تجمع طالبات اللغه الانجليزيه جميع المستويات

[(*_^)]

بنات انا شعبه د نوف الساعه 9 مين تبغى تبدل اخذ الساعه وحده بليز تراسلني ع الخاص

[(*_^)]

د ايمان تونسي جيده

[رغد محمد]

المشاركة الأصلية كتبت بواسطة nour al3mr بنوتــآت المواد الجديدة هل اضافوها لكم بقائمة الشعب ..؟

،’

أهلااااا قمري ..~

يب يب أضافوها .. أنا شخصيًا أضافوا لي مادة مبادئ العلوم الطبيعية ...

وفي وحدة أعرفها أضافوا لما مادتين : مبادئ العلوم وَ المواطنة وقيم الشباب ..~

أنا لما حذفت مبادئ العلوم علشان مقدمة الأدب ماقدرت ارجعها أبدًا لأن الشُعَب فُل تمامًا فيه ..~

الحمد لله على كل حال ..~

أي استفسار آآخر تفضلي قمري ..~

،’

[joudy Abbout]

ابتسام باجري ممتازه

منال باتوباره يمكن اصعب من حصه بس شرح وحقك محفوظ عندها

[joudy Abbout]

بنوتات ماقلتولي كيف مريم في اللغويات الاجتماعيه


بليز ردوا علي

[toofey]

صبا ح الخير بنوتات
حابة اعرف رمز ورقم مادة الاقناع وكمان مادة قيم المواطنة كمادة حرة عشان اضيفها في حالة ماقدرت اضيف العلوم

[MS.Fabulous]

المشاركة الأصلية كتبت بواسطة cuteness-h واللهي ياحبيبتي مااعرف ايش اقولك بس هوا مررررة حلو والاستاذه كمان كانت تمام وزي العسل واحسهم بيتساهلو عشان مو تخصص وكدا لكن انو زي الاحصاء انا اشوفو افضل

اهاا اوك يسلمووو الله يعطيك العافيه

المشاركة الأصلية كتبت بواسطة طموحه للمعالي يااربي ييسر بنات بلييز اي وحده تعرف عن هالاستاذتين شي لاتقصر بالرد وربي شايله هم مررره هم استاذه فايزه كلكتاوي : لغويات اجتماعيه و استاذه هند جمل اليل : فكشن بلييييز الله ييسر ويفرج كرب كل من ردت علي لاني خايفه احذفها واندم واخليها ونا مدري وش السالفه

كان ودي اساعدك بس للاسف مااعرفهم

المشاركة الأصلية كتبت بواسطة lolaleta بنات الله يسعدكم ايش رايكم في منال باتوباراه وحصه الراشد مقدمة في الادب مين احسن وكيف اسلوبهم

منال باتوباره الكل يمدح فيها في الدراما وان شاء الله تكون تمام في الادب
حصه زي ماقلت قبل صحبتي وكمان كم بنت درسو معاها مايمدحوها

[MS.Fabulous]

المشاركة الأصلية كتبت بواسطة nour al3mr إيمان تونسي أفتكر انها حضرت لطالبات الانتساب فرع السليمانية الترم الماضي والبنات مرة مدحوها بعد الاختبار و صدور الدرجات

من جد الحمد لله وربي ارتحت الله يطمنك زي ماطمنتيني انا اعرف انها كانت تدرس تدريب 1 وماشفتها درست دراما قبل عشان كذا كنت خايفه
الله ييسر لك جدولك موفقه ان شاء الله نوري

المشاركة الأصلية كتبت بواسطة nour al3mr بنوتــآت المواد الجديدة هل اضافوها لكم بقائمة الشعب ..؟

اضافو علوم طبيعيه بس الباقيين مااعرف بس شفت علوم

المشاركة الأصلية كتبت بواسطة Meno..~ بنآآآآآآآآت محد يععععرفّ : هند جمل الليل وَ فآيزه كلكتآوي ..؟!!

مااعرفهم للاسف

المشاركة الأصلية كتبت بواسطة toofey صبا ح الخير بنوتات حابة اعرف رمز ورقم مادة الاقناع وكمان مادة قيم المواطنة كمادة حرة عشان اضيفها في حالة ماقدرت اضيف العلوم

com 205 بس مالها شعب للاسف

[shoog4]

السلام عليكم ورحمة الله

بنات مين يعرف سميحه حداد في الادب وكيف حصه الراشد,, لاني محتاااره مررره بينهم

وكمان علم الدلاله مع صالحه القرني ما اعرفها ,,,كنت اتمنى اكون مع ناديه بامدحن الله يسعدها بس ربي ماكتب

معليش حبيباتي زودتها عليكم بس كمان كنت بسأل عن كوثر الدوسري لاني عندها كيف اسلوبها واسئلتها,,
وكمان اميره قشقري في النحو,,,

مرررره خااايفه اندم هذا الترم ,,,
الله يسعـــــدكم اللي عندها معلومه تقولي الله يفرجها عليكم يارب,,




انتظركم بفارغ الصبـــــــــــــــــر يالغوالي,,,,

[Me :)]

كيف حالكم ياحلوات ... اكيد الحذف والاظافة مشيب روسكم

حبيت اساعدكم واعطيكم نبذة مختصرة عن الاستاذات اللى درست معاهم
الاستاذة اللى ماذكرت اسمها (يعني مادرست معاها ) ok

حاذكر كل الاستاذات الموجودين بقائمة الشعب لترم دا
نبدأ بسم الله

سوسن الجحدلي : اسئلتها عسل وهي عسل واللى تدرس معاها محظوظة.

