محتارة جدا اين اذهب .. " فستان الأحلام ينتظرني و لكن لا اعلم اين هو "

[ultraviolet]

شكرا جزاك الله خير بس ما اقدر اراسلك عالخاص عشان عدد مشاركاتي ما عدت 75
طيب كيف دحين اراسلك ؟

[:. مآء السمآء .:]

و كمان انا عندي سؤال .... في احد يعرف مشغل " هبه جمال " اللي في كلام نواعم ؟

هذا قريب من مجمع الشرق بس مكانه بالضبط بالضبط مااعرف

بنات خالي خيطوا عندها وحده فيهم كان حلو فستانها والباقيين عاديه وغير انها مرررره شغل كثير وخرز وكرستالات مرره كبيرة ماعجبتني

يعني أنا ما أحب كذا ما أعرف عن ذوقك انت

هذا الكلام قبل لا تصير مذيعة يمكن حالياً كلام نواعم غيّر ذوقها

فيه مشغل في السامر اسمه " دار لينا " أنا خيطت عنده قبل كذا مررررره شغلهم حلو وراقي وأسعارهم تبدأ من 3000

مشغل النزهه المصممه اسمها ميشيل فلبينيه مره روعه بس برضو مو مره رخيصه

هذا كثير من العائلة الموقرة خيطوا عنده حلو شغلهم واسعارهم لا بأس بها


يلاا اذا جربتي أحد كويس قوليلي عشان فرح أخويا قريب كمان :)

[R-Kh]

النزهه خالتي خيطت عندو
اسعارو بالمرة معقولة
وشغلها مره تمام
...
أحمد البدوي من جد تصميمات مره غريبة
تحسي الفستان كدا كلو على بعضو غريب
بس اسعارو غالية
...
في مشغل الدارة في المكرونة
جربتو ممكن من 3 سنوات
كان مره شغلهم كويس
والمصممة مره فنانه
بس اسعارهم مره غالية
وتهلكك طلبات كل يومين تبغا قماش شكل
...
إليجانس
اللي قدام دانواب النهضة
صحبتني مدحتو جربتو ايام فرح اخوها
تقول انو كويس
بس انا ماجربتو
...
وفي مشغل إل جي
تصاميمهم مره حلوه
بس احسها زي احمد البدوري بالمرة متكلفه
ممكن تعجبك
مليانه شغل
انا عن نفسي احب الشي البسيط
فـ روحي وشوفي
....
وعقبال فستان فرحك يارب
..
:)

[ultraviolet]

شكرا لكل اللي مرو " ماء السماء & r-kh
حاشوف انا دا مشغل النزهة و اشوف شغلهم كيف
اما بالنسبة ل مشغل ال جي .. هادا اظن اللي قدام المساعدية مو صح ؟
ما قيدي رحتو بس ممكن اشوف
بالنسبة لدار لينا فين بالزبط في السامر ؟ عشان برضو اسال و اروح اشوفو
و عقبالكم كلكم ان شالله تخيطو فساتين افراحكم يا رب و افراح بناتكم و اولادكم
و شكر مرة تاني لكل الحلوين اللي مرو .. الله يوفقكم في حياتكم و يباركلكم في وقتكم

[R-Kh]

اما بالنسبة ل مشغل ال جي .. هادا اظن اللي قدام المساعدية مو صح ؟

في اكتر من فرع
في واحد قدام المساعدية
...
بس انا اللي رحتو اللي قدام ابل بيز اللي عند حراء افينيو
..
:)

[ultraviolet]

اهاا
طب ممكن يا بنات تدلوني على بوتيكات تبيع فساتين مرررررررة حلوة
لاني بصراحة ما قيدي اشتريت من بوتيك عشان كدا ما عرف فين اروح ؟