في عشرين سنة: عشت.. وبسنة: ارتقيـت.. وبآسبوع: حزنت على الحال

[ورقة ... !]

المشاركة الأصلية كتبت بواسطة shaden للأسف مازلنا في قوقعة العادات المدمرة التي خلقت من ثقافة اجتماعيىة عقيمة عزيزي ورقة : ماذا تفعل لو كنت أنثى مثلنا ؟ كل مايدور حولك هو كلمة وحدة انتي بنت غير ؟؟؟؟؟؟؟؟؟ عشان المجتمع دائما ينظر للبنت انها غيييييييير ؟ لمتى بس ؟ أما عن نفسي فأنا بادئة في عائلتنا بكسر حواجز العيب والي مايسير بأني أول فتاة في عائلتنا أشتركت في أندية ثقافية ومشاريع اجتماعية تجمع مابين الجنسين ولا أملك أي خجل فيما أقول فأنا فتاة زرعت في نفسي قيم دينية قبل الاجتماعية وأهلي معي ولله الحمد يناصرون شادن أما عن الحواجز الاجتماعية فلا تعنييلي شيء أشكر اطلالتك الرائعة

أشكر لك إضافتك على الموضوع
بخصوص العادات والتقاليد.. بإمكاننا العيش مع العادات والتقاليد لكن ليس بالطريقة المستخدمة من أجدادنا الأعزاء بطريقة الثلاثين سنة الماضية!
هناك من الاجداد من يحاول مع الآباء ليقوّموا سلوك الابناء على طريقة الثلاثين سنة الماضية.. وبعضها للاسف بيحط الابن في موقف لا يحسد عليه!

تحيـة ورقيـة ... :)

[tag2000sa]

مشاركة جيدة يا شادن ..

وأعتقد جيلنا وجيل آباءنا تقريباً تمرد ولو قليلاً على العادات والتقاليد ...

ففي عائلتي مثلاً
البنت كان مكانها الوحيد البيت وممنوع عليها الخروج لعمل ولا دراسات جامعية وغيره
لكن اليوم الحمد لله أختي باقيلها 3 سنوات وتتخرج طبيبة

والولد مثلاً ... كان عيب عليه يدخل المطبخ ولو لكاسة موية ولا يخدم نفسه ... والحمد لله دحين أنا أعرف أطبخ وتقريباً عايش العزوبية بمعاناتها و أنا مع أهلي

ما علينا دحين من العادات والتقاليد والعرف الأخلاقي للفرد السعودي .. ﻷنه ماله تأثير على الفوضى الحاصلة في شوارع جدة
يعني
يا عااااالم يا ناس ياهوووووو ... عمركم شفتو كوبري وتحته نفق وبينهم دوار ... ولا وكمان مسارين فقط وموقعهم في نقطة الوصل بين أكبر تدفق للحركة المرورية في جدة- شارع الستين وطريق المدينة وطريق الملك عبدالله وكوبري المينا ...

يعني تخيل حادث صغير في داك الدوار يقفل أم الشوارع دي كلها

طيب بالله طلو لمنطقة البلد وما جاورها تخطيط المنطقة لابد يتغير ...
وعلى ما قريت في جريدة الشرق اﻷوسط ... إنو منطقة الرويس حيتم تخطيطها وتحسينها وإقامة عدة مشاريع فيها

نجي لموضوع عشوائية الشعب ... بصراحة ... لا تعليق (مو ﻷنه ما عندي تعليق) لااااا وإنما ﻷنه أعجز عن وصف اللي شفته- أخطاء أخطاء أخطاء تراكمت فوق بعضها البعض .. وودي أقول لو كل واحد صغير كان ولا كبير أعتبر إنو المكان الموجود فيه ملكه وفعلا حس بدا الشي داخل نفسه ماراح يخرب ولا يوسخ ولا يهمل المكان دا ...
أديكم مثال ... سكّان عمارتنا اﻷساسيين بيحافظوا على العمارة وبعتنوا بنظافتها وتجديدها وأي خراب يتعاونوا في إصلاحه حتى لو خارج شقتهم - ليش ؟- ﻷنه دي عمارتهم وهما حاسين إنو دي حقتهم .. لكن المشكلة بدأت دحين لما كثروا المستأجرين من سعوديين وأجانب صرنا نشوف القمايم في اﻷدوار والبساس في الدرجان والله يكرمكم البزارين يعملوها في المصاعد غير المراهقين والخراب اللي بيعملوه في المصاعد والمواقف واﻹزعاج - ودا كلوا ليش؟- ﻷنه مش حقهم مجرد مستأجرين و وبكرا بيطلع
تبغوا مثال ثاني ... شوفوا الشباب لما تكون السيارة اللي معاه مشتريها من راتبه كيف يخاف عليها وكيف لما يستأجر سيارة من شركة تأجير ...

