يوميات....^_________^

[彡yS❤Ry彡]

المشاركة الأصلية كتبت بواسطة طالب طب في المستقبل السلام عليكم ورحمة الله وبركاته اولا الحمد لله على سلامتي انا وياسر واسامه والحمد لله جات العواقب سليمه ثاني شي سؤال لياسر البلادي كيف كان اختبار البايوك <ابو الاحترام وبس هذي يومياتي <براا

كيف كان يعني اكيد سهالة ايش اختبار البايوك اصلا ؟؟
بعد الاستعانة بالاصدقاء والاستعانة بجوالي العزيز في حل اسئلة ال essay
تبقي لدينا ال maching
تعرف في الجرايد مو فيه كلمات متقاطعة وتجلس تلعب فيها
نفس الحالة اجلس اصرف كل سهم يودي لمكان
واذا بتسوي محنك ماحد قدك حط فقرتين في مكان واحد
عشان امكن تصيد وحدة وطبعا هيا 5 فقرات الوحدة يعني ذكائك ماينفع امكن تكون الثنتين غلط
بس اختبار ممتع صراحة ولا الدكتور يقول قالولي اخلي الفقرات ملخبطة لكل طالب بس انا قلتلهم
مايحتاج طلابي مايسووا كذا ومايحتاجوا يسووا كذا اصلا
> تطالع في العيال وهو يقول الجملة هذي ومعطينا ظهره كل واحد راسه ورا وشغالين غش
الاختبار 3 ساعات بعد ساعتين من الاختبار جلس يسألنا
هاا احد خلص ؟ >> يحسب الاختبار سهل يقول ذحين بيشوف احد مخلص
العيال كلهم صفيف لسى اصلا باقي ماخلصوا الاختيارات
قال ايوا اصلوا الاختبار طويل شوي >> خرشهاا مسوي طلابي نوابغ "" قدام دكتور ثاني " بس المشكلة في طول الاختبار

بس الاختبار يعني بصفة عامة مع كل وسائل المساعدة لابأس فيه >> احس من المتوقع ماتوقعت احل شي اصلا نظرا لاني ماخلصت ربع المنهج وربي منهج مررررة طويل لو اجمع الاناتومي والامبريو والهستولوجي يطلع اكثر منهم

[~..SoNa..~]

ما شا الله تبارك الله .. الله يحقق لكم مراادكم وتصيروا احسن دكااتره .. ويفتح على يدكم علم ..
صح انو يومكم مرررا زحمه .. بس والله مرررا حلوو ..
ما شا الله يا بختكم .. انا مرررررا حلمي اتخصص طب .. احس دراستو فيه متعه رغم الصعووبه ..
واهم حاجه لما تفكر انك بعد الدراسة ايش حتصير .. بجد تنبسط انك حتصير دكتور تساعد المريضين .. تخليهم يبتسمو بعد البكــاآء .. هما واللي حواليهم ..

بس خلااااص .. راح الحلم مني .. كل درجاتي الحمدلله اووكي .. وتأهلني للطب .. ماعدا الاحيااء ..جبت فيه 80 والانجليزي ليفيل 3 جبت 82 << الاحيااء لانو كان آخر اختباار
يعني معرووف كيف الحاال .. مرررا الواحد ما فحاالو له .. وكمان التيست بانك دسم .. اما الانجليزي اهماال فظيع مني .. ما كنت احضر محاضرات و ادا حضرت
يكون في يدي الـ bb يعني ما اركز ..

