يوميات....^_________^

[彡yS❤Ry彡]

المشاركة الأصلية كتبت بواسطة dr.candy صراحة انا عن نفسي مسمية الكليات الصحية (( مقبرة دوااافير )) منجد الواحد مايطلع منها سالم دوام الين 4 + نوم ساعتين + نقوم نذاكر اذا نومنا مرررة كويس واحتمال سهر وادمان على نسكافيه ونروح وماا خلصنا الماده وفي النهايية اسئئئئئئئئلة منيلة ونستخدم القانون اول مادخل الاختبارات ( شختك بختك وامشي للحياه)) هههههههههههههههه بدال احتمال سهر اكتبي اكيد ( عن نفسي اقل شي اكمل 30 ساعة صاحي ايام الاختبارات ) اما القانون هذا والله استخدمناه كثيييير الواحد صار مايهمو معدلو .. صار يبغى بس ينجح في دي الماده ومايحملها هذا وانتم تأخذوا جزء من اللي ندرسه ايش نقول احنا انا عن نفسي قسم التمريض مررررة مو سهل ... كانت عندنا 10 مواد افتكر اول ما دخلنا التشريح طبعا احنا في مافي عندنا مشرحة لغاية دحين يصلحو فيها .. دي المشرحة احس منجد مالنا حظ نضرب صحبة مع الكليات الطبية كلها .. مرررة كل ما تتصلح تيجي مطر ولا سيل تعدمها ثاني خخخخخخ احسن من اللي ماعنده مشرحة ( شمال جدة ) نضرب مشوار من الشمال الى الجنوب كل يوم عشان بس المشرحة لا وكمان وقت البريك الناس تريح وحنا بريكنا ضايع في الطريق فصار تيجينا قطع من تشريح الاولاد .. عاد في بنات مدلعين مايشوفو دم يقرفو لمن ياكلو .. طبعا غير ريحة الفورمالين تدخل في الراس مزبووووط اصعب شي ريحة الفورمالين تحرررق العين بقوة انا اول ما دخلت المشرحة <<<مسوية الاخت ثقيلة .. رجعت البيت ما صرت اكل ثلاثة ايام مع الايام صار الواحد ياكل ويشرب والمناظر الخلابة اماامو .. عااادي صراحة نظام الدراسة عاد كفاااية الكويزات تذبح الواحد .. مافي ايام راحة وميدتيرم ونهائي .. دا كلو ورا بعض ::"( امممم كانت اصعب مذاكرة عندي (الاناتومي )) لانو لاختبار حقنا يكون اناتومي + هيستولوجي - امبيريولوجي في يوم واحد ... انتم لو تدرسون pathology ولا biochemistry كان شفتي المواد هذي ولا شششششي المشكلة مادة وحدة من هذي تجيب صدااااااااع في المخ كيف مادتين ؟!! بس الحمدلله عدى على خير.. حتى الاجازة نقوووول خلاص يابنااات نشوف اهلنا ..نقعد على التلفيزيون شوية تيجي الدكتورة عندكم اختبار يوم السبت ..0 هذي معاناهـ والله لو اعد كم ويك اند تهنينا فيه الترم هذا مايتعدا 2 كنت مرررة مستهونة في التحضيري بس اول ما دخلت عرفت شي اسمو روتين قاااااااااتل .. بس خلاص لازم الواحد يتعود على الروتين دا .. بس والله احنا خليناه كده .. المشكلة احنا نقدر نغير بس مافي وقــــــــــــت مافي وقــــت تتكلمي مع احد ... مافي وقت تاكلي بس على وجبة في بريك الجامعة .. مافي وقت تتفرجي تليفزيون .. << وحشني مرررة .. مافي وقت تخرجي تشوفي اهلك ابدا ما يمدي .. حتى خالاتي وعماتي ما اشوفهم ودا كلو في الهاية يقولو انا مقصرة عنهم مايراعو الظرووف ولا صرت متكبرة كمان عشان ما ازورهم .. هذا الششششي اااسسسسوء شي الواحد يمر فيه من جد جايبلي قلق انا نفس الوضع اذا قلت مايمديني اروح او اودي واجيب ( سوق عزايم زواجات الخ ) يقولوا مافيك خير ماتساعد واذا رحت معاهم وسويت اللي يبغوه وجبت درجات متدنيه يقولوا والله انت مهمل وماتذاكر > ع بالهم مدرسة 1+1 = 2 وخلاص ماقول غير الله يعيـــين

