لدرجة ما توقعتها يعني على كذا بيكون الناجحين مرة كثير وبيكون الترشيح صعب مرة