أريد الانسحاب من الجامعة كيف ساعدوني

[ماجد m]

المشاركة الأصلية كتبت بواسطة سر الوجود دفعه 10 حقل تجارب بمعنى الكلمة 1- طيله هذه السنوات كانت الدراسه طوال الأيام أما على 10 فيهي كانت مكثفه فقط ثلاث اسابيع كل يوم من الساعه 6-8 ومن الساعه 4- 10 والدراسه كذلك حتى يوم الخميس 2- كان لا يتم احتساب الحظور والغياب أما 10 فمن لايتمكن من الحضور يتعبر غيااب 3- التخصااصات منقرضه في دفعه 10 أذكر انهم قالوا عندما يوجد عدد كبير يرغب في القسم نقوم بالدراسه ونقوم بفتحه >د وهذه ماهي الى وعود ليس لها من وجه الصحه

مشكوره أختي على التوضيح ولكن دراستك تعليم عن بعد أو لا .. وهل الحضور في الفصل الافتراضيه فتره مسائيه أو صباحية ... أنا موظف ودوامي 8 صباحاً حتى الساعه الرابعه والنصف مساء ... (((رحنا فيها )))

[ماجد m]

المشاركة الأصلية كتبت بواسطة naeema_m اخوي ماجد انا انصحك تستخير انا كنت من طلاب العربيه المفتوحه وطلعت روحي فيها لامواد زي الناس تنزل واحيانا الترم كله ماده وحده مدرسين نروح ومانلقى احد مبنى الله يكرمك كان مستودع مدري سكن عمال تسجل بمواد تظنها تخصصك وانت ماتدري لانها رموز وتروح عليك موادها احيانا الماده تصل الى 3500 ريال ماده وحده وتعب نفسي من ذاك المكان الله لايذكرني فيه الحين صحيح فيه تقصير من ناحيه التأخير فقط وعدم الالتزام لكن والله اني احس اني بجنه وسمعت عن فيصل يعادلون مواد وهي اقرب لي وفيها تخصصي لكني ماادري عن نظامهم انا جدا مرتاحه بعبدالعزيز وان كانت رسومها غاليه بس المشكله الكل يتذمر والكل مستعجل وفيه ناس يبالغون كثيررر واللي بعده يزيد النار حطب لحد مانصل لحاله عدم التقبل اللي ربي كاتبه لنا وفيه خير بناخذه يمكن وجودك فيها وسعرها غالي وانا اول المعارضين خيره لك ارجع واقول لك استخير وتوكل على الله وبالتوفيق

شكراً لك أختي الكريمه ونصيحتك التي تثلج الصدر واعتز بها وانا لم أقرر بعد ولكن أخذ رأي الاخوه والاخوات .. كما أنني اشكر الجميع على تفاعلهم معي ....

[ماجد m]

المشاركة الأصلية كتبت بواسطة أبو لمى طيب يا أخ ماجد ويش رايك تروح منتدى جامعة الملك فيصل وتدور على اللي في نفس التخصص اللي تبغاه وتستفسر عن الوضع في الجامعة وفي التخصص وتقارن بين الجامعتين واستخير وان شاء الله ربي بيوفقك للي فيه خير لك بس لازم تستفسر عن كل شي عندهم لانه وانا اخوك المعاناة في كل الجامعات مو بس عندنا لكن معاناة عن معاناة تفرق

أحسنت القول . بارك الله فيك ...

[asma2009]

أخوي ماجد ....... أتمنى أنك تستخير .. علشان ماتندم...موفق

[طموحه -_-]

اخوي ماجد استخير الله يسرلك الي فيه الخير وموفق ان شاء الله

[حبيبة سعيد]

هلا اخوي ماجد والله انا ابى اسالك ايش عملت وايش طلبو منك عشان جامعه الملك فيصل
وايش فروعها ومميزاتها
وهل التسجيل مازال مفتوح؟؟

[ماجد m]

المشاركة الأصلية كتبت بواسطة حبيبة سعيد هلا اخوي ماجد والله انا ابى اسالك ايش عملت وايش طلبو منك عشان جامعه الملك فيصل وايش فروعها ومميزاتها وهل التسجيل مازال مفتوح؟؟

أخي الذي عملته سجلت عن طريق الموقع في رمضان وسجلت في جامعة الملك عبدالعزيز أيضاَ ولكن جامعة الملك فيصل أعتذروا عن قبولي في التخصص الذي طلبته ثم تم قبولي في جامعة الملك عبدالعزيز ودفعت الرسوم 4000 الاف ريال وفي الأمس 23/10/1431هـ أتتني رسالة من جامعة الملك فيصل تفيد بقبولي في الجامعة في التخصص الذي طلبته وهو تخصص ادارة اعمال وأعطوني مهلة فقط حتى 27/10/1431هـ الاربعاء . ولا أخفيك بأنني أستخرت وقررت البقاء في جامعة الملك عبدالعزيز . والاخوه في المنتدى نصحوني بالبقاء... أما التخصصات التي في الجامعة نفس تخصصات جامعة الملك عبدالعزيز . وبأمكانك الذهاب لموقع جامعة الملك فيصل ومعرفة التخصصات . كما يمكنك التسجيل في الترم الثاني مع بداية الترم الثاني .أتمنى التوفيق للجميع .

[sealove]

شروط الإنسحاب من البرنامج

اللائحة المالية:


1.
إذا انسحب الطالب نهائياً من البرنامج قبل تاريخ بدء الفصل الدراسي تخصم نسبة 10% تكاليف إدارية.
2.
إذا انسحب الطالب نهائياً من البرنامج في مدة أقصاها أسبوع من تاريخ بدء الفصل الدراسي تخصم نسبة 25% من التكاليف المقررة.
3.
إذا انسحب الطالب نهائياً من البرنامج في مدة أقصاها أربعة أسابيع من تاريخ بدء الفصل الدراسي تخصم نسبة 50% من التكاليف المقررة.
4.
لا يستحق الطالب أي نسبة بعد انتهاء الأسبوع الرابع من تاريخ بدء الفصل الدراسي.
5.
إذا تقدم الطالب بطلب اعتذار عن الفصل الدراسي في الفترة المحددة للاعتذار ترحل له التكاليف الدراسية للفصل القادم.



للاستفسار :

للطلاب : تليفون 6951232 تحويله 204 - 203

للطالبات: تليفون 6952000 تحويله 26004 - 26329

واذا طنشوك ع الارقام هذي حاول تتصل بـ :

مدير وحدة البرامج المدفوعة ... تلقون : 6951942 فاكس : 6951125

او اتصل على عمادة خدمة المجتمع على هذا الرابط

http://community.kau.edu.sa/content....g=AR&cid=38388



بس نصيحة فكر لا تتسرع وعلمنا وش مشكلتك بالظبط

[صاحب الكلمة]

اخوي ماجد اتمنى لك التوفيق من اعماق قلبي..
على فكره اخوي تخصص الادارة العامه مسار عام افضل من التخصصات الادبية دون ادنى شك...
ولا اقلل من شأن التخصصات الأدبية
اقصد تخصصات كلية الاداب.
إذا انت ناوي إدارة اعمال وبأي تخصص ترغبه لك عندي حل ..
اسمع شوري ونــا اخوك ولك الخيــار والإختيار..
كمل وتوكل على الله بجامعة الملك عبد العزيز ..
وإذا اكملت البكالوريس قدم ماجستير إدارة أعمال (بأي مسار يعجبك)
والماستر في السعودية صار بالمادة ويكلف من 50 الى ال60 الف
عبر برنامج يسمى التعليم المتوازي ..
هذا في حالة وحده اذا ما قبلوك على حساب الجامعات السعودية, مالك إلا التعليم المتوازي (طبعاً برسوم)
والرسوم مو كــاش تقسيط ^_^
هذا شوري .
وانبسطت يوم هونت على الاقل (نشري صحبتك)
والله يوفقك ونــا اخوك..

[ماجد m]

المشاركة الأصلية كتبت بواسطة صاحب الكلمة اخوي ماجد اتمنى لك التوفيق من اعماق قلبي.. على فكره اخوي تخصص الادارة العامه مسار عام افضل من التخصصات الادبية دون ادنى شك... ولا اقلل من شأن التخصصات الأدبية اقصد تخصصات كلية الاداب. إذا انت ناوي إدارة اعمال وبأي تخصص ترغبه لك عندي حل .. اسمع شوري ونــا اخوك ولك الخيــار والإختيار.. كمل وتوكل على الله بجامعة الملك عبد العزيز .. وإذا اكملت البكالوريس قدم ماجستير إدارة أعمال (بأي مسار يعجبك) والماستر في السعودية صار بالمادة ويكلف من 50 الى ال60 الف عبر برنامج يسمى التعليم المتوازي .. هذا في حالة وحده اذا ما قبلوك على حساب الجامعات السعودية, مالك إلا التعليم المتوازي (طبعاً برسوم) والرسوم مو كــاش تقسيط ^_^ هذا شوري . وانبسطت يوم هونت على الاقل (نشري صحبتك) والله يوفقك ونــا اخوك..

فديتك أخوي صاحب كلمه ولي الشرف أن أكون صاحب لك ولجميع من أنتسب لهذا الصرح ..
وأفيدك بأنه من مميزات التعليم عن بعد والتي وقفت عندها أنه تحتسب للطالب (خمسون درجه أعمال سنه ) من مشاركه وواجبات . الخ . أما الانتساب المطور مائة درجة على الاختبار ... وهذه النقطه يجب الانتباه لها ...