اللي حيختبرو قدرات يوم الاحد..مستعدين؟ جاهزين؟ من فين بتزاكرو؟ تعالو نستفيد من بعض..

[أنا وبس]

صحيح نفس اجاباتي
طيب باللهي احد يفتكر اسئلة العلاقات ! خبصت الدنيا شكلي فيها !

[eman 111]

اية علاقات؟؟؟

[أنا وبس]

يعني علاقة تتابع علاقه جزء من كل زي كدا!!

[أنا وبس]

صحيح الوقت كان جداً سيء وغير كدا كانت الدقيقة تعدي ثانية!!
انا شفت الاسئلة مي مرا من جد واضحة بس العيب في الوقت مايمدي تفكري ابدا خمني احسن لك
كثير اشياء وانا افكر اخمن بس برضو الوقت ماساعدني احلها!!

[eman 111]

أخواتي اعتذر مضطرة اخرج دحين

بس ممكن تكتبوا الأسئلة وعلى الفجر أدخل وأحلها ولمن تفتحوها تلقو الاجابات

[دلع و حلا]

سبحان الله ماأحب التخمين أبدا.... احس يلخبطني زيادة فوق ماني ملخبطة
يااااااااارب

[أنا وبس]

في شغلات كانت تحتاج انك تخمني الجواب
بالذات الاجوبة المنطقية! تفكري وتخمني كمان :)
الله معاك ايمان

[المتخرجة]

أولا: سلااااااااام ياحلوين
تانيا: آآآآآآه يا مخي يا مسكين بذل بجهود جبار اليوم هع
انا ماصدقت خلصت الاختبااااار وخرجت مرة تعبت وصدعت حسيت الأسئلة متعبة
امممم الأشياء المنطقية اللي زي الألعاب اللي يحطوها في المجلات والجرايد حسيتها سهلة وحليتها بكل ثقة
ماعدا اتنين امكن ماعرفتهم
والجزء اللفظي بصراحة كان اسهل من المتوقع
بس برضو في كم كلمة ماعرفتها <<<< نسيت ايش هما<<< حتتلطش
أما المسائل الحسابية في حاجات سههههلة وعلطول تنحل
وفي حاجات تجيب المدري ايش<<< قصدها تجيب الجنان هع

بس بصراحة قهرووووووني هدولا المراقبات مرررررررة لكوعين وماقدّرو انو سياراتنا برة من زمان
وما خلونا نبدأ الاختبار بعد المغرب بنص ساعة <<<< زي ماهم كاتبين في الموقع
هادا غير انو قبل مانبدأ شغلولنا فيلم طويل عريض عن الارشادات بكل لكاعة وبطء أففففف
حتى بعد ماخلصنا الاختبار وأخدو الاوراق برضو ماخرجونا وقاعدين يتلكعو ويتدلعو ومدري ايش يسوو في الاوراق وماهمهم سياراتنا اللي برة <<<< زوجي من الساعة ٨ برة الين ١٠ ونص
المفروض كانو يقولولنا من البداية انو الاختبار واجراءاتو حتاخد اكتر من ٣ ساعات
وجع وجع وجع
انا مرة مقهوووورة من اليوم


بس اتوقع اجيب ٧٠٪

[دلع و حلا]

أنا وبس.. ايش أسهل سؤال بنظرك ؟؟ يعني بسرعة جاوبت عليه

[أنا وبس]

المشاركة الأصلية كتبت بواسطة دلع و حلا أنا وبس.. ايش أسهل سؤال بنظرك ؟؟ يعني بسرعة جاوبت عليه

امممممم افتكر اسئلة المنطقي ( تخمين الشكل) صح حوست فيها بس حسيتها زي اللعبة :d