استشارة بخصوص تحويلي لجامعة الملك فيصل بالشرقية ارائكم ومقترحاتكم وفقكم الله

[ro7i Leek]

الله يجزاك خير اذا عرفت شي بخصوص احتساب عدد الساعات ردلي على الخاص لاهنت .. لأن انا كمان ابغى احول لجامعة الملك فيصل واجتزت السنه التحضيريه ..

[ابو فلاح]

السلام عليكم

بالله لو تشوف تخصص الاداره عند جامعة الملك فيصل تسوي خير

[nasser_a]

بارك الله فيك كنت بكتب بنفس الموضوع ولاكن سبقتني

انا باذن الله رايح رايح لاني ابي اتخصص انجليزي لان جامعة عبدالعزيز رفضو اتخصص انجليزي لان ماجبت المعدل المطلوب وهو 80 في مادتي الانجليزي في السنه التحضيرية وانا دافع فلوس يعني المفروض على كيفي مو على كيفهم وانا اعرف نفسي اني راح امشي فيها لاني درست دورات مكثفه من قبل عملي ولاكن ماكنت اعلم ان لابد تجيب هذة الدرجات لاكن للاسف

اما بالنسبه الى التخصص فانا انصحك بالتربية خاصة لاني بحثت عنها في النت واعرف ناس تدرس في مدارس حكومية
ويقولون عندنا نقص كبيير
والله ولي التوفيق

ولاتنسانا ان ترد علينا اذا ردو عليك جامعة الملك فيصل بالنسبه الى قبول الساعات مو على الخاص هنا لكي تعم الجميع

[yaaasr]

أنا اجتزت السنة التحضيرية وبمعدل 3.30 لكن المشكلة إني حاط في راسي لغة انجليزية من أول مانتسبت ولكن تفاجئت برفض الأودس تخصيصي فيه لاني جايب في الترم الاول 77 في الانجيزي 1 والترم الثاني 82 انجليزي2 والمطلوب 80 في كل ترم والله مشكله طيب ليش ماحدد الكلية هذي النسبة من قبل على شان نشد حيلنا ولا نشوف لنا طريق ثاني
فانا سجلت في موقع جامعة الملك فيصل وإذا ماقبلوني راح أودع هذي الجامعة والبهذله .

[الصامل]

http://adgate.kfu.edu.sa/e-gate/admission.htm




التخصصات والبرامج المتاحة للطلاب والطالبات:
يتم قبول الطلاب والطالبات في نظام التعليم المطوّر في أحد البرامج التالية:
أولا: بكالوريوس الآداب (إنتساب) في أحد التخصصات التاليه :
1- اللغة العربية
2- الدراسات الاسلامية
3- اللغة الانجليزية
4- الدراسات الاجتماعية ( جغرافيا – تاريخ – علم اجتماع )

ثانيا: بكالوريوس التربية (إنتساب) في تخصص :
1- التربية الخاصة .




هذه التخصصات المتاحه في برنامج الانتساب في جامعة الملك فيصل

انا قدمت عليهم وباقي ماجاني القبول


يقولون يبدا القبول من 18/9/1430 الى نهاية دوام يوم 11/10/ 1430

والرسوم اقل وتصلح للي ساكن بالشرقيه صراحه


وعندهم نظام اسمه البانر مرادف لنظام الادودوس

هذا اللي قدرت افيدكم فيه

[same]

وانا ان شاء الله معاكم