وزي ما يقول المثل: (( جلد مو جلدك ع الشوك جرّه ))

على جنب: كان ودي أقلكم ع اللي شفته اليوم عند مستوصف بدر الدين ...

[ورقة ... !]

تركي
والله قلت كلام كتيــر من حرتي وانا احط الموضوع نسيت ما احط النقاط اللي ذكرتها.
يسلم صباعك على الكيبورد ^_^


تحيـة ورقيـة ... :)

[Electron]

أولاُ : حمدالله ع السلامه يابو حميد ,, وربي واحشنا ! , وانا اقول جده منوره ليش؟ : )

ثانياُ : يا عزيزي لو فتحنا موضوع للنقاش عن العادات ما راح نطلع بنتيجه ,, والنتيجه المعروفه للأسف هي " اتفق العرب على أن لا يتّفقوا... " ...

ثالثاُ : وهو الموضوع اللي نتناقش فيه ,, يا عزيزي انت ذكرت مثال وهو الشوارع , ولكن مع الأسف المشكله لدينا تقريبا في كل شيء ! اعطيك مثال آخر مشكله انقطاع المياه عن بعض المنازل في جده , واللي اغلبكم عارف الطوابير كيف عندهم , لدرجه انه بعض الناس يجيب احد من اهله عشان يخلص من الزحمه...!! هل يعقل يا محمد انه مدينه على الساحل ولديها محطه تحليه مياه , عاجزه عن ايصال المياه لجميع المنازل؟؟ يا أخي اللي يحزنك ويقهرك لما تشوف في الدول الاجنبيه يتكلم عن خطه مستقبليه للـ 10 سنوات القادمه!!! واحنا ما زلنا نحاول نطلع بدراسه للسنه اللي احنا فيها؟؟ كيف تتوقع وجود مستقبل وانت عندك مشاكل في الحاضر؟؟ من رأي المتواضع المشكله مو مشكله الفلوس تروح وين او فين فقط!! اتوقع احد اسباب المشكله هو الافراد... هل تعتقد انه الأجنبي افضل مننا في العلم والتفكير..الخ؟ مع الاخذ بالاعتبار ان آباء اغلب العلوم عرب...لكن مع الأسف مجتمعنا اصبح يتسّم بالإتكاليه... " ليش ترمي في الشارع؟ " يرد عليك " فيه بنقالي ينظف , اجل الحكومه تدفع له ليش؟ "... مشكلتنا والله العظيم هي التطبيق!! ممكن نتفق على شيء ونعزم العمل فيه لكن وقت الجد! لا تطبيق...

ما أحب اخذ من الصفحه اكثر من كذا... و ما نقول الا " الله يصلح الحال... "


تحياتي...

[ورقة ... !]

ساموهـ // الله يسلمك ويزوجك يخويا :d

بالنسبة للموضوع اللي تطرقت له وهو انقطاع المياه ..
قبل يومين .. بن عمي ( أحمد ) بيسآلني : عندكم في ماليزيا بتنقطع المويــه؟ قلت له : لآ طبعاً إلا إذا ما دفعنا فاتورة المويـــه... وخلال حديثنا، كنت بآغسل يدي من الغداء واصب الموية من البرميل الاضافي في الحمام - أعزكم الله - !!

هذا واحنا ساكنين في شارع المكرونة تقاطع التحلية . يعني جنب العيــــــــــن والوايتات بجنبنا.
ولكن مين يسمع!

مشكلة الشارع .. والله في ماليزيا ناااااااااادراً ما بتلقى بشر بيوسخ الشارع .. انا ما باقول انك تلقاها جنة في كل الشوارع.. لكن على الاقل بينظفوها منهم وفيهم..
عندنا، بنجيب البنغالي ولا الهندي ينظف .. واحيان كمان بعد ما يخلص نرمي له كم كيس نقول له نظف.. كآنه شغال عند ابونا!!

قلت لك يا الكترون: لا توجد مقارنة.. انا اللي تعّــبت قلبي وكتبت الموضوع.. :(



تحيـة ورقيـة ... :)

[فتفوتة سكر]

انفلونزا الخنازير كان فايدته علينا انهم اهتمو بنظافة الاماكن العامه والمدارس
اكتر من السابق
وانتشار التوعيه
بس لسه ماوصلنا للقدر المطلوب
ايش رايك نقوم باشاعة انفلونزا رز !!!!!



لا تحزن ستكون شوارعنا نظيفه يوما مـــــا !!

[ورقة ... !]

[ســــــــــــــ]ــــــتكون ان شاء الله ;)

[أحلى لووودي]

ورقــه ..

اسمح لي اضيف هذه الكلمات بس بدون زعل

صراحه انا دايما اقول الشعب السعودي همجي ومستهتر..!!!
برغم انه لو خرج برا السعودية تلقاه مطبق لكل النظم ..!!! << اظن هنا ليه مادخلت في عاداتنا
بس لابد من نشر الامل
ان شاء الله هذا كله سيتغير على يدي ويدك ويد كل مسؤول في الغد ..

سنتغير ونغير ... سنتغير ونغير للافضـــل فقط

[ورقة ... !]

المشاركة الأصلية كتبت بواسطة أحلى لووودي ورقــه .. اسمح لي اضيف هذه الكلمات بس بدون زعل صراحه انا دايما اقول الشعب السعودي همجي ومستهتر..!!! برغم انه لو خرج برا السعودية تلقاه مطبق لكل النظم ..!!! << اظن هنا ليه مادخلت في عاداتنا بس لابد من نشر الامل ان شاء الله هذا كله سيتغير على يدي ويدك ويد كل مسؤول في الغد .. سنتغير ونغير ... سنتغير ونغير للافضـــل فقط

للآسف مو ( كل ) الشعب السعودي
أنا من الآفراد اللي رجعوا لبلدهم ووده يغيّــر ويتغيّر للأفضل للآبد
لكن واجهت الاغلبية هنــآ بنفس التفكير القديم وما ودهم التغيير
حاولت وحاولت ولكن بلا فائدة
هذا ثالث اسبوع اعيشه هنا واحس نفسي ( مغصوب ) :)


تحيـة ورقيـة ... :)

[نضال]

خاتــمة: حدثني أحد الأصدقاء حين وجوده بماليزيا أن هناك رجلاً صينياً رآى مرافق صديقي وحبل جزمته - أكرمكم الله - غير مربوط .. فآبعد الصيني الجوال عن إذنه .. واستآذن من صديقي وآشار على حذاء رفيق صديقي بآدب وابتسامة. فما كان من صديقي إلا أن شكر الصيني وسار الصيني في طريقه..

قويه ..

كل ما اشوفك .. لا شعوريا احن لماليزيا ..

المشكله ماهي مشكله رغبه في التطور .. انما تنفيذ التطور ..

الوقت اللي تسمع ان فيه ميزانيه انصرفت على وزاره او دائره حكوميه .. راح تلاحظ ان التطوير " يمشي على قشر بيض "

يعني بالعربي ما تتطور الا الشكليات .. و يضاف لها جهاز كمبيوتر " غالبا ما يكون حجه لكلمه السيستيم داون "

ولا تنسى ان الاشخاص بيكونوا نفسهم الموجودين ..

بيروقراطيين .. متغطرسين .. متذمرين .. " الا من رحم ربي ""

الاسبوع الماضي كنت في احدى الوزارات الموقره .. و لي تجربه مريره سابقه معاها ..

بحكم خبرتي في تعنت الموظفين ادركت مسبقا اني ما راح اقدر انهي معاملتي في يوم واحد .. فطلبت من الموظف المختص كتابه جميع المتطلبات في ورقه ..
اتعجبت من تعاونه وتكرمه علي بتنفيذ الطلب ..

رجعت ثاني يوم و انا جايب جميع المتطلبات ..

لقيته ينفخ و يقول .. ياخي .. كاتب لك بالعربي .. جيب ملف اخضر علاقي !!

اخذت الورقه ادور على كلمه ملف اخضر علاقي بدون اي امل اني القاها ..

و امعانا في القهر .. كتب لي متطلبات اضافيه غير اللي كتبها اول مره :)

اعتقد ان سبيلنا الاول للتطور هو تطوير المهارات و تطوير الاشخاص

شكرا ورقه .. و هالله هالله بالبنتانق ستريت :)