طب طب طب ... أمنيتي ادخلووو بليز

[Ali The Humble]

المشاركة الأصلية كتبت بواسطة نادين الله يوفقك ..عادي السنه التحضيريه تدرسي مواد عاااامه احصاء رياضيات فيزياء .....الخ وازا حابه طب لازم معدل عالي العال يعني 4,8 زي كدا الله يوفقك حبيبتي

تصحيح لمعلومتك لا اكثر ولا اقل

الى الان ما تم تحديد نسبة قبول الطب يعني لا هي 4.8 ولا غيرها ...

يتم التحديد بعد مرور السنة التحضيرية ...
وشكله العالم مخبصه كلها عشان كذا قد ...لاحظي قد ينزل المعدل المطلوب عن كذا ..يعني يمكن 4.7او حتى 4.6 على حسب الطلاب ودرجاتهم ...

بالنسبة لكاتبة الموضوع ...

كثيرين من حلموا وقليلين من حققوا ...انا ما ابغى احبط لكن تجربة السنة التحضيرية لها اثرين على الطالب ...

اما التاييد ...واما انها تخليه يغير رايه كله سواء بسبب انه المعدل ما يساعد لاقدر الله او السبب الاخر انه يلاقي مواد يحبها اكثر من الطب والاحياء ...

كثير من طلاب السنة التحضيرية وخصوصا البنات احبوا الاحصاء حتى كان في موضوع عن وحده اعلنت انها بتخش احصاء بدل الطب اللي كانت تحلم به ...

لا تستعجلين والله يوفق الجميع ....

[monfana]

والي اختبرو القدرات ياريت يفيدوني بكتب أو دورات أو أي شي

انا عن نفسي والاغلبية دخلنا الاختبار لاكتب ولادورات ولاهم يحزنون..
لان التحصيلي والقدرات يختبر الأداء العام والمستوى العلمي ..

وربي لو تشوفوني دي السنة مرا متوترة ومن بدايتها

وانا نسبتي مو حلوه في سنة تانية اهئ جبت 93 فدي السنة مرا شادة حيلي

لا يبيلك تشدين حيلك بقوه
انت تسوين عكس الناس حنا شدينا ثاني وثالث جانا تبلد احساس
بإزن الله اجيب أعلى نسبة
الله يوفقك للي تبينه

زي منتو عارفين احنا ياخدولنا نسبة تاني وتالت وفوق دا كلو قدرات وتحصيلي وتحضيري
عادي مافيه فرق
حتى حنا كذا .. عالاقل عندكم احد خبره مجرب

وربي تعزيب بس كلو عشان الطب يهوووووووووووووون

الله يسهل عليك
وركزي بالمذاكره لأن التحضيري يشبه مناهج الثانوي اللهم بالانجلش وشوية فروق

[لولو الحلوه]

يا كتر هرجكم.........

صراحه الواحد يبغى اللي في باله ويجري وراه ويحاول بس في النهاية اللي كاتبه ربنا هو اللي بيصير ...ترى اتكلم عن تجربة حصلتلي جالسه استنى تسعه شهور واحاول في الموضوع بس في النهايه ربي ماأراد ......

الله يوفقكم ويحقق امانيكم ويختار الخير للجميع

[المتفائلة]

ياطلاب وياطالبات

لاتيأسوا

خلوا عزمتكم وارادتكم عاليه

شدوا حيلكم والله يوفقكم يارب
ويقدر لكم الخير

[Dr .marwa]

والله ماعندي فكرة بس الله يوفقك

[kooki]

بالنسبه لي كانت نسبة سنه تانيه 96% و سنه تالته 94 بالتالي التراكمي كانت 95% اجتزت القدرات ب75% والتحصيلي ب 86% .. وكانت نسبتي الموزونه 86 او 87 ماافتكر ووخشيت الجامعه الحمدلله بس دحين معدلي مررره طايح وحطمني شويه .. كان طموحي طب طبعا ..
فأنتي انشاالله لما تخشي الجامعه شدي حيلك كتير في السنه التحضيريه .. وطبعن الدراسه بالانقلش ومواد عامه : كيمياء , فيزياء , احياء , حاسب , رياضيات , احصاء , مهارات اتصال و انقلش تدرسيها على ترمين ..
المعدل المطلوب للطب والكليات الصحيه من 4.5 الى 5 << المعدل الكامل وكميه قليله الي حيقبلوها بالنسبه للطب البشري 150 طالبه .. بالنسبه للاسنان 75 طالبه والصيدله 55 طالبه وماافتكر كم بالنسبه لمختبرات طبيه .. هما كدا قالو دي السنه ومااعرف ادا ع السنه الجيه بتتغير الاعداد ..
المهم اتمنى اني فدتك ..
ووشدي حيييييييلك مررررره ولا تتحطمي زيي
وانشاالله امالنا تتحقق ..
:)
وبــــس ..

[Dr.lover]

بالتوفيق ^_^

[Dr-A]

حبيبتي ركزي على الأنقلش ثم الأنقلش ثم الأنقلش .. أنا عن نفسي يوم جيت على بالي بلبل وأنصدمت من المصطلحات الطبيه حاولي قد ماتقدري تحسنين من الأنجليزي لأن السنه التحضيريه الأغلبيه للموااد نفس ثالث ثانوي ماعدا أشياء بسيطه تختلف ... بالتوفيق.

[متطلعه للطب]

ارجوكم ابغى اكلم مدير جامعة الملك عبد العزيز او اخد ايميلو او اي حاجه توصلني له ارجوكم مرررررررررررررر محتاجتو الله يخليكم دكاتره قد الدنيا بلييز في اسرع وقت عشان ما يفوتني التسجسل الله يخليكم اكيد انتو حاسين فيه لانكم مريتو بتوتر ما قبل التسجيل فارجوكم كونو معايه

[القلب الحنون2009]

السلام عليكم نصيحتي ليك عشان تدخلي طب او اي كليه اخره اول شي خلي هدفك انو تجيبي نسبه عاليه في الثانويه وبعدين ركزي في القدرات والتحصيلي بشكل كبير حاولي تقرائي كتب حق القدرات والتحصيلي او تدخلي دورات لانها راح تفيدك كثير انشاء الله و الله يوفقك ويحقق امنيتك انشاء الله يارب يا كريم ويحقق امنية جميع الناس واسف على الاطاله.................وشكرا