زينة الشهراني: ماتشرح بس اسئلتها مو صعبة ولا سهلة بس اللى تزاكر تنجح.
حصة الراشد: شرحها كويس واسئلتها شويه صعبه بس تحب البنت اللى تشارك معاها
وتعرف تكتب براقراف كويس تنجح.
مني ماوية: اخلاق حبوبة تشرح وحاضراتها كلها حلوه اختباراتها تتدرج بين الصعب والسهل
يعني مش كل الاسئلة سهله ولا كلها صعبة وتنجحوا معاها.

سامية رحيم الدين: محاضراتها سيئة وتسب لكن لاتتاخروا على محاضراتها ولا تتكلموا اثناء المحاضرة .... والاسئلة تقريبا مقالي احفظي لها الكتاب تنجحي.
مريم الجوفي: تتفلسف في المحاضرة كل المحاضرة سواليفها وتخلي البنات يقروا في المحاضرة
وكمان تدي فوكابلري كتيييييييير وعلى غير فايدة واسئلتها زفت ماتعرفي اش تبغى بالضبط زي ماقلت بس تتفلسف.
نورة المالكي : ياناس عليها .... مرة عسل وشرحها عسل واسئلتها حلوه بس تحب الواجبات كثير
وتحذف من المنهج يعني تاخذي المادة معاها وانتي مرتاحة.
هند فريج: مادري من فين ابدأ والا كيف انتهي .... شرحها واضح صوتها في المحاضرة مررررررررره واطي لازم تجلس قدام اذا تبغى تسمعي .....تقوم البنات فجأة فكوني مركزة مزبوط
اسئلتها حلوه لكن احيانا يجي لك سوال صدمة ...
شادية بنجر: كلامها كتير والمناهج معاها كتير ودائما ملخبطة وتشرح وتعيد الكلام اليوم التاني كلام غير ماتفهمي اش تبغى اسئله الاختبار تقولها قبل الاختبار (احسن من كدا اش تبغى)
وتحب البنات يسووا لها عرض كل طالبة وحدها .... والواجبات اول بأول.
مني بادويس: مخلصة بالشرح حتي لو انتي نايمه بالمحاضرة تفهمي ... اهم شي لازم تشاركي معاها في المحاضرة اكتر من مره وحتنجحي.... لكن لو ما تشاركي وتغيبي حترسبي....اسئلتها مش سهلة ولا صعبة.
اميرة قشقري: ماتشرح البنات هم اللى يشرحوا(عرض) وفي النهاية تنجحي (للامانة مادرست معاها لكن هذا اللى سمعت عنها).
سميحة حداد: تشرح ومحاضرتها كويسة ...اما اسئلتها صح وخطأ واختياري وفراغات اما المقالي في اختبار تاني مثل الكويز ....اسئلتها حلوه للى زاكر لكن الفراغات موووووت... واحيانا تلعب بالصح والخطأ يعني تلخبطك ماتعرفي اش الاجابة الصح.بس للامانة نجحت معاها ب89
يعني اللى يركز ويزاكر ينجح.
منال باتوبارة: شرحها حلو واسئلتها عسل مثلها بس تحب البنات يسووا عرض كويس وتنجحي بدرجة حلوه... اهم شي عندها البنت اللى تعرف تكتب براقراف ومرتب.
ليلي الدخيل: كلامها مررررررررررررررررررررررررررررررررررررررره كتير
وصعب وكمان اسئلتها ...البنات كانوا يسجلوا محاضراتها وبعدين يكتبوها ... كوزاتها كتير يعني لازم تجهزي حالك من بدري....ونصيحة لاتاخدوا معاها شي .
فوزية اصيل:سمعت عنها انها كويسة وشرحها كويس لكن اسئلة الاختبار غريبة .مادرست معاها اما العرض لازم يكون ممتاز علشان تديكي الدرجة الكامله.
ايمان تونسي: اسلوبها في تقسيم الدرجات متعب يعني 15 اختبار و10 واجبات 3 نشاط 5 تروحي الجامعه ومادري اش تسوي وهكذا يعني طلباتها كتير لكن المنهج مريح معاها تسوي عرض مع القروب . اسئلتها سهلة للى يفهم اش تبغى ( نقلا عن البنات اللى درسوا معاها).
فتحية الغريبي: شرحها حلو ..لازم تشاركي معاها..تسوي عرض...اسئله الاختبار حلوه للى زاكر لكن فيها اسئله صعبة....لازم تجهزوالها كويس الاسئلة المقالي(تجيبي من النت من استازة من اي مكان لان اكبر درجة على المقالي).
نادية بامدحن: شرحها حلو كل اللى تكتبة اكتبي معاها كل شي اللى على السبورة او حتي اللى تقولوه
شاركي معاها لاتغيبي.... اسئلتها صح وخطأ فرغات تعاريف او مصطلح وفيه مقالي 5 سطور
اهم شي تزاكري بتركيز.
ابتسام باجري: تشرح بالعربي... اخلاق... تساعد البنات ...اسئلتها قليلة كل فقرة بدرجتين وسوال مقالي ....واحلى شي فيها تحذف للفاينل..ترتاحي معاها .لكن لاتغلطي في الاختبار نهائيا ...احفظي لها المنهج زي اسمك.
فاطمة الياس: تسب فلا تستغربي منها ... شرح ما تشرح البنات يسووا عرض الاسئلة موضوعي النجاح بالستين (الله اعلم شكلها ماتصحح لكن تنجح على ال 60)
نوف الخطابي : مادرست معاها لكن البنات يمدحوا فيها وتنجح.
فايزة كلكتاوي: كمان مادرست معاها ...سمعت بنات يمدحوا في شرحها واسئلتها.
بقية الاستازات ما اعرفهم ومادرست معاهم....
بتوفيق ان شاء الله وتتخرجوا مثلي
اي وحدة عندها سوال تتفضل.