علقت ع بعض الاشياء اللي راقت لي في الاقتباس ^_^

[Dr.candy]

.انتم لو تدرسون pathology ولا biochemistry

كان شفتي المواد هذي ولا شششششي المشكلة مادة وحدة من هذي تجيب صدااااااااع في المخ
كيف مادتين ؟!!

بس الحمدلله عدى على خير..

彡yS❤Ry彡

ماتخافش درست بوكميستري ... من يومهم القسم معروووف باسئلتهم الحلوة :)
وبندرس زي موادكم .. من كل بحر قطرة ;)

اما الباثووولجي ان شاء الله الترم الثاني حاخدو
هوا والمايكرو :'(
منجد انا شايفة صحباتتي الي في الطب الله يعينو .. مافي احد يدور على الثاني اصلا

كل تخصص بصعوبته

ربنا يوفقنا ويعييننا

[طالب طب في المستقبل]

السلام عليكم ورحمة الله وبركاته

اولا الحمد لله على سلامتي انا وياسر واسامه

والحمد لله جات العواقب سليمه

ثاني شي سؤال لياسر البلادي كيف كان اختبار البايوك <ابو الاحترام

وبس هذي يومياتي <براا

[~..SoNa..~]

ما شا الله تبارك الله .. الله يحقق لكم مراادكم وتصيروا احسن دكااتره .. ويفتح على يدكم علم ..
صح انو يومكم مرررا زحمه .. بس والله مرررا حلوو ..
ما شا الله يا بختكم .. انا مرررررا حلمي اتخصص طب .. احس دراستو فيه متعه رغم الصعووبه ..
واهم حاجه لما تفكر انك بعد الدراسة ايش حتصير .. بجد تنبسط انك حتصير دكتور تساعد المريضين .. تخليهم يبتسمو بعد البكــاآء .. هما واللي حواليهم ..

بس خلااااص .. راح الحلم مني .. كل درجاتي الحمدلله اووكي .. وتأهلني للطب .. ماعدا الاحيااء ..جبت فيه 80 والانجليزي ليفيل 3 جبت 82 << الاحيااء لانو كان آخر اختباار
يعني معرووف كيف الحاال .. مرررا الواحد ما فحاالو له .. وكمان التيست بانك دسم .. اما الانجليزي اهماال فظيع مني .. ما كنت احضر محاضرات و ادا حضرت
يكون في يدي الـ bb يعني ما اركز ..

والله لو تشوفوني وانا فااتحه الاودس اشوف درجتي مو مصدقه .. انا شايفتها 80في الاحيااء .. بس احس اني مو مستووعبه ..
وقفلت الاودس .. وجالسه ادعي ..(( ياا رب انا شايفتها 80 بس خلي دا الشي خياال .. يا رب خليها 90 )) << كاني مجنوونه ..
وافتحو مررا تانيه والقااه نفس الدرجه .. ورجعت قفلت .. وكمان ادعي (( ياا رب حولها من 80 الى 90 .. ياا رب انتا قادر على كل شي )) .. وارجع افتح القاها 80 .. وكمان قفلت مرره تالته .. ورحت لماما قلت لها يا ماما ادعي انو هما غلطانين .. ودرجتي 90 ..<< يعني من جد يومها انا ما قدررت اتحمل الصدمه .. خلاص الطب رااح من يدي.. وكل تصرفااتي دي تدل على الصدمه .. انا شايفه الدرجه بس مو قادره اصدقها ..
ودحين وانا اكتب لكم اللي حصل .. جاالسه اضحك على نفسي .. هههههههههههه.. من جد حالتي كانت صعبه ..
بس والله اني لسى متأمله برربي كتـــــــــير ..وما استغني عن دعواتكم ..

