وظائف معيد و محاضر للطلاب و الطالبات فرع رابغ

[Mashail Ahmad]

بلاش مكيااج مالها داعي بجد

[أنفاس مشرقة]

أرسلت أخيرا ع الاميل مابغيت :/

حقت التججميل مارسلتها :)

فريش همه مررره شكرا ع معلوماتكم ..


اليوم مررره استفدت

وع الرسائل اعتقد راح يرسلوا خلال هدا الاسبوع


الله يووووووووووووفقكم يارب

[رقة الورد]

المشاركة الأصلية كتبت بواسطة همة همة همة كيفك استاذه رقة الورد ؟ حياك الله الله يبشرك بالخير تمام اذا بياخذوا اكثر من وحده واكثر من المطلوب في الاعلان .. طيب بسألك اختي بما انك جربتي اسئلتهم بالضبط على ايش يركزوا هل على الاساسيات ؟ والمقابلة حقتهم كيف هي؟ وهل تكون مباشرة بعد الاختبار ولا يختبرونا يوم وبعدين الي يجتاز الاختبار يترشح للدخول في المقابلة ؟ وهل فيه شغل واسطات ؟ وكمان سؤال انا الحين ماجستير لو عرفوا هل يستبعدوني مثلا لو سألوني ؟ (هذه الي اقصدها ربي يسعدها ويوفقها دنيا واخرة ويبارك لها في عمرها ويجنبها كل مكروه .. قولوا آآآآآآآآآىمين )

أولا شكرا لك على هذا الدعاء الجميل ولك مثله يااارب

ثانيا .. بالنسبة لنا العام كان يوم للإختبار التحريري معيدات ومحاضرات ,, أما المقابلات فكان المحاضرات نفس يوم الإختبار التحريري ,, أما المعيدات حددولهم يوم ثاني

الإختبار التحريري ,, كان كله اختيارات وفي أساسيات التخصص,,

المقابلة كانت ( الوكيلة واثنين من الدكتورات بالإضافة للعميد عن طريق الدائرة التلفزيونية ) هذا بالنسبة للمحاضرات أما المعيدات فما أعتقد كان العميد موجود

الأسئلة كانت كأي مقابلة ,,

اش اسمك؟

متى حصلت على الماستر ؟

كم عمرك؟

لية اخترتي الدراسة في هذا التخصص بالذات مع أنه صعب وكيف أسلوبك في توصيل المعلومة للطالبات؟

هل عندك خبرة؟ فين ؟ وكم المدة؟ وايش كان انطباع الطالبات عنك؟

ايش المواد الي سبق لك تدريسها؟

مين كان مشرف عليك؟

طيب لو عرض عليك العمل معاه من جديد هل تقبلين؟

ماهو موضوع رسالتك؟

ايش الأجهزة الي استخدمتيها في الماجستير؟

هذا الي أفتكره... طبعا تختلف الأسئلة أكيد لوكانت معيدة ماحيسألوها مثلا عن موضوع الرسالة

طبعا ينبسطوا كثير لو أنه معيدة ومقبولة ماستر أو محاضر وعندها قبول للدكتوراة


بالنسبة للواسطات ,, والله أقولها من تجربة ويشهد الله على كل كلمة أقولها ماكان فيه أي واسطة العام الماضي ,, كان الإختيار بناء على الأحقية والجدارة ,,

[رقة الورد]

المشاركة الأصلية كتبت بواسطة همة همة همة اتمنى تفيدنا اكثر عن الاختبار التحريري . كيف استعديتي له ؟ وكيف اسئلتهم ؟ونوعها هل اختيار من متعدد ولا اسئلة عامة ؟ هل تنصحينا ان نبدأ بالمذاكرة الان حتى ولو لم يتم الاعلان عن الاسماء المرشحة ؟ يهمني الاختبار التحريري ..اتمنى تفيدينا بشكل مفصل او مجمل المهم كيف نجتازه .. ؟ وشكرا

أنا والله لو أقولك دخلت الإختبار بدون مذاكرة توكلت على الله ثم على معلوماتي وخلفيتي السابقة

خصوصا أنه درست ترم في كلية أهلية أساسيات التخصص فما أحتجت للمذاكرة

لكن نصيحتي أنه تذاكري أساسيات تخصصك ,, من الآن أفضل

[همة همة همة]

يا جعل ربي يجزاك خير ويدخلك الجنة بغير حساب ولا عقاب ..

تسلمين بجد..

شكرا لك ولمعلوماتك الطيبة ..

والله يكتب الي فيه خير


لكن سؤال :
هل يختاروا البنات الي تفوقوا في الاختبار التحريري ويرشحونهم لدخول المقابلة ..يعيني
الي اجتازوا(بحصولهم على درجات طيبة ) الاختبار التحريري يدخلوا المقابلة والعكس صحيح
؟

ولا يعملوا الاختبار والمقابلة لكل المتقدمات كلهم ..سواء حصلوا على درجات طيبة او لم يحصلوا ؟

[رقة الورد]

المشاركة الأصلية كتبت بواسطة همة همة همة يا جعل ربي يجزاك خير ويدخلك الجنة بغير حساب ولا عقاب .. تسلمين بجد.. شكرا لك ولمعلوماتك الطيبة .. والله يكتب الي فيه خير لكن سؤال : هل يختاروا البنات الي تفوقوا في الاختبار التحريري ويرشحونهم لدخول المقابلة ..يعيني الي اجتازوا(بحصولهم على درجات طيبة ) الاختبار التحريري يدخلوا المقابلة والعكس صحيح ؟ ولا يعملوا الاختبار والمقابلة لكل المتقدمات كلهم ..سواء حصلوا على درجات طيبة او لم يحصلوا ؟

يعملوا الاختبار والمقابلة لكل المتقدمات كلهم ..سواء حصلوا على درجات طيبة او لم يحصلوا

[رايقة الاحساس]

6-أن تكون المتقدم / المتقدمة حاصل على درجة التو فل أو بديل التو فل , أو step أوielts
هل لابد من توفر هذا الشرط للجميع

[مس شوشه]

وه يابنات وش ذا الحتسي ..

بطني عورتني ..الله يوفقنا فيني برود ماادري ايش بي مافيني حيل اقرا حرف ..

حبايبي حقون الاحياء كل وحده عندها معلومات عن الاسئله او اي حاجه نحطها هنا ..

وانا كمان اذا لقيت حاجه اقولكم ..

الله يوفقني واياكم يارب ..

ومن قلبي اتمنى انكم تتقبلو ..من جد انتو طيبين وتستاهلو كل خير ..

[مس شوشه]

المشاركة الأصلية كتبت بواسطة رايقة الاحساس 6-أن تكون المتقدم / المتقدمة حاصل على درجة التو فل أو بديل التو فل , أو step أوielts

المشاركة الأصلية كتبت بواسطة رايقة الاحساس هل لابد من توفر هذا الشرط للجميع

طبعا لابد واللي ماعندها درجة لغة يستبعدوها ..هذا اللي اعرفه ..

[همة همة همة]

المشاركة الأصلية كتبت بواسطة مس شوشه وه يابنات وش ذا الحتسي .. بطني عورتني ..الله يوفقنا فيني برود ماادري ايش بي مافيني حيل اقرا حرف .. حبايبي حقون الاحياء كل وحده عندها معلومات عن الاسئله او اي حاجه نحطها هنا .. وانا كمان اذا لقيت حاجه اقولكم .. الله يوفقني واياكم يارب .. ومن قلبي اتمنى انكم تتقبلو ..من جد انتو طيبين وتستاهلو كل خير ..

خخخ
الله يوفقكم امين والجميع يارب ..

اهم شيء الخير وان كان فيها خير الله ييسره ويوفقنا يارب ..