نبذة عن قسم المختبرات الطبية

[dollah.marg]

ايش المعدل المطلوب للتقنية الطبية ؟؟

[greenheart]

سؤال أخي الكريم
عن مستقبل المختبرات الطبية بإذن الله هل هو ان شاء الله جيد
وياليت ترتب لنا أقسام كلية العلوم الطبية التطبيقية من ناحية مستقبلها
يا ليت اذا عندك نصيحة تقدمها لأخوي متخصص مختبرات طبية
وبارك الله فيك على مجهوداتك

[miss.NeNo]

الله يكتبلي هوا يااارب مرا احب التخصص داا

بس ايش مجال العمل فيه ؟؟؟

[عبوور]

اقدر اختار موضوع البحث بكيفي واستغل فيه مع قروبي ؟ سؤال ثاني مهم جدا ..... تتدربو على تقنية pcr او pvr .. ناسية اختصارها بس متعلقة بنسخ الdna ؟ كيف الطالب يتخصص في الدراسات او الهندسة الجينية بعد مايتخرج من تقنية المختبرات الطبية ؟ جزاك الله خير على اجابتك لأسئلتي

غالبا لا ماتختاري موضوع البحث الدكتور اللي يختاره بس تكوني عارفه قبل ماتختاري الكتور كل دكتور ايش المواضيع اللي يسوي عنها بحث
المادة بساعتين بس في المعدل وماهي صعبة الشغل غالبا لوحدك أو معاك شخص واحد بس مو أكتر من كده كمان لكل دكتور فيما يحب في البحث مذهب يعني في دكاترة يركزوا انك تتعلمي تكتبي الاطروحه في ناس اهم شيء عندهم البرزنتشين أنك تقدري تقدميه كويس والثقة بالنفس ناس قليل تهتم بشغلك بيدك
pcr طبعا شيء مررة مررره مهم وتدرسيه في كذا مادة نظري وتتدربي عليه عملي بس مو كتير لانه مكلف جدا
بصراحة مني متأكدة أظن لازم تكملي دراسات عليا جينتك بس ممكن كمان تتوفي في المكان بعد التخرج لو معدلك عالي بعدين مكان العمل يرسلك للدراسات العليا
واياكي

جزاك الله خيرا.....

وإياك....

ايش المعدل المطلوب للتقنية الطبية ؟؟

أنا من الجيل القديم اللي كان يعتمد ع القدرات بس ونسيت كم كان معدلي بالزبط حاليا بيعتمدوا ع التحضيري أكتر بس ما اعرف كيف

سؤال أخي الكريم عن مستقبل المختبرات الطبية بإذن الله هل هو ان شاء الله جيد وياليت ترتب لنا أقسام كلية العلوم الطبية التطبيقية من ناحية مستقبلها يا ليت اذا عندك نصيحة تقدمها لأخوي متخصص مختبرات طبية وبارك الله فيك على مجهوداتك

أنا بنت
طبعا المستقبل بيد الله بصراحة ما أعرف أغلب اللي أعرفهم بعد البكالوريس سافروا دراسات عليا كملوا دراسة بشكل عاام
برضوا ما أعرف أرتبهم بس أشعة أول دفعة أتخرجت السنة اللي فااتت كلهم أشتغلوا طلاب وطالبات
مختبرات بما انه قسم قديم نسبيا فالوظايف ماتكون سهلة زي كده خصوصا في جده لكن في جامعات جديدة زي في المدينة والباحة الاماكن اللي شوية بعيدة تأخذ معيدين وما أعرف عن وظايف المستشفيات أبدا
علاج طبيعي برضوا السنة اللي فاتت كانت اول دفعة بس ما أعرف عنهم شيء " ان شاء الله راح أسأل"
ياااارب يوفق أخوك بس أنا كمان طالبة ماينفع نصيحة مني لكن يسأل الدكاترة جدا متعاونين أنهم يساعدك تحدد مستقبلك

الله يكتبلي هوا يااارب مرا احب التخصص داا بس ايش مجال العمل فيه ؟؟؟

مجال العمل مستشفيات ومراكز الابحاث هذا اللي أعرفه
يااااارب اذا كان فيه خير لك ييسره لك ويوفقك فيه....
اسفه أني أرد متاخر والى الان ماكتبت عن المعامل لكن ان شاء الله قريب والله مشغولة حبيتين.....

[ملاك الجامعية]

الله يسعد ويوفق كل من رد واعطانا اجوبة

بجد كنت محتاجه اعرف عن الكليه

دعواتكم اني ادخل تغذية او تقنية مختبرات مع اني حملت الماث

ربنا كريم

[عبوور]

ربنا يوفقك ويسهلك اللي فيه الخير يااارب

[do0ody-do]

يسلمو مرا معلومات مهمة ..

بس عندي استفسار بسيط ..

التغذيه ما اتكلمتي عنها فهل هي قسم قديم ولا جديد ..

[عبوور]

قسم جديد مع الأشعة والعلاج الطبيعي أول دفعة خلصت ألامتياز السنة اللي فاتت بس ما أعرف عنه كتير

[M!SS Lara]

جزاكي الله خير عبووور ع التوضيح..
والله يوفقك يارب ويساعدك :)

[ياروحـ روحـــــــــــي]

السلام عليكم ورحمة الله وبركاته.....
عندي سؤال واحد بس واتمنى احد يفيدني ... ايش طبيعة عمل اخصائي المختبر ؟! يعني انا الي أحلل واشيل وأودي ولا هذا عمل الفنيين الي تحتي؟!...