[nani_17]

^

ليه راح من يدك !!

درجاتك حلوه وتأهلك على حسب معلوماتي وانتي شدي حيلك ولكل مجتهد نصيب ..

[مَـزٍآج ..}..]

سلآم شبآب ..

عندي سؤال في المآيكرو .. عندكم شيتآت كويسه .. اسئله كومن .. اي شئ يخآرجنآ من الماده دي

انا بسأل من دحين للسسمستر الجآي .. لأنه نظآمنآ سنـوي خمسين درجه سمستر اول وخمسيـن ثآني ..

وحآسس اني جبت العييد بعنف في الأول .. مضغوطيـن بعنف سبعه مواد معآهآ مو قآدر اركز في شئ

غير السمستر الثآني عشره موإأد .. يعني ضغط بشكل مدري كيـف والله راح يعدي السمستر

اصعب سمستر في طب الأسنان كـلـوو هدآ الي جآي :( :( :( ..

والماده دسمه وانواع البكتريآت جآبت لاهلي صداع نصفي وقت الأختبآررر ..

فالي عنده اي معلومه تخآرجني من الماده دي لآ يبخل علينآآ

[طالب طب في المستقبل]

^^^
الله يعنك اخي مزاج ...وإن شاء الله تعدي بأعلى الدرجات

بالنسبه لشيتات المايكروو ... سرجون جنبي ويقول اذا تبغى شيتات للمايكروو ترى هي موجوده

وفي اي وقت تحتاجها نجيبها لك

بالتوفيق

مزاج ~>ايش رايك تجي تشرب معنا شاهي <<براا

[rubi]

مرة عاجبتني تعليقاتكم مع اني مو طب

الله يوفقكم يارب

[彡yS❤Ry彡]

المشاركة الأصلية كتبت بواسطة طالب طب في المستقبل السلام عليكم ورحمة الله وبركاته اولا الحمد لله على سلامتي انا وياسر واسامه والحمد لله جات العواقب سليمه ثاني شي سؤال لياسر البلادي كيف كان اختبار البايوك <ابو الاحترام وبس هذي يومياتي <براا

كيف كان يعني اكيد سهالة ايش اختبار البايوك اصلا ؟؟
بعد الاستعانة بالاصدقاء والاستعانة بجوالي العزيز في حل اسئلة ال essay
تبقي لدينا ال maching
تعرف في الجرايد مو فيه كلمات متقاطعة وتجلس تلعب فيها
نفس الحالة اجلس اصرف كل سهم يودي لمكان
واذا بتسوي محنك ماحد قدك حط فقرتين في مكان واحد
عشان امكن تصيد وحدة وطبعا هيا 5 فقرات الوحدة يعني ذكائك ماينفع امكن تكون الثنتين غلط
بس اختبار ممتع صراحة ولا الدكتور يقول قالولي اخلي الفقرات ملخبطة لكل طالب بس انا قلتلهم
مايحتاج طلابي مايسووا كذا ومايحتاجوا يسووا كذا اصلا
> تطالع في العيال وهو يقول الجملة هذي ومعطينا ظهره كل واحد راسه ورا وشغالين غش
الاختبار 3 ساعات بعد ساعتين من الاختبار جلس يسألنا
هاا احد خلص ؟ >> يحسب الاختبار سهل يقول ذحين بيشوف احد مخلص
العيال كلهم صفيف لسى اصلا باقي ماخلصوا الاختيارات
قال ايوا اصلوا الاختبار طويل شوي >> خرشهاا مسوي طلابي نوابغ "" قدام دكتور ثاني " بس المشكلة في طول الاختبار

بس الاختبار يعني بصفة عامة مع كل وسائل المساعدة لابأس فيه >> احس من المتوقع ماتوقعت احل شي اصلا نظرا لاني ماخلصت ربع المنهج وربي منهج مررررة طويل لو اجمع الاناتومي والامبريو والهستولوجي يطلع اكثر منهم

[surgeon]

يا محلا العطله في الوطن وخصوصا ان ماعندك بعدها اختبارات انواااااااااااااااااااااااع الونااااااااااااااسه


سرجون عند امه