قبول الطلاب والطالبات الغير سعوديين

[يارب وفقني 12]

السلام عليكم
انا بقدم منحه عن طريق الجامعه بس خايفه موزوني مايطلع 90 او فوق ف قلت انتظر ينزلوا نسبة التحصيلي
لاكن ع كلام مركز قياس انو بعد اسبوعين ح ينزلوها وبعد اسبوعين ح يكون التاريخ 17 ويكون انتهاء موعد التسجيل بجامعة الملك عبد العزيز
واذا قدمت وكل شي وحطيت نسبة تحصيلي من عندي وطلعت النسبه مختلفه ايش اسوي لانو قريت حياة كاتبه اخر موعد لتعديل تاريخ 15

[حيــــــاة]

المشاركة الأصلية كتبت بواسطة يارب وفقني 12 السلام عليكم انا بقدم منحه عن طريق الجامعه بس خايفه موزوني مايطلع 90 او فوق ف قلت انتظر ينزلوا نسبة التحصيلي لاكن ع كلام مركز قياس انو بعد اسبوعين ح ينزلوها وبعد اسبوعين ح يكون التاريخ 17 ويكون انتهاء موعد التسجيل بجامعة الملك عبد العزيز واذا قدمت وكل شي وحطيت نسبة تحصيلي من عندي وطلعت النسبه مختلفه ايش اسوي لانو قريت حياة كاتبه اخر موعد لتعديل تاريخ 15

لازم تقدمي الحين وماعليكي من درجة التحصيلي ،،
الجامعه وقياس متواصلين سوا ،، اما الجامعه بتمدد التسجيل وتأكيد الطلب لبعد 17 ،، او انهم هم اصلا بعدين يرجعوا يآخذوا الدرجات الحقيقية من قياس ،
يعني لازم تسجلي وماتضيعي نفسك ،
وحطي درجة افتراضيه ،

وفالك القبول

موفقه : )

[انيسسه]

سجلت بالجامعه وكملت كل البيانات
ودخلت الهويه والصوره وشهادة الثانويه
وكتب لي ملف وثيقة الثانويه لم يرفق
ايش ارفق بالضبط !!!

[shahadM]

سلام اخت حياة ..
منح بقشان حتى لسعود لازم موزون 90 ؟
:(

[El Haouzi]

السلام عليكم
شباب عندي مشكلة أرجو المساعدة
أنا اسمي في وثيقة التخرج مختلف عن الجواز وبعدلها إن شاء الله
السؤال هو في الجواز مكتوب اسمي ولقبي بس !! فهل أعدل الوثيقة واكتب اسمي ولقبي بس ولا أكتب اسمي واسم الوالد(كما هو مكتوب في جواز الوالد) واسم الجد واللقب !؟
لأن في موقع الجامعة يطلبون كل هذا .
وفي حالة إذا ماتم التعديل بهذا الشكل الأخير ( الإسم اسم الأب والجد واللقب) هل ممكن اواجه مشكلة إذا قررت الخروج وإكمال الدراسة في الخارج في المستقبل إن شاء الله بحكم انه في الجواز مكتوب اسمي ولقبي بس ؟
شاكرا لكم تعاونكم وآسف على الإزعاج مع العلم أني مقيم .

[حيــــــاة]

المشاركة الأصلية كتبت بواسطة el haouzi السلام عليكم شباب عندي مشكلة أرجو المساعدة أنا اسمي في وثيقة التخرج مختلف عن الجواز وبعدلها إن شاء الله السؤال هو في الجواز مكتوب اسمي ولقبي بس !! فهل أعدل الوثيقة واكتب اسمي ولقبي بس ولا أكتب اسمي واسم الوالد(كما هو مكتوب في جواز الوالد) واسم الجد واللقب !؟ لأن في موقع الجامعة يطلبون كل هذا . وفي حالة إذا ماتم التعديل بهذا الشكل الأخير ( الإسم اسم الأب والجد واللقب) هل ممكن اواجه مشكلة إذا قررت الخروج وإكمال الدراسة في الخارج في المستقبل إن شاء الله بحكم انه في الجواز مكتوب اسمي ولقبي بس ؟ شاكرا لكم تعاونكم وآسف على الإزعاج مع العلم أني مقيم .

