محاضرات السنترا لطالبات خطه ب ( تقرير يومي )

[Frish flower]

السلام علكيم كيف حالكم إن شاء الله بخير الله يعين الجميع ..
امس حضرت محاضرة انقلش وكان السنترا مرررة يقطع بس رح اكتبلكم الي استفدته من المحاضرة ..
الاستاذة قالت انه الباب التاسع القطعة محذوفة ..
20 و21 كلها معانا و22 الكلمات مرة مهمة وقالت فرقو بين كلمة museumوgallery
الاولى يعني متحف والتانية معرض نفرق بينهم انه المتحف مانشتري منه الرسومات والمعرض نقدر نشتري منه الرسومات.
وكمان بين الكلمتين drawingوpainting
الاولى تعني رسمة والتانية زي اللوحة بس الفرق انه الاولى تترسم بالمرسام والقلم والاوان الخشبية ودي الاشياء وكمان الفلومستر اما التانية تكون بالالوان الي مثلا تكون زي الطلاء تكون ملونة يعني رسمة ملونة والاولة بس رسمة مرسومة مهي ملونة وان كانت مرسومة بالالوان ..
لازم تحفظوا الكلمات ومعانيها بالانجليزي المكتوب بالكتاب واذا ماعرفتو اي كلمة ترجموها ..عشان تسهل ..
وباقي الصفحة معانا و23 و24 و25 كله معانا والقطع مهمة ..
و26 الجزء الول مو مهم ماشرحته .. والجزء التاني الي فيه الرسمات معانا.
و27 معانا والجدول الي تحت مو مهم بس الكلمات الي فيه الي على اليسار مهمة ..
28 و29 و30 الجزء الي فوق مو مهم مرة بس حطة خط تحت واز وير..والقاعدة مهمة ترى سهلة ..
و31 معانا و32 الجزء الول مو مهم والجزء التاني معان الي فية وين نحط الفواص ..
و33و34مو مهم ولا شي فيها يعني لا تذاكروة لانها اصلا ماقالت عنه شي ولا حتى قرأته..
ذاكرو وحلو الاسئلة بعدين اتاكدوا من الحل من اخر الكتاب فيه كل الاسئلة محلولة انا احل من هناك لانه مع الاستاذه ماحد يلحق على شي ..
إن شاء الله اكون افدتكم ولو محتاجين شي ارسلولي رسالة اعطيكم ايميلي ...

وسامحوني طولت علييييييييييييييكم ..
والله يرفقنا وينجحنا ونجيب درجااااااات عاليييييية قولوا امين

[قطورة]

مشكوره غناتي ما تقصري
الله يعطيك الف عافيه
موفقين جميعا
تحياتي المستقبليه

[دروب الحياة]

المشاركة الأصلية كتبت بواسطة rare-rose يابنات يا حلوات وجشششششششششششششششتتتتتوني كيفكم ؟؟ مع الزفت السنترا انا ولله الحمد مارضي لا يوم السبت ولا الاحد يدخلني ورحت الاثنين الجامعة واليوم دخلت بطلعة الروح محاضرة انجليزي أ/ نهى الحربي لقيت الاستاذة بدأت وبعدين خرجت ومارجعت مرة تانية غير انه كل شوي الصوت بيقطع اما محاضرة التفكير فكل مادخلت الا والا يخرجني منها ونفس الحكاية الصوت بيقطع ونفس الحكاية خرجت وسيبتا غير انه شرحها قراءة فيا عسولات عندي كم استفسار اول حاجة كيف اعرف انه هاذي الكلمات اللي في الانجليزي مطالبة بحفظها يعني انا حملت من هنا جميع vocabulary بس كيف عرفتوا انها دي اللي معانا؟ المفردات اللي في voucabulary for compreheneion متلا صفحة 5و22 وعلى هذا المنوال من كل يونت كمان قالت الاستادة نهى on your one من كل يونت عبارة عن كتابة تعبير مو معنا والفصل اخير بس نذاكر الكلمات وجرامر من غير القطعة القراءة السؤال الثاني : اش المحذوف من الباب التاسع في مهارات الاتصال؟ الباب التاسع الجزء التاني الفصل الثاني من الكتاب من صفحة 146 الى 154 يعني اي جزء الاول ام الثاني لان اتلخبت في بنات يقولوا الاول وبنات بيقولوا الثاني؟ السؤال الثالث هل هناك امل في انه ينحذف من التفكير شيء طب انا سمعت من البنات انه في اشياء تعديها فهل معناه انه غير مهم ادري اني قرقرت واجد بس بليز ساعدوني الله يحرم جلودكم على النار

امين ياربي وياكي

[lanoo22]

الله يعطيكم العافيه بنات ماقصرتوا
Frish flower
مشكووره وربي يوفقك

[قلب زوجها]

أختي فرش فلور

الله يسعدك غاليتي وين ماتروحين ، ويسهل أمورك ، ويجعل التوفيق والنجاح حليفك بالدنيا والآخرة

مانستغني عنك ياقلبي

لاتحرمينا جديدك - الله يوفقك

مشكورة وماقصرتي

[دروب الحياة]

المشاركة الأصلية كتبت بواسطة FDET RO7I يالباااااا قلبـــكـ ((بووح آنثــى)) مشكوررة ماقصرتي.. بليـــز الي تعرف شي عن آلانجليزي تقووول ضرووووري بنااات ..شكرآ....

اذا قصدك شكل كتاب الانجليزي هذي هي صورته على هذا الرابط

http://admission.kau.edu.sa/admissio...es/elca101.pdf

[ALSRAR]

محاضرة الاحصاء يوم الاثنين تخيلوا مااتسجلت
دخلت ابغي اعمل اعادة تشغيل مالقيت

[دروب الحياة]

المشاركة الأصلية كتبت بواسطة alsrar محاضرة الاحصاء يوم الاثنين تخيلوا مااتسجلت دخلت ابغي اعمل اعادة تشغيل مالقيت

لازم اول ماتبدأ المحاضرة تلاقي تحت على يسار ساعة تسجيل وعلامة تسجيل دائرة حمرة اذا مالقيتيها زيني فوق راس الاستاذة انتي وباقي البنات خليها تسجل لانه هي اللي طفتها وهي ماتدري

[أنثا خراافيه]

بنااااااااااااااات كيفكم
ان شاء الله تمااام مع السنترا الاهبل


المهم
كيف اطلع موقع دكتوره الاحصاء؟؟
بليز قولولي كييييييييف


بالتوفيق للجمييييييع

[طالبة علم2010]

اخواتي ما هي الكتب التي اخذها انا في السنة التحضيرية خطة ب ومن وين اشتريها وهل فيه تصوير لها