والله لو تشوفوني وانا فااتحه الاودس اشوف درجتي مو مصدقه .. انا شايفتها 80في الاحيااء .. بس احس اني مو مستووعبه ..
وقفلت الاودس .. وجالسه ادعي ..(( ياا رب انا شايفتها 80 بس خلي دا الشي خياال .. يا رب خليها 90 )) << كاني مجنوونه ..
وافتحو مررا تانيه والقااه نفس الدرجه .. ورجعت قفلت .. وكمان ادعي (( ياا رب حولها من 80 الى 90 .. ياا رب انتا قادر على كل شي )) .. وارجع افتح القاها 80 .. وكمان قفلت مرره تالته .. ورحت لماما قلت لها يا ماما ادعي انو هما غلطانين .. ودرجتي 90 ..<< يعني من جد يومها انا ما قدررت اتحمل الصدمه .. خلاص الطب رااح من يدي.. وكل تصرفااتي دي تدل على الصدمه .. انا شايفه الدرجه بس مو قادره اصدقها ..
ودحين وانا اكتب لكم اللي حصل .. جاالسه اضحك على نفسي .. هههههههههههه.. من جد حالتي كانت صعبه ..
بس والله اني لسى متأمله برربي كتـــــــــير ..وما استغني عن دعواتكم ..

[nani_17]

^

ليه راح من يدك !!

درجاتك حلوه وتأهلك على حسب معلوماتي وانتي شدي حيلك ولكل مجتهد نصيب ..

[مَـزٍآج ..}..]

سلآم شبآب ..

عندي سؤال في المآيكرو .. عندكم شيتآت كويسه .. اسئله كومن .. اي شئ يخآرجنآ من الماده دي

انا بسأل من دحين للسسمستر الجآي .. لأنه نظآمنآ سنـوي خمسين درجه سمستر اول وخمسيـن ثآني ..

وحآسس اني جبت العييد بعنف في الأول .. مضغوطيـن بعنف سبعه مواد معآهآ مو قآدر اركز في شئ

غير السمستر الثآني عشره موإأد .. يعني ضغط بشكل مدري كيـف والله راح يعدي السمستر

اصعب سمستر في طب الأسنان كـلـوو هدآ الي جآي :( :( :( ..

والماده دسمه وانواع البكتريآت جآبت لاهلي صداع نصفي وقت الأختبآررر ..

فالي عنده اي معلومه تخآرجني من الماده دي لآ يبخل علينآآ

[طالب طب في المستقبل]

^^^
الله يعنك اخي مزاج ...وإن شاء الله تعدي بأعلى الدرجات

بالنسبه لشيتات المايكروو ... سرجون جنبي ويقول اذا تبغى شيتات للمايكروو ترى هي موجوده

وفي اي وقت تحتاجها نجيبها لك

بالتوفيق

مزاج ~>ايش رايك تجي تشرب معنا شاهي <<براا

[مَـزٍآج ..}..]

المشاركة الأصلية كتبت بواسطة طالب طب في المستقبل ^^^ الله يعنك اخي مزاج ...وإن شاء الله تعدي بأعلى الدرجات بالنسبه لشيتات المايكروو ... سرجون جنبي ويقول اذا تبغى شيتات للمايكروو ترى هي موجوده وفي اي وقت تحتاجها نجيبها لك بالتوفيق مزاج ~>ايش رايك تجي تشرب معنا شاهي <<براا

عرض الشآهي لسه لأني جاي جاي >> يالله النشبه

المهم الله يعطيك العآفيـه .. حمد لله تخآرجت .. ع الستمسر الثآني نشوفلنا خصوصي

ومشكور .. بعدين ياخي غير نكك خلاص ما عاد يصلح لك

[rubi]

مرة عاجبتني تعليقاتكم مع اني مو طب

الله يوفقكم يارب

[surgeon]

يا محلا العطله في الوطن وخصوصا ان ماعندك بعدها اختبارات انواااااااااااااااااااااااع الونااااااااااااااسه


سرجون عند امه

[Dr.candy]

يب يب العطلة مافي احلى منها عشاااااااااان ناخذ نفس

ياحسرة نهاية الاجازة ... كرف مذاكرة للاختبارات

سرجون ... لاتتريق علينا

[彡yS❤Ry彡]

للتذكــير فقط
باقي 3 ايام ع انتهاء الاجازة اللي عندهـ اختبارات اول اسبوع يروح يذاكــر
>> بينضــرب خخخخ