قبول الطلاب والطالبات الغير سعوديين

[rere-alj]

السلام عليكم ورحمة الله وبركاته ..
عندي اسئلة يا ليت احد يجاوبني :’’(

انا متخرجة من قبل ست سنين وابغا اكمل جامعة انتظام او عن بعد
نسبتي كانت 81
دراستي ادبي
وانا يمنية
وماكان في ع ايامنا اختبارتحصيلي ولا قدرات والسنة دي فاتني القدرات وان شاء الله حختبر تحصيلي يفيدني لحالو وال لازم معاه القدرات ؟؟
وكيف اسجل بما اني غير سعودية ؟؟
وهل اقدر اسجل قانون بنسبتي ؟؟او لو نسب معينة
وشكرا

[بيناوي]

المشاركة الأصلية كتبت بواسطة rere-alj السلام عليكم ورحمة الله وبركاته .. عندي اسئلة يا ليت احد يجاوبني :’’( انا متخرجة من قبل ست سنين وابغا اكمل جامعة انتظام او عن بعد نسبتي كانت 81 دراستي ادبي وانا يمنية وماكان في ع ايامنا اختبارتحصيلي ولا قدرات والسنة دي فاتني القدرات وان شاء الله حختبر تحصيلي يفيدني لحالو وال لازم معاه القدرات ؟؟ وكيف اسجل بما اني غير سعودية ؟؟ وهل اقدر اسجل قانون بنسبتي ؟؟او لو نسب معينة وشكرا

وعليكم السلام ..ياااهلااا

بما انك متخرجه من ست سنين يعني عداع شهادتك اكثر من خمس سنين يعني وللاسف مايتم القبول انتظام.زي جامعه عبدالعزيز تعدي ع شهادتك 3 سنين مافي وبعض الجامعات خمسه يعني بكل الاحوال اتجاوزتي السنين المطلوبه..

بالنسبه للتعليم عن بعد او انتساب هدي تقبل اي سنه حتى لو تكوني اتخرجتي من 20 سنه عادي ومايطلبو لاقدرات ولاتحصيلي ولاغيره ماغير تسددي رسوم 3000

بالنسبه للتسجيل اذا تقصدي للتعليم عن بعد فحيفتح قريب تاريخ 17/7

وفي قانون بس في رابغ يعني تقدري تدرسيه عن بعد وبتختبري في عبدالعزيز

شوفي الرابط وشوفي التخصصات تبع التعليم عن بعد
http://www.kau.edu.sa/AccessPage.asp...g=AR&SYS_ID=19

ان شاء الله افدتك ..ولو في شي ثاني او ماوضحته اسالي ..ومووووفقه

[L I G H T]

المشاركة الأصلية كتبت بواسطة بيناوي ههه ريحي ياحلوه لسا وراكِ امور بتسحب من طاقتك فأستمتعي

تعرفي احساس اللي طفش من القعدة ألين تكسر راسه
وجات الدراسة شهرين مدري 3 وخلصت

ورجعت تتكسر رووسنا تاني xD

[عزتي بنفسي صواب]

السلام عليكم

عندي كم استفسار وحاابة لها ألاقي لها اجاابات ياليت تفيدووني

فتح التسجيل في جامعة الملك عبدالعزيز انتظام للعام القادم ولالا ؟؟ اتصلت عالمركز قالوا لي لسه مافتح اللحين

اختبارات وبيفتح نهاية شهر 7 وهنا بالمنتديات كاتبين انهم فتحوا من بداية شهر 7 استغربت بالذات انه لسه

مااختبرنا تحصيلي فكيف يتم التسجيل بدون درجة تحصيلي !!!

سمعت كمان انه فرضوا شروط لليمنيين اللي بيقدموا على منح في جامعة الملك عبدالعزيز للعام القادم الخبر صحيح

ولالا واذا صحيح وشهي الشروط ؟؟

سؤااال أخييير : وشهي الاوراق المطلوبة للتسجيل في جامعة الملك عبد العزيز انتظام منحة مع العلم اني غير

سعوودبة ؟؟

وجزآآكم الله خييير

[بيناوي]

المشاركة الأصلية كتبت بواسطة عزتي بنفسي صواب السلام عليكم عندي كم استفسار وحاابة لها ألاقي لها اجاابات ياليت تفيدووني فتح التسجيل في جامعة الملك عبدالعزيز انتظام للعام القادم ولالا ؟؟ اتصلت عالمركز قالوا لي لسه مافتح اللحين اختبارات وبيفتح نهاية شهر 7 وهنا بالمنتديات كاتبين انهم فتحوا من بداية شهر 7 استغربت بالذات انه لسه مااختبرنا تحصيلي فكيف يتم التسجيل بدون درجة تحصيلي !!! سمعت كمان انه فرضوا شروط لليمنيين اللي بيقدموا على منح في جامعة الملك عبدالعزيز للعام القادم الخبر صحيح ولالا واذا صحيح وشهي الشروط ؟؟ سؤااال أخييير : وشهي الاوراق المطلوبة للتسجيل في جامعة الملك عبد العزيز انتظام منحة مع العلم اني غير سعوودبة ؟؟ وجزآآكم الله خييير

وعليكم السلااام

ايوا فتح التسجيل عاادي دحين تسجلي بياناتك ودرجاتك الموجوده عندك
ولمن تنزل درجات التحصيلي تحطيها المهم تختاري الافضل وتاكدي الطلب يعني لسا دحين تسجيل بس
بعد ماتحطي درجاتك حيفتحو تأكيد الطلب

بالنسبه للشروط ماسمعنا شي هيا هيا والموزون يكون في الــ90 هدا المبدأ

بالنسبه للاوراق حاليا التسجيل الكتروني مافي اوراق بس في مرفقات صور تصوريها وتحطيها
الين يتم القبول بيطلبو منك الشهاده والهويه والقدرات والتحصيلي وصور لكِ بس

وهدا الرابط تبع التسجيل

http://admission.kau.edu.sa/Pages-test2.aspx

بالتووووفيييق

[عزتي بنفسي صواب]

اللي أعرفه انه تسجيل الاجانب يتم عن طريق الجامعة نفسها مو عالنت !!!

[حيــــــاة]

المشاركة الأصلية كتبت بواسطة عزتي بنفسي صواب اللي أعرفه انه تسجيل الاجانب يتم عن طريق الجامعة نفسها مو عالنت !!!

لا ..
كـــان عن طريق الجامعه نفسها يدوي ، او الي يفوتهم التسجيل الالكتروني ،
بس صار الحين الكتروني خلاص اضمـــن ،،
كلنا قدمنا الكتروني ،، ووانقبلنا دام الموزون 90 وفوق ،

موفقه واي سؤال احنا حاضرين : )

ملاحظة : غير سعوديين ولسنا اجانب ^ـ^

[عزتي بنفسي صواب]

ماعندي أبد أي فكرة عن التسجيل الالكتروني فتحت عالموقع بس مو عارفة وين أروح ومن وين أبدأ

ربي يسعدكم

[عزتي بنفسي صواب]

صديقتي العام سجلت عن طريق قسم الرجال بالجامعة وقبلوها ماشاء الله يعني موالكتروني

وش تنصحوني ؟؟؟؟

[حيــــــاة]

http://admission.kau.edu.sa/Pages-test2.aspx

من هنا بتلقي ايقونة " انتظام للسنة التحضيرية "

ينتفتح لك تحتها كلام كلام كلام ،،، الخ
انزلي لاخر شيئ راح تلقي مكتوب
تستطيع التقديم من خلال تعبئة الطلب الالكتروني على الرابط التالي (أضغط هنا)

بينقلك على صفحة بعدها برضه كلام كلام ... الخ ،، انزلي لنهايتها بتلقي مستطيل احمر مكتوب عليه
اقر بأنني اطلعت على البيانات

بتطلع لك تحته 4 ايقونات ،، اختاري تسجيل جديد

بينقلك على صفحة ،،
دخلي ايميلك ورقم هويتك وباسوورد ،، واختاري استمرار .
" بيرسلوا لك رقم طلب " رقم طويل 14 والباسوورد عالايميل والجوال ،
ودا الرقم تحفظيه لانه هو الي عن طريقه تستعلمي عن معاملاتك ،

بينقلك على صفحة الدخول ،
دخلي رقم الطلب والباسوورد ،
وخلاص ابدأي بتعبئة بياناتك عادي بيانات عادية على ثلاث مراحل تقريباً ،
قدرات وتحصيلي حطي افتراضي وبعد ماتطلع النتائج عدليها ..
معك فرصه للتعديل حتى 15 شعبان .


وخبريني بالي يصير معك
: )