وعليكم السلام ورحمة الله وبركاته
الي اعرفه والمفروض اسمك يكون نفس جوازك انت (( اخويه من ثلاث سنين كان عندهم تقديم ماني فاكرة لاش بالضبط وعرقلوا له بسبب حرف بدال كتابة g حطوها k ،، واضطر يعدل في الوثيقه ويحوس عشان لازم زي الجواز))

اذا ماقدرت تعدل الجواز اول وتخلي اسمك رباعي وبعده تخلي الوثيقة بعدين زيه ،، خلاص اكتفي انك تكتب اسمك ولقبك زي الجواز .
وفي حالة انك عدلت الجواز بعد فترة ممكن من الجامعه نفسها تروح وتعدل وبكذا تتخرج وينكتب عالوثيقة الجامعية الاسم الصحيح ،
...
في موقع الجامعه لو مارضي انه يكمل تسجيلك " لانه مافي اسم الاب " حطها شرطات ،،
بس اهم شيئ تحاول تعدل في اسرع وقت ولو حتى بعد القبول ،

اتمنى اني افدتك
موفق : )

المشاركة الأصلية كتبت بواسطة shahadm سلام اخت حياة .. منح بقشان حتى لسعود لازم موزون 90 ؟ :(

وعليكم السلام ورحمة الله وبركاته
ماعندي علم للأسف .
اتصل عالمسؤلين واسألهم عن الموزون المطلوب ،

موفق : )

المشاركة الأصلية كتبت بواسطة انيسسه سجلت بالجامعه وكملت كل البيانات ودخلت الهويه والصوره وشهادة الثانويه وكتب لي ملف وثيقة الثانويه لم يرفق ايش ارفق بالضبط !!!

هلا انيسه معليش تاخرت عليكي ،،
شكله عندك مشكله عشان الحجم ،، يووه انا طلعت روحي على ما رضي يرفعها وانا اسجل لقريبتي .

صغري الشهادة بالفوشوب او الرسام او اي محرر صور .. وقللي الريزوليشن وبترفع ،

موفقه : )

[بيان *]

السلام عليكم .
ابغى اقدم منحة اي فرع للجامعة اروح ؟ :(
و ايش الاوراق المطلوبة اللي اخذهاا معاي ؟

[vergil777]

السلام عليكم ..
قمت بتعبئة البيانات الحمدلله في موقع الجامعة ودحين انا بانتظار فتح تأكيد الطلب يوم 9 شعبان ,,
الشي اللي ابغى اعرفو دحين هما حاطيين 8 رغبات في الموقع ..
جميع الرغبات المتاحة غير مناسبة لي ماعدا اول رغبة اللي هيا (السنة التحضيرية علمي محافظة جدة وشمال جدة ) هذي الرغبة اللي ابغاها غير كدا باقي الرغبات ماتناسبني !!
بس لمن حطيت كل الرغبات نفسها قالولي لايمكن تكرار نفس الرغبة اكتر من مرة !!
فاضطريت وحطيت الرغبات بالشكل التالي علشان اقدر اكمل الخطوات ..

ايش الحل ؟؟

[Bayan.as]

المشاركة الأصلية كتبت بواسطة shahadm سلام اخت حياة .. منح بقشان حتى لسعود لازم موزون 90 ؟ :(

قريبتي في الرياض وموزونها 85 وانقبلت عن طريق منح بقشان :)

يعني مو لازم 90 زي عزوز

[El Haouzi]

[QUOTE=حيــــــاة;6613332]وعليكم السلام ورحمة الله وبركاته
الي اعرفه والمفروض اسمك يكون نفس جوازك انت (( اخويه من ثلاث سنين كان عندهم تقديم ماني فاكرة لاش بالضبط وعرقلوا له بسبب حرف بدال كتابة g حطوها k ،، واضطر يعدل في الوثيقه ويحوس عشان لازم زي الجواز))

اذا ماقدرت تعدل الجواز اول وتخلي اسمك رباعي وبعده تخلي الوثيقة بعدين زيه ،، خلاص اكتفي انك تكتب اسمك ولقبك زي الجواز .
وفي حالة انك عدلت الجواز بعد فترة ممكن من الجامعه نفسها تروح وتعدل وبكذا تتخرج وينكتب عالوثيقة الجامعية الاسم الصحيح ،
...
في موقع الجامعه لو مارضي انه يكمل تسجيلك " لانه مافي اسم الاب " حطها شرطات ،،
بس اهم شيئ تحاول تعدل في اسرع وقت ولو حتى بعد القبول ،

اتمنى اني افدتك
موفق : )


بالنسبة لتعديل الجواز لايمكن تعديله لأني مغربي وجواز المغاربة فقط الإسم واللقب !
يعني اطلب تعديل وثيقة التخرج ووضع الإسم واللقب فقط ؟!
طيب لو حطيت اسم الأب مثل ماهو في جواز سفره وكذلك اسم الجد بتكون مشكلة ؟