تجميعة لاستفسارات دكاترة و دكتورات Med11 :)

[Majed7]

س : أنا حاليـــا بالرياض ومربوط جدا مع أهلي .. هلـ أقدر أفصل السكرب واللاب كوت من الرياض .. وأقدر أفصله رويآل بلو على كيفي ^_^ ؟ وهلـ شعار جامعة الملك عبدالعزيز مهم عليه ؟



س2 : أنا سمعت إن دورة المصطلحات الطبية السبت بعد القادم ؟ الكلام صحيح أو لا ؟


س3 : بالنسبة لـ شيتات الدكاترة هلـ تتوفر من بداية الترم .. ؟ والاختبارات راح تكونـ من الشيتات طبعا ؟ لكنـ هل فيه بعض المعلومات تطلع من الشيتات ؟ وكم نسبتها مقارنة بالأسئلة عامة ؟


س4 : هلـ فيه أجزاء عمليـــة نــٌقيم عليها ؟ وهلـ هناك دورات حظورها مهم وعليه درجات ؟



للاسف أدري إن كل هالمعلومات راح تنذكر بالدورة .. لكنـ ما راح أقدر أحظرها للاسف :)

[Majed7]

+

مين راح يصير الليدر تبعنا ؟ .. هالشيء مين يحدده الطلاب أم إدارة الكلية ؟

[محمد الداود]

^
انت كـفـؤ و تستـآهـل يـآ د مَـآجِـد (=

[واثق الخطى 1]

حبيبي د. ماجد بأذن الله ما نختلف واللي يشوف انه كفووو للشي ذى يرشح نفسه
بس اتمنى ان الشخص ذى يكون متعاون مع الكل
وانت شكلك حبوووووووووب يا د. ماجد وتستحقها

[حُمرة الورد..!]

اممم عندي كم سؤال ..

تنصحوني في هذه الفتره اني اقوي لغني بالانجلش ولا اركز على المصطلحات وكذا ؟

وهل حتكون اللغه عائق شويا للي ماعندوا كميه كبيره من الكلمات ولا لا ؟؟

متى نبدأ الاشياء العمليه من هذه السنه ولا كلها نظري ؟

واحم ايش هوا السكراب ؟

وانا حابه افصل اللاب كوت ايش هوا افضل مكان للي يعرف ؟

وتغير البطايق فين يكون ومتى ؟

والله يطول بالكم علينا ^^

والف شكر لكل الدكاتره والدكتورات الي يساعدونا

[Doux Rash]

المشاركة الأصلية كتبت بواسطة majed7 س : أنا حاليـــا بالرياض ومربوط جدا مع أهلي .. هلـ أقدر أفصل السكرب واللاب كوت من الرياض .. وأقدر أفصله رويآل بلو على كيفي ^_^ ؟ وهلـ شعار جامعة الملك عبدالعزيز مهم عليه ؟ س2 : أنا سمعت إن دورة المصطلحات الطبية السبت بعد القادم ؟ الكلام صحيح أو لا ؟ للاسف أدري إن كل هالمعلومات راح تنذكر بالدورة .. لكنـ ما راح أقدر أحظرها للاسف :)

بخصوص السكرب واللابكوت ومني داري ايش
عادي استنى ليش مستعجل ؟ استنى لبداية السنة وشوف ايش راح يصير والاتفاق عاللون ايش هوا وسويه هنا من جدة
مهي صعبة ! لا تستعجل يعني ..


ودورة المصطلحات اعتقد في موضوع هنا يقول انو حتكون السبت الجاي لمدة سبعة ايام طبعا من دون خميس وجمعة ،،
بسس للطلاب عشان الطالبات مافي دكاترة ، بس التسجيل مافي خبر عنو ؟ ودوامها حيكون ساعتين على ما اعتقد ..


بالنسسبة للدورة ان شالله انا حا احضرها فراح اقولك ع النيوز ان شالله واحاول افيدك ازا اعطونا شي ولا شي ..

[ABDULLAH.H.H]

ضروري نراجع الكليه ؟
يعني انا من طلاب رابغ ,, ضروري اراجع الكليه لاي غرض كان في الوقت الحالي قبل ماتبدا الدراسه ؟ ولا مو ضروري ؟

[Dr.Maria]

السَلام عَليكم ورَحمة الله وبركَاته ...

مَبروك لكل مَن قبل في كلية الطب أتمنى لي ولكم كل التوفيق والنَجاح
كما أتمنى أن نكون دُفعة متعاونة وأمينة ولها بصمة واضحة في الكلية

سعيدة بلقائكم ،.

= )

[Abeer Al-jahdali]

المشاركة الأصلية كتبت بواسطة majed7 س3 : بالنسبة لـ شيتات الدكاترة هلـ تتوفر من بداية الترم .. ؟ والاختبارات راح تكونـ من الشيتات طبعا ؟ لكنـ هل فيه بعض المعلومات تطلع من الشيتات ؟ وكم نسبتها مقارنة بالأسئلة عامة ؟ الشيتات راح يعطونكم هيا الدكاتره مع نهاية كل محاضرة .. بالنسبه للاختبارات من الشيتات (لــــــــــكن) مو لكل المواد ومو كل فصول الماده وهذا سيتم توضيحه من الدكاتره وكمان وما لدينا من سنه خبره نخبركم به في الدورة بالتفصيـــــــل ان شاء الله س4 : هلـ فيه أجزاء عمليـــة نــٌقيم عليها ؟ وهلـ هناك دورات حظورها مهم وعليه درجات ؟ نعم .. كل ماده تقريبا فيها اختبار نظري وعملي .. بالنسبه للدورات .. فيه دورتين : وحده من استاذه الجامعة ووحده من الطلبه اللي من استاذه الجامعة << ماعندي خبر ^^ بس نحنا السنه اللي فاتت جاتنا مسجات على الجوال اما بالنسبه اللي الطلبه يسوها " نحن دفعه med10 " ان شاء الله راح تبدا السبت هذا الموافق july 20 8:00 - 3:00pm ماعليها درجات .. بس فيها كم هائل من المعلومات اللي حتفيدكم ان شاء الله

المشاركة الأصلية كتبت بواسطة majed7 + مين راح يصير الليدر تبعنا ؟ .. هالشيء مين يحدده الطلاب أم إدارة الكلية ؟ الطالب الذي يستطيع ذلك يرشح نفسه في اول يوم من الدراسة ... وفي حاله وجود اكثر من ليدر يتم التصويت .. والذي ينال اعلى تصويت يسير ليدر ^^ والله يوفقكم جميعا ويسهل لكم اموركم

المشاركة الأصلية كتبت بواسطة حُمرة الورد..! اممم عندي كم سؤال .. تنصحوني في هذه الفتره اني اقوي لغني بالانجلش ولا اركز على المصطلحات وكذا ؟ وهل حتكون اللغه عائق شويا للي ماعندوا كميه كبيره من الكلمات ولا لا ؟؟ قوي لغتك عشان تستفيدي من الاجازة وعلى المصطلحات ان شاء الله راح تتعلميها معانا في الدورة.. اللغه مو عائق كبير بل هو عائق بسيط بتوضيح اكثر تحتاجي اللغه عشان لما تقري تفهمي اللي مكتوب بس لما تكون اللغه ضعيفه مو معناه انك ماراح تفهمي بالعكس يمديكي تترجمي وتفمهي يعني كل شي في البدايه يبان صعب وبعدين يسهل مع الوقت .. الفرق بين اللي لغتها ضعيفه وحده قويه بس انه اللي لغتها ضعيفه حتبذل جهد في البدايه اكثر وان شاء الله راح تكون الاولى ^^ ترى أهــــــــــــــــــــــــــــــم شـــــــــــــــــــــــــي في كليــــــــــــــــــــــــة الطــــــــــــــــــــــــب الطمـــــــــــــــوح والامــــــــــــــــــــل وعـــــــــدم الاستســـــــــــــــلام وليس اللغه مع انها مهمه متى نبدأ الاشياء العمليه من هذه السنه ولا كلها نظري ؟ تقريبا كل ماده فيها جزء عملي ونظري وتبدا مع بداية المادة واحم ايش هوا السكراب ؟ السكرب زي رسمي للتخصصات الطبية وتميز بالوان لكل كلية لون وهذا الرابط للتوضيح وانا حابه افصل اللاب كوت ايش هوا افضل مكان للي يعرف ؟ مااعرف ^^ وتغير البطايق فين يكون ومتى ؟ بعد الدوام بفترة يقولو لكم رحو غيرو البطايق في الشطر " الوقت بالضبط ماافتكر ^^ " والله يطول بالكم علينا ^^ والف شكر لكل الدكاتره والدكتورات الي يساعدونا

من عيونا نخدمكم واتمني اجوبتي كانت كافيه ^^

المشاركة الأصلية كتبت بواسطة abdullah.h.h ضروري نراجع الكليه ؟ يعني انا من طلاب رابغ ,, ضروري اراجع الكليه لاي غرض كان في الوقت الحالي قبل ماتبدا الدراسه ؟ ولا مو ضروري ؟ كان نفسي اجاوبك بس ماعندي خبر .. اعتذر :-( .. ان شاء الله يجاوبوك اللي كانو من برا جدة

[FrfoSha]

شكـــــرآ مـرا عبيـــــــر :) <3

وهلـ هناك دورات حظورها مهم وعليه درجات ؟

في دورة لازم تاخذوها حقت الـ BLS = Basic Life Support
or whats called CPR

من مستشفى الجامعة و يعتمد عليها درجات مادة في نهاية الترم الثاني .. بس لسا تقدروا تاخذوها في اجازة الجح مو من دحين :)