قبول الطلاب والطالبات الغير سعوديين

[حيــــــاة]

المشاركة الأصلية كتبت بواسطة vergil777 السلام عليكم .. قمت بتعبئة البيانات الحمدلله في موقع الجامعة ودحين انا بانتظار فتح تأكيد الطلب يوم 9 شعبان ,, الشي اللي ابغى اعرفو دحين هما حاطيين 8 رغبات في الموقع .. جميع الرغبات المتاحة غير مناسبة لي ماعدا اول رغبة اللي هيا (السنة التحضيرية علمي محافظة جدة وشمال جدة ) هذي الرغبة اللي ابغاها غير كدا باقي الرغبات ماتناسبني !! بس لمن حطيت كل الرغبات نفسها قالولي لايمكن تكرار نفس الرغبة اكتر من مرة !! فاضطريت وحطيت الرغبات بالشكل التالي علشان اقدر اكمل الخطوات .. ايش الحل ؟؟

بما اننا طلاب منح ،، فإحنا ماننقبل الا في اول رغبة مطلوبة. . لي ثﻷث سنين اتابع قبول الغير سعوديين والكل ينقبل في رغبته الاولى ،،
هم حاطين رغبات لانه قبولهم السعوديين حسب الموزون يحطونهم في الرغبات بس احنا اصلا كلنا موزوننا فوق 90 ومايحطونا الا في رغبتنا الاولى ،

حط الرغبة الاولى الي تبغاها والباقية حطها زي ماهي مجرد اجراء روتيني ،، حطها كلها بدون ماتكررها ،،

موفق :-)

[حيــــــاة]

المشاركة الأصلية كتبت بواسطة بيان * السلام عليكم . ابغى اقدم منحة اي فرع للجامعة اروح ؟ :( و ايش الاوراق المطلوبة اللي اخذهاا معاي ؟

وعلبكم السلام ورحمة اﻷه وبركاته

لاتروحي مكان ،، اجلسي قدام جهازك وسجلي من الموقع وارفقي الاوراق المطلوبة. .
اكدي الطلب قبل لاينتهي التسجيل يون 15 هالشهر. .
وافضلي متابعه عالموضوع طول الترم الاول وبإذن الله بداية الترم الثاني تيطلع القبول ،،

سجلي من هنا واي سؤال انا حاضرة

http://admission.kau.edu.sa/AccessPa...www.kau.edu.sa



موفقه :-)

[حيــــــاة]

م
بالنسبة لتعديل الجواز لايمكن تعديله لأني مغربي وجواز المغاربة فقط الإسم واللقب !يعني اطلب تعديل وثيقة التخ ووضع الإسم واللقب فقط ؟طيب لو حطيت اسم الأب مثل ماهو في جواز سفره وكذلك اسم الجد بتكون مشكلة.؟

......


شوف كمجرد تقديم وقبول في الجامعه مافي مشكلة. .
بس المشكله بتواجهك لم تتخرج وتبي تكمل برا او تروح بعثه. .
لانه رسميا في اي مكان لازم جوازك زي وثيقتك ،،
لذا عدل الوثيقه كالجواز ،، وخلاص لاتكتب اسم الوالد والجد لانه انت لك بجوازك وليس جوازه ..

هذا الي اعرغه. .
واسال غيري كمان وتاكد

بالتوفيق :-)

[vergil777]

المشاركة الأصلية كتبت بواسطة حيــــــاة بما اننا طلاب منح ،، فإحنا ماننقبل الا في اول رغبة مطلوبة. . لي ثﻷث سنين اتابع قبول الغير سعوديين والكل ينقبل في رغبته الاولى ،، هم حاطين رغبات لانه قبولهم السعوديين حسب الموزون يحطونهم في الرغبات بس احنا اصلا كلنا موزوننا فوق 90 ومايحطونا الا في رغبتنا الاولى ، حط الرغبة الاولى الي تبغاها والباقية حطها زي ماهي مجرد اجراء روتيني ،، حطها كلها بدون ماتكررها ،، موفق :-)

اها =)

طيب بالنسبة لدرجة القدرات كاتبين في الموقع اكبر درجة مسجلة لدى قياس هي 87 !
وانا اكبر درجة جبتها في القدرات اخر اختبار كانت 90 !
ليش كدا =( !

[حضرموتي جدة]

عندي مشكلة بتسجيل اخوي

لما اجي ابغى اسجله بموقع جامعة عبدالعزيز

يعطيني ( هذي الهوية مسجلة من قبل لهذا العام)

مدري ايش المشكلة ياليت احد يفيدني

[حيــــــاة]

المشاركة الأصلية كتبت بواسطة vergil777 اها =) طيب بالنسبة لدرجة القدرات كاتبين في الموقع اكبر درجة مسجلة لدى قياس هي 87 ! وانا اكبر درجة جبتها في القدرات اخر اختبار كانت 90 ! ليش كدا =( !

><><><><
حتى انت !

هذه المشكلة مع ثلاث اربع المقدمين ،، من النظام نفسه ضارب مدري اشبهم -ـ-
اتصل عالعمادة وخبرهم
6952222
6952000
6400000

صحباتي كل ما اتصلوا يقولوا بنحلها ،، ومدري اشبهم للحين ماحلوها ،

لو تعدلت معك خبرنا ،

موفق : )

المشاركة الأصلية كتبت بواسطة حضرموتي جدة عندي مشكلة بتسجيل اخوي لما اجي ابغى اسجله بموقع جامعة عبدالعزيز يعطيني ( هذي الهوية مسجلة من قبل لهذا العام) مدري ايش المشكلة ياليت احد يفيدني

><><
كمان دي مشكله عامه مو معك لحالك ><
برضه اتصل عالعمادة وخبرهم وبيفعلوا لك وبتقدر تقدم ،

كمان راسل استاذ حسام ع تويتر وبيفيدك
@hussam_kau

موفق : )

[soooooma]

ا لسلا م عليكم

حيـــــــــــــــــــــــــــــــــــاة شكررررا الله يسعدك بجد ساعديتنا

عندي استفسار أنا انقبلت في السفارة اليمنية و اليوم يقولون فتح باب القبول ؟؟؟ مافهمت قبول ايش ولا تأكيد الحين ايش اسوي

أروح السفارة ولا استنى بداية الترم الأول ماني عارفة اي شي

[حيــــــاة]

المشاركة الأصلية كتبت بواسطة soooooma ا لسلا م عليكم حيـــــــــــــــــــــــــــــــــــاة شكررررا الله يسعدك بجد ساعديتنا عندي استفسار أنا انقبلت في السفارة اليمنية و اليوم يقولون فتح باب القبول ؟؟؟ مافهمت قبول ايش ولا تأكيد الحين ايش اسوي أروح السفارة ولا استنى بداية الترم الأول ماني عارفة اي شي

وعليكم السلام ورحمة الله وبركاته
: )
ويسعدك ويحقق مرادك

.،.
فتح باب القبول والتسجيل " عن طريق الجامعه نفسها " شيئ منفصل تماماً عن تسجيل السفارة ،،
بما انك مقبوله عن طريق السفارة مو لازم تقدمي مره ثانية عن طريق الجامعه ،، الا اذا تبي تقدمي من باب الاحتياط في حالة صار اي شيئ بخصوص منحة السفارة .

منحة السفارة للآن مامنهم خبر ،، اعتقد بيتواصلون معكم على شوال لو بتداموا من الترم الاول ،، او انه كالعادة بتداوموا عالترم الثاني وراح يتواصلوا معكم على ربيع اول تقريباً ،،

فبراحتك اذا تبي من باب الامان تسجلي عن طريق الجامعه كمان ،، او تسجيل السفارة كافيكي .

موفقه : )

[soooooma]

شكررررررا ع الرد و يحققلك اللي تتمنيه ياعسل :)))))

إن شالله يصير كل خير راح استنى .....

[sweety moon]

السلام عليكم للكل

معليش اختفيت لفترة لانواطلع نتيجتي القدرات وما كان زي توقعاتي بس الحمدالله على كل حال جبت 78 كنت ابغا 80 ع الأقل :(( بس يلا حصل خير
وما اختبرت تحصيلي لأنوا اختبرته قبل سنة مادري سنتين فالمهم نسيت درجتي حق التحصيلي وابغا اعرفها ولمن ادخل ملفي حق القياس بس يطلع لي نتايج اختبار القدرات وزي كدا فممكن تساعدوني لو ما عندكم مانع :s !!