قبول الطلاب والطالبات الغير سعوديين

[حيــــــاة]

المشاركة الأصلية كتبت بواسطة sarah_20_13 حياة ربي يسعدك ابشرك بابا قدملي بمنحة السفاره ودفع الرسوم 1000ريال بِــ̯͡سّ للحين مادقوا عليه وش اسوي ليكون بيسحبوا علي 😢

ويسعدك : )

مبروك مقدماً ^ـ^

والاتصال عادي مايتصلوا الحين .. بيتصلوا لك على رجب او شعبان او رمضان *ـ*
فلازم تتعلمي الصبر
ودام خلاص طلع اسمك وحولتي الرسوم اتصلي لهم كل فترة والثانية ورجيهم بس عشان تطمني انه مافاتك شيئ ،
بس اقولك ياها من الحين انه التأخير طبييييعي ،، هالسنة ما اتصلوا لهم الا عالترم الثاني ،،

موفقه : )

[حيــــــاة]

المشاركة الأصلية كتبت بواسطة heba. صباح النووور والله محد صار يدخل غيرك بس اهم شي حياه المخضرمة مستحيل تسيب الموضوع وتتخلى عنوو : 72: هذا ولدك الصغير : 72: بس منجد ليش الكل اختفى وانقرض: 36: ايش تتوقعي السبب !!!!!!!!!!؟؟؟؟؟؟ لايكووون الأسود حقتك جات هنا و أكلتهم : 71:...

هههههه من جد ولدي العزيز .. الله يطول في عمره


اسودي العزيز تحب البشر وماتآكلهم ،،

اعتقد السبب هو التصحر بسبب نقص الأمطار !!

[LOoOvely Girl]

اخت دلال احمد
حقون بقشان رسلو لبابا مسج انو يودي ملفي لمكتب باوزير ووداه وقالو انو نستنى اتصال القبول في الفترة الجية
طمنيني انتي اش صار معاكي !!

[دلال حمد]

المشاركة الأصلية كتبت بواسطة looovely girl اخت دلال احمد حقون بقشان رسلو لبابا مسج انو يودي ملفي لمكتب باوزير ووداه وقالو انو نستنى اتصال القبول في الفترة الجية طمنيني انتي اش صار معاكي !!

أهلين أختي للآسف الى الان ماجاني اتصال بس رسلتلهم مسج وقالولي هاتي أوراقك

وإن شاءلله بكرة الوالد بوصلها ......

عالعموم مشكوررة اختي ماقصرتي صراحه فرحتيني يوم ذكرتيني وقمتي وقلتيلي

الله ييسر دربك

[Rejoo]

السلام عليكم ورحمة الله وبركاته

ياجماعة أنا فاتني التقديم مع إني كنت مستنيته بفارغ الصبر بس حصلت لي ظروف ولا قدمت : (
أنا راضية والحمدالله بس دحين أبغى أسجل إنتساب قبل السنة الجاية .. أيش أسووي ؟؟
كيف أسجل و ياليت لو فيه رابط اعطوني وهل فيه موعد محدد للتسجيل و حيقبلوني ولا حيقولوا مافي قبل السنة الجاية :"( أخاف استنى للسنة الجاية يقولوا الأولوية للمتخرجات دي السنة .. أش اسوي بليز أحد يقولي حدي مكتئبة ="""""""""

[heba.]

المشاركة الأصلية كتبت بواسطة rejoo السلام عليكم ورحمة الله وبركاته ياجماعة أنا فاتني التقديم مع إني كنت مستنيته بفارغ الصبر بس حصلت لي ظروف ولا قدمت : ( أنا راضية والحمدالله بس دحين أبغى أسجل إنتساب قبل السنة الجاية .. أيش أسووي ؟؟ كيف أسجل و ياليت لو فيه رابط اعطوني وهل فيه موعد محدد للتسجيل و حيقبلوني ولا حيقولوا مافي قبل السنة الجاية :"( أخاف استنى للسنة الجاية يقولوا الأولوية للمتخرجات دي السنة .. أش اسوي بليز أحد يقولي حدي مكتئبة ="""""""""

طيب عادي حتى انا متخرجة من قبل العام وما قدرت اسجل فيها بسبب انو اقامتي وجوازي منتهي سنة كاملة وماقدرت اسجل ولا حتى اعيد القدرات لان موزوني 89 ولازم ارفعو فما قدرت ولا حتى سجلت فيها

بس استنيت سنة وعدت القدرات الشهر الفات وجبت الحمد لله 86

ولا استسلمت وقلت خلاص خليني اسجل انتساب واخد اقصر الطرق لاااا طبعا صبرت سنتين عشان اعيد القدرات واقدر اسجل انتظام
وفي كتيييييير زي عملو كدا : 30:
و لاتخافي انو ماتنقبلي عشانك متخرجة من سنة او سنتين ... بشرط انك ماتكون مر على شهادتك اكتر من 3 سنين : 3:
وترى مايفرقو بينك وبين المتخرجات حقون هالسنة يعني مافي اولوية لاحد كلهم يدخلوا في المنافسة وهما ماراح يُطلوا الا في موزونك : 73:
زي حياة موزونها 91 وهي متخرجة لها سنتين وقبلوها عادي : 1:

يا قلبي بغض النظر عن الظروف اللي كنتي فيها لازم تكوني صامدة وقوية وماتظعفي وتتخلي عن طوحاتك وحاولي دايما تتخطي الظروف اللي تواجهك مهما كانت ..:/

زي منتي شايفة الموضوع هادا كلو ناس صامدة وما تهزهَـــم ريح : 2:
بزات حياة ياقلبي عليها صبرت كتييييير تقريبا 3 سنين ولا استسلمت و لا يوم
انا عن نفسي بعتبرها قدوتي : 36: : 73:

-
انتي موزونك اعتقد 89.99 ماشاء الله حلوة كتير
بس ليش ماعدتي القدرات حق دي السنة ؟؟؟
وابغى اسئلك انتي علمي ؟؟؟
لان الانتساب راح تكوني اداري حتى لو حولتي انتظام : 53:

[almeteor]

تعليقااتكم تحطييييييممم وشو الي تاخذ 91 تعيد قدرات نسبتهاا حلوووه 91 ياااااربي
الحين انا لاخذت نسبتي المركبه 80 ولا 79
مرح يدخلوني ولا كيف اففف

[حيــــــاة]

المشاركة الأصلية كتبت بواسطة almeteor تعليقااتكم تحطييييييممم وشو الي تاخذ 91 تعيد قدرات نسبتهاا حلوووه 91 ياااااربي الحين انا لاخذت نسبتي المركبه 80 ولا 79 مرح يدخلوني ولا كيف اففف

يا عزيزتي اشبك !
اش فيه ؟؟

مين قال موزوني 91 وعدت *ـ*

ركزي واقرأي تمام عشان تفهمي وماتتحطمي ..

ياماما انا عدت الين صار موزوني 91 ،،
مو موزوني 91 وعدت *ـ*

اهدئي عشان تفهمي .
.،.
القبول معروف لازم موزونك 90 وفوق ،، شدي حيلك في القدرات الثاني من الحيـــــــــــــــــــــــن

والتحصيلي نفس الشيئ ،، معك اجازة 10 ايام كاملة .. تقدر تنجزي فيها الكثير لو تبغي توصلي للي تتمنيه ..

موفقه : )
ارجع اقولك عيدي وفكري تمام وبدون انفعالات تفكيرية .. مافي شيئ مستحيل

[heba.]

[size="<font><font>4</font></font>"]

المشاركة الأصلية كتبت بواسطة almeteor تعليقااتكم تحطييييييممم وشو الي تاخذ 91 تعيد قدرات نسبتهاا حلوووه 91 ياااااربي الحين انا لاخذت نسبتي المركبه 80 ولا 79 مرح يدخلوني ولا كيف اففف

اي تحطيم ..

انا موزوني كان 89

و حياة جابت اول مرة 85 موزون وكانو طالبين 88
قامت عادت القدرات و رفعت الموزون الى 89 بس في حظها رفعوها وصارت 90%
قامت تاني عادتو ورفعت الموزون الى 91 بس الحمد لله انها انقبلت خلاص

واول قدرات لها كان 77 يعني انتي ان شاء الله لو عدتيه دي السنة ممكن ترتفت نسبتك وموزونك و بتقبلي
انتي خليكي متفائلة ليش تجيبي 79 ولا 80
ازا السعودين اللي نسبهم كدا ماراح ينقبلوا انتظام كيف بالاجانب
لازم موزنهم عااالي لان الاجانب معروفين دوافير ونسبهم عاآآآآآآآآآآآآلية والجامعة تقبل نسبة5% غير سعودين يعني نقول تقريبا 200 طالبة اكيد حيكون اغلب المتقدمات نسبهم عالية ف التسعين وحيكون تنافس كبير لان المقاعد المخصصة لهم قليلة مو زي السعوديين
يعني لا تتفائلي مرة كتييير وتتوقعي انهم ممكن يقبلو موزون 80 مثلا

[Bayan.as]

السلام عليكم
بدأ التسجيل للتحصيلي ؟