وظائف للمعيدين والمعيدات-والمحاضرين والمحاضرات بكلية العلوم والاداب بخليص

[fare]

المشاركة الأصلية كتبت بواسطة الأميـــــرهـ سلام عليكم ورحمة الله وبركاته .. عزيزتي الله يعطيك ألف عافية ويوفقك ويفتحلك أبواب رزقه ويفرج همك ويرزقك بما تتمنين وفوق ماتتمنين أنه ولي ذلك والقادر عليه .. حبيبتي إذا أمكن بكرة أختي بالجامعة تعطيك أوراقي بنفس مكانك الله يفتح عليك .. حاولت أرسلك رسالة خاصة برقمي وإيميلي بس مارضيو يقولوا عدد المشاركات قليل ..لكن هذا إيميلي الليلة الله يسعدك أرسليلي رقمك عشان بكرة أختي تتصل فيك وتعطيك الأوراق .. إيميلي // sraab.009@هوت ميل دت كوم حاولت أخلطها حروف انجليزي بعربي عشان مايحذفوه .. الله يستر عليك ياارب ويوفقك ويفتح عليك ..

تامرين امر
جوالي ارسله لك على الخاص
انا ان شاء الله بكون في الجامعة من بعد 10 الى 1
خليها تكلمني واحدد معها المكان
وفقنا الله جميع

[الأميـــــرهـ]

المقصودة بكلامي الأخت fare :)

[مطلع الفجر]

بنااات لا تعطوا أصل شهادتكم ووثائقكم لأي أحد مهما كان هذي لكم..مافي نظام يطلب هذا الشيء وقت التقديم إلا للمطابقة فقط إذا طلب ومن ثم يرجعونها لكم في لحظتها ..أو إذا انقبلتوا وتوظفتوا رسمي.

المطلوب في التقديم فقط صورة مختومة بختم طبق الأصل أو صورة فقط..حسب طلب القسم.

[مطلع الفجر]

بالنسبة لكشف الدرجات العربي أنا في الأودس لماكنت أدرس الماستر كان مكتوب بالعربي فلما رحت أستلم وثيقتي للماستر من عمادة الدراسات العليا طلب من المسؤولة اللي سلمتني الوثيقة تدخل على حسابي برقمي الجامعي وتطبع لي كشف الدرجات لأنه وقتها اتقفل حسابي في الأودس وماكنت أقدر أدخل وما كنت أدري أنه كشف الدرجات راح يكون بالأنجليزي ولا كنت عملت حسابي لهذا الشيء من قبل ..هذا بالنسبة لنا احنا الماستر مادري كيف بالنسبة للبكالوريوس .

الله يوفقنا ويوفقكم جميعا يارب

[امونة المزيونة]

بنات عندي مشكلة:'(
مو قادرة اطبع نتيجتي بقياااس ، ايقونة الطباعة مو مفعلة يعني اضغط عليها مايسير شي !!
جربت اكسبلرور وفاير فوكس وبرضو:'(

[Kaname]

شوفي روحي على ملف من فوق نفس الصفحة واختاري طباعة ...
يعني تطبعي الصفحة .. بدل ما تضغطي من الايقونة
ان شاء الله تنفع

[امونة المزيونة]

^
هوه شكلو مافيه الاكداا ، شكرا الله يسعدك..

بس اشوف الناس تحفظها بأسم وتفتحها بالورد وبعدين تطبع!!!! عادي كذاا ؟!!!
عالكذا بحط الدرجة اللي ابغاهااا

[عالمة السراب]

وربي الدنيا جباااره وعفتها وانا سراااااااااااب وحلمي سرااااااااااب
ليتني ماتخرجت اذ هذا الي بيصير بحالي خريجه جامعه عالميه وعااطله
( أسالكم بالله من يقرأ ردي يدعيلي ان ربي يلهمني الصبر ويسهل مرادي انا في هم مايعلم به الا ربي )
خروج نهائي 23/11/1432 هـ
عالمة السراب

[waad1]

السلام عليكم


يابنات بالله عليكم فزعتكم

مين رايح بكرة الاحد ولاالاثنين...؟

انا رحت اليوم السبت ودخت ودوخت الوالد مسكين الله يعطيه العافية..

وكانت الاوراق كلها اوكي ماعادا نسيت الورقة حقت الستيب step اللي فيها الدرجة ...

واخذت الموظفة مني الاوراق وقالت لي جيبي الورقة الناقصة بكرة ولااللي بعده...ومااقدر اروح مرة تانية..

الوالد بالقوة ضيع الدوام ووداني اقدم اوراقي...

فاابى وحدة تاخد نتيجتي حقت الستيب معاها وتعمل فيا خير..
وادعي لها ليل ونهار اني ربي يرزقها الوظيفة..

بالله يابنات اذا في احد رايح يقلي ...


ومعلومة للبنات اللي لسه ماراحو انه لازم الاوراق تكون في ملف اخضر علاقي

[دلع واسلوبها ولع]

المشاركة الأصلية كتبت بواسطة waad1 السلام عليكم يابنات بالله عليكم فزعتكم مين رايح بكرة الاحد ولاالاثنين...؟ انا رحت اليوم السبت ودخت ودوخت الوالد مسكين الله يعطيه العافية.. وكانت الاوراق كلها اوكي ماعادا نسيت الورقة حقت الستيب step اللي فيها الدرجة ... واخذت الموظفة مني الاوراق وقالت لي جيبي الورقة الناقصة بكرة ولااللي بعده...ومااقدر اروح مرة تانية.. الوالد بالقوة ضيع الدوام ووداني اقدم اوراقي... فاابى وحدة تاخد نتيجتي حقت الستيب معاها وتعمل فيا خير.. وادعي لها ليل ونهار اني ربي يرزقها الوظيفة.. بالله يابنات اذا في احد رايح يقلي ... ومعلومة للبنات اللي لسه ماراحو انه لازم الاوراق تكون في ملف اخضر علاقي

لازم اخضر انا عندي علاقي بس ازرق
لازم نخرم الاوراق ولا لا