قبول الطلاب والطالبات الغير سعوديين

[sweety moon]

سلااااااام عليكم :))

كيف حالكم ان شاءالله كووووولكم تكونوا تمام :D ..

معليش انا انشغلت بالمزاكرة ع الشأن القدرات تقريبا بس زاكرت كتاب أبدا من هنا 😓 وباقي ع اختباري أسبوع :(( ..

المهم وأنا ماشية في خطت الأخت heba. ان شاءالله أحاول اخلص كووول الكتب اللي قالت لي هيا
بس انا مشكلتي دحين هيا قال لي عن كتب موجودة في منتديات يزيد بعضه انفتح معايا وحملته بس بعضه ولمن افتح الرابط مو راضي ينفتح معايا بيقول أنوا ماعندك صلاحية أو شيء زي كدا 😓😓 ..

أتمنى تكونوا فهمتوا سؤالي يعني كيف افتح هدولاء الصفحات ياريت اللي يعرف الطريقة يقول لي لأنوا باقي ع اختباري أسبوع 😥 :( ومافي وقت لازم ازاكر 😭 ..

الله يسعدكم مستنية ردكم 😔 ..

[انيسسه]

.
.

السلام عليكم ورحمة الله
سجلت هنا ععشان عندي كم استفسار
انا اخر سنه لي بالثانوي وان شاء الله بعد مااخلص افكر التحق بجامعة الملك عبدالعزيز
وخاطري صيدله بس مااعرف هل يقبلو ف هذا التخصص لغير السعوديين و (انتظام)
واذا كان ايوهه كم النسبه المطلوبه واذا كان لا :"(
ايش التخصص اللي يقبلو فيه لغير السعوديين انتظام .؟!

[sweety moon]

وعليكم السلام يااخت انيسسة ،.

بصراحة انا مااعرف بس ان شاءالله البقية يفيدوكي ان شاءالله :)) ..

ع الفكرة حبيت اقول لكم خلاص حملت الكتب :d أحس سؤالي كان غبي :s

بس يلاا حروح ازاكر ،.. اشوفكم ع خير :))

باي باي ..

[أبوسراج]

المشاركة الأصلية كتبت بواسطة انيسسه . . السلام عليكم ورحمة الله سجلت هنا ععشان عندي كم استفسار انا اخر سنه لي بالثانوي وان شاء الله بعد مااخلص افكر التحق بجامعة الملك عبدالعزيز وخاطري صيدله بس مااعرف هل يقبلو ف هذا التخصص لغير السعوديين و (انتظام) واذا كان ايوهه كم النسبه المطلوبه واذا كان لا :"( ايش التخصص اللي يقبلو فيه لغير السعوديين انتظام .؟!

وعليكم السلام ورحمة الله وبركاته
مبروووووك التخرج مقدما :)
بالنسبة للتخصصات المفتوحة في الجامعة لغير السعوديين كل التخصصات ماعدا الطبية وأعتقد وللأسف إنه الصيدلة ضمنها
بالنسبة للقبول في الجامعة غالبا النسبة الموزونة اللي يقبلوها 90 وفوق
وبعدين تدرسي سنة تحضيرية ومعدلك في السنة التحضيرية هو اللي يحددلك أي تخصص تقدري تتخصصي




موفقين إن شاء الله :)

[أبوسراج]

المشاركة الأصلية كتبت بواسطة sweety moon وعليكم السلام يااخت انيسسة ،. بصراحة انا مااعرف بس ان شاءالله البقية يفيدوكي ان شاءالله :)) .. ع الفكرة حبيت اقول لكم خلاص حملت الكتب :d أحس سؤالي كان غبي :s بس يلاا حروح ازاكر ،.. اشوفكم ع خير :)) باي باي ..

وأنا لسه كنت برفع لك الكتب الموجودة عندي





موفقيين في إختباراتكم :)

[أبوسراج]

توقعاتكم لمباراة برشلونة وبايرن ميونيخ اليوم ؟

[حيــــــاة]

المشاركة الأصلية كتبت بواسطة أبوسراج توقعاتكم لمباراة برشلونة وبايرن ميونيخ اليوم ؟

^^
هذا ليس بمجالي <روح قسم المنتديات العامه عشان لاتنشات من هنا

[أبوسراج]

المشاركة الأصلية كتبت بواسطة حيــــــاة ^^ هذا ليس بمجالي <روح قسم المنتديات العامه عشان لاتنشات من هنا

صباح الخير :)

[vergil777]

السلام عليكم ورحمة الله وبركاته ..
انا عضو جديد معاكم اتمنى تفيدوني وجزاكم الله خير مقدما ..
انا حاليا ثالث ثانوي وان شاء الله ناوي على التقديم في جامعة الملك عبدالعزيز ..
نسبتي في المدرسة ان شاء الله راح تكون 96 في اسوأ الحالات يعني ..
وفي القدرات اعلى نسبة جبتها 90 .. باقي اختبار التحصيلي الله يستر ..
..
بالنسبة للتقديم للجامعة متى يبدأ ؟ وفين اروح علشان اقدم طلب ؟ فين موقع العمادة في جدة ؟ (علما اني من مكة )
ايش الاوراق المطلوبة ؟
وهل مضمون ان شاء الله القبول بما ان نسبتي الموزونة راح تكون فوق 90 ولا لا ؟
يعني اروح اقدم في بلدي احتياطي علشان اذا ماقبلوني الحق على عمري ولا القبول مضمون ان شاء الله مادام النسبة الموزونة فوق 90 ؟

[حيــــــاة]

المشاركة الأصلية كتبت بواسطة vergil777 السلام عليكم ورحمة الله وبركاته .. انا عضو جديد معاكم اتمنى تفيدوني وجزاكم الله خير مقدما .. انا حاليا ثالث ثانوي وان شاء الله ناوي على التقديم في جامعة الملك عبدالعزيز .. نسبتي في المدرسة ان شاء الله راح تكون 96 في اسوأ الحالات يعني .. وفي القدرات اعلى نسبة جبتها 90 .. باقي اختبار التحصيلي الله يستر .. .. بالنسبة للتقديم للجامعة متى يبدأ ؟ وفين اروح علشان اقدم طلب ؟ فين موقع العمادة في جدة ؟ (علما اني من مكة ) ايش الاوراق المطلوبة ؟ وهل مضمون ان شاء الله القبول بما ان نسبتي الموزونة راح تكون فوق 90 ولا لا ؟ يعني اروح اقدم في بلدي احتياطي علشان اذا ماقبلوني الحق على عمري ولا القبول مضمون ان شاء الله مادام النسبة الموزونة فوق 90 ؟

وعليكم السلام ورحمة الله وبركاته
ماشاء الله تبارك الرحمن ،، حتى الآن وضعك في السليم درجتك في القدرات مره كويسه وحاول بقدر الامكان التحصيلي تكون زيها واعلى ،.
القبول بإذن الله رسمي مضمون لكل الي فوق الـ 90 ..
بس في اشياء لازم تعرفها :
* ماراح تنقبل من الترم الأول وانما بيجي القبول بعد الترم الأول على بداية الترم الثاني ..
* احياناً وهذا شيئ صار في السنتين الأخيره هاالسنة والعام انه القبول مرره يتأخر ويجي على نهاية الترم الثاني او نصه وتتأجل الدراسة للسنة الي بعد ،
يعني اوكيه يتمموا قبولك وكل شيئ على نص الترم الثاني بس يقولولك خلاص فاتك كثير وتبدأ من بداية السنة الجاية .

انا هالترم انقبلت ثالث اسبوع في الترم الثاني ،، بس كذا مزاجيات قبلوا مجموعه الي راحوا على طول اول ماعرفوا بخبر القبول وسلموهم اوراقهم والبقية قالوا لهم تأخرتوا خلاص نأجلكم للسنة الجاية ،
بتقولي على اي اساس !
نسب او ايش ؟
بقولك مافي بس كذا قسمونا جزء خلونا نداوم وجزء اعطوهم بطاقاتهم وكل شيئ بس قالوا لهم ابدأوا السنة الجاية ،
ما اقولك كدا احطمك لا ابد بس باين انك مجنهد وماتبي تضيع شيئ على نفسك وماتبغى االوقت يمشي عليك كدا بدون دراسة ،، فحبيت اخبرك بكل شيئ ،

بالنسبة متى ووين التقديم ،
التقديم الكتروني عن طريق موقع الجامعه ،، بيفتح التقديم في بداية رجب بإذن الله ،
بدون ماتودي اوراقك بدون شيئ بس عن طريق الموقع ،، وفي شعبان بيطلع قبول السعوديين بس لغير السعوديين بيطلع لهم ( لم يتم قبولك او لم يتم ترشيحك .. شيئ زي كدا )
المهم دا مو معناه انك ما انقبلت ،، لا دا شيئ روتيني لانه القبول زي ماقلت لك الترم الثاني يجي مو من بداية الترم الاول .

بتقولي اذا بيتأخر كيف بعرف لم انقبل !!
بقولك هم يقولوا انه بيرسلوا رسائل لم يجي القبول ( بس ماتضمنهم ابد لان الرسائل ماتوصل الكل )
وانا وصلتني رسالة القبول بعد ما داومت بشهر *ـ*
عشان كذا ،، لازم تكون متابع ومهتم ،،
طريقتنا في متابعة قبولنا هي الإتصال & المراجعة & هذا التجمع .
اكثر شيئ كنا نتصل على العمادة حق الجامعه ونسألهم اش صار بالقبول ونصل عالوزارة قسم المنح الداخلية ونستعلم عن معاملاتنا ،،
واهم شيئ ان كل من عنده خبر يحطه هنا عشان الكل يعرف بالي صاير .

لو كنت لسى بتسأال عن التخصصات المتاحة ،، بجاوبك كل التخصصات متاحة ماعادا الطب وملحقاته من صيدله وعلاج طبيعي وتمريض ،

اتمنى اكون افدتك ..
واي سؤال انا حاضرة

بالتوفيق : )