قروووب (المستوى الرابع) كل ماحدث بلدورة موضوع متجدد

[ستر المواصيل]

هلا بالأخت ساره بالنسبه للحضري اتمنى اني حضرت الدوره عشان افيدك على طول,,انتظري شويات انا مثلك انتظر الزملاء مكلمهم وحددوا معاه واوعدك اذا وصلني شي ابعطيكم اياه والأخوان هنا ان شاءالله مايقصرون كمان وبالتوفيق ان شاءالله للجميع..

[ساره الفيصل]

^^ ترًا ما ضفتتت المممادًه إلا من مدحًك :d
بسً تكفوًن عجلوًا علينا عشَان نتجووًد بالكتب ههههه

[ستر المواصيل]

المشاركة الأصلية كتبت بواسطة ساره الفيصل ^^ ترًا ما ضفتتت المممادًه إلا من مدحًك :d بسً تكفوًن عجلوًا علينا عشَان نتجووًد بالكتب ههههه

ههههههه اتدبسنا على كذا (*_ *),بأذن الله ماراح تندمي انك اخذتي الماده والكل يمدحه يابطلة علم الاجتماع,شوي بس يتمهد الطريق ويتزفلت وتجودي بالكتاب وخليك على الدعسه الين الاختبارd;

[فتى المدينةMW]

مشكورين على مجهودكم
وكل الشكر لمن يهتم بأخوانه في هذه الدوره
وأسأل الله ان يشفي كل مريض وان يشفي والد ابوسعد انه سميع مجيب

وأما بالنسبة للجدول فهو مناسب لأنه في أسبوع واحد ما عدا يوم الأحد من الأسبوع الأول وأسأل التوفيق للجميع.

[الحازم]

تحديد الاقناع من د/ انمار مباشره
طبعــا للاخوان اللي اظافوا مادة الاقناع عند د/ انمار مطاوع
وهذا التحديد للاسبوع الاول فقط من الدوره التأهيليه
وهو منقــــول من احد الزملاء بالمنتديات

[راعي النايفة]

صباح الخير

اخي سلطان هذيل الا يوجد ماهو جديد من الدورة التأهلية تكفى اخبرنا

ولك مني الدعوة عن ظهر غيب

[moood]

الإقناع والسكان في يوم وآحـد ،، الله يستر ويسهل

بالتوفيق ياشباب الهمة الهمة

[راعي النايفة]

صباح الخير لاحلى قرووووووووووووب

انا وصلت الحين الى ارض الوطن وحبيت اصبح على من في المتندى

واخص بالشكر اخي العزيز شخاط وحبيبي محمد الفوزي ونواف القصيم والغالي moooooood والجوكر الحازم

والله يشفي والد ابو سعد ويفك ازره ويرده على اهله سالم ومتغانم

واقول لكم يعطيكم العافيه ومشكرورين على تجمعكم في المنتدى وابشرك اني بخير والحمد لله

هذا بالنسبة لي

اما بالنسبة للقروب ايش حاصل تلخبطات ماهي عوايدكم ليش الجدول ماهو متساوي مع الشباب كله

على الاقل اي شخص ياخذ مادة مختلفة يحتفظ في اسئلتها للترم الجاي .

شباب انا الحين تايه وما اعرف ايش الوضع مع موادي مع اني خايف هنيدي بشري الله يخارجنا منه

بس شباب طالعوا في جدولي تكفون كيف هل احد معي ولا كل شخص مختلف

ودمتم ..

اخوكم راعي النايفة

[abo-yazad]

حمداً لله على سلامتك وعلى سلامه وصولك...

وتو ما أنور القروب بعودتك وبيكمل بنوره بعودة ابو سعد...

كما نسأل الله العافيه لوالد أخينا ابو سعد...

وأحب أفيدك أني معك بس في النظريات والحضري...

وبالتوووووووووووفيق للجميع...

محبكم/نواف القصيم

[moood]

الحمدلله ع السلامة ياجآي من السفر ،، وطهور إن شاء الله ،، وقدآمكـ العافية ياعسل ،، وأفرحتنا بقدومكـ سآلم غآنـم ،،

نورت المملكة ياسعت البيــه ،، ونورت المنتدى بطلتكـ علـينا ،،

وبيني وبينك الترم هذا الأوضآع متلخبطه شوي ،، يقال الدكاترهـ غير متعاونين الترم هذا مدري وشفيهم علينا ،،

الأغلبية وليس الجميع حذفوا الإحصاء الإجتماعي وأضافوا بداله مادهـ حرهـ (الإقناع) من الإعلام ،، وأنا من ضمنهم ،،

وبصراحه انا افكر اني آخـذ الإحصاء بترم صيفي قادم مع مادتين سهلين ،، لأن أعتقد بعد الخمسين ساعة يقدر الطالب يختبر ترم صيفي ،،

ومقرراتي هذا الترم كالتالي :
لغة عربية 2
إقناع
حضري
سكاني
نظريات

وبالمناسبة أحب استغل مشاركتي هذي بالتقدم بالشكر الجزيل والعرفان والتقدير للغالي والأخ والحبيب سلطان هذيل على ما بذله من جهود معنا بهذا المنتدى ،، ومعي أنا خاصة ،، والذي اسأل الله الكريم بمنه وعفوهـ وكرمه أن يجزيه عنا خير الجزاء ،، وأن يوفقه ويسهل دربه ،، وعقبال نزفه من الجامعة بشهادة التخرج :)