قبول الطلاب والطالبات الغير سعوديين

[heba.]

حياة منح بقسان لليمنين بس ؟

[حيــــــاة]

المشاركة الأصلية كتبت بواسطة heba. حياة منح بقسان لليمنين بس ؟

ماعندي علم -ـ-
فيكي تتصلي وتتأكدي

موفقه : )

[أبوسراج]

اليوم جامعة عزوز أرسلوا لي رسالة عشان أخش أودس بلس عشان أرتب رغبات التسكين >> مو داريين إني ساحب عليه من زمان

[أبوسراج]

يلا شدوا حيلكم باقي 20 صفحة :)

[حيــــــاة]

المشاركة الأصلية كتبت بواسطة أبوسراج اليوم جامعة عزوز أرسلوا لي رسالة عشان أخش أودس بلس عشان أرتب رغبات التسكين >> مو داريين إني ساحب عليه من زمان

ههههه اش الضحك الأليم دا *ـ*
ليش انت ما انسحبت نهائي ! اش الهسترة دي

[أبوسراج]

المشاركة الأصلية كتبت بواسطة حيــــــاة ههههه اش الضحك الأليم دا *ـ* ليش انت ما انسحبت نهائي ! اش الهسترة دي

مو هذا المضحك في الموضوع لي أكثر من شهرين مسوي إخلاء طرف من الجامعة ولسه محسبيين إني مداوم في الجامعة

[أبوسراج]

عقبال وصول هذه الرسالة للجميع

[حيــــــاة]

المشاركة الأصلية كتبت بواسطة أبوسراج مو هذا المضحك في الموضوع لي أكثر من شهرين مسوي إخلاء طرف من الجامعة ولسه محسبيين إني مداوم في الجامعة

ههههه ترا عادي عادي انت بس سويت اخلاء طرف ، انا اعرف ناس تخرجوا ولسى توصلهم رسائل الجامعه

المشاركة الأصلية كتبت بواسطة أبوسراج عقبال وصول هذه الرسالة للجميع

ااااميـــــــن : )

فتح لنا حتى احنا عن طريق الاودس ،، بس طبعا مابنتسكن الترم الجاي ،
مجرد انه فتح بحد ذاته شعور لا يوصف

عقبال الكل يارب : )

[الباحث عن المستقبل]

السلام عليكم، انا طالب كنت ادرس في احدى الجامعات الماليزية خلصت 55 ساعة في تخصص علوم حاسوب كلية تقنية المعلومات

سمعت من صاحبي اني اقدر اقدم على جامعه الملك عبدالعزيز بدون قدرات او تحصيلي لاني سبق ودرست في جامعه اخرى

هل الكلام هذا صحيح؟ مع العلم اني غير سعودي، ونسبتي بالثانوية تراكمي 88.50

[أبوسراج]

المشاركة الأصلية كتبت بواسطة الباحث عن المستقبل السلام عليكم، انا طالب كنت ادرس في احدى الجامعات الماليزية خلصت 55 ساعة في تخصص علوم حاسوب كلية تقنية المعلومات سمعت من صاحبي اني اقدر اقدم على جامعه الملك عبدالعزيز بدون قدرات او تحصيلي لاني سبق ودرست في جامعه اخرى هل الكلام هذا صحيح؟ مع العلم اني غير سعودي، ونسبتي بالثانوية تراكمي 88.50

التحويل للسعوديين بين جامعات سعودية صعب شوية بشكل عام
وبالنسبة لغير سعوديين بين الجامعات السعودية شبه مستحيل فما بالك بالجامعات الغير سعودية
فللاسف أقلك إنه شبه مستحيل لكن ماراح يضرك شيئ لو تراجع عمادة القبول وتكلم العميد شخصيا